Azərbaycan Futzal Federasiyası

XƏBƏRLƏR

“Araz” “Benfika” ilə qarşılaşıb
UEFA Çempionlar Liqasının əsas mərhələsində “Araz” bu gün növbəti oyununu keçirdi. Təmsilçimiz qrupun aşkar favoriti hesab edilən “Benfika” ilə qarşılaşdı. Portuqaliya çempionu fasiləyə qədər 3 cavabsız top vurdu. İkinci hissədə də üstün tərəf Portuqaliya futzalçıları oldu. Düzdü, 27-ci dəqiqədə Murilonun cərimə zərbəsindən fərqi azaltmağa yaxın oldu, amma Roncagilo əla reaksiya nümayiş etdirdi. Bir dəqiqə sonra Ramiz qapıçı ilə duelə yollandı və topu qolkiperin yanından auta vurdu. Azsaylı imkanlardan istifadə edə bilməyən təmsilçimiz ardıcıl 2 qol buraxdı.
“Araz” – “Benfika”: Heyətlər
UEFA Çempionlar Liqasının əsas mərhələsi çərçivəsində bu gün keçiriləcək “Araz” – “Benfika” oyununa komandalar bu heyətlə çıxacaqlar:
“Araz” “Benfika” ilə qarşılaşacaq
UEFA Çempionlar Liqasının əsas mərhələsində “Araz” bu gün ikinci oyununu keçirəcək. Təmsilçimiz Portuqaliya çempionu “Benfika” ilə qarşılaşacaq. Oyun Bakı vaxtı ilə saat 19:30-da başlayacaq.
UEC: Araz - Halle Gooik (video)
“Son oyunu daha çox düşünərək...”
UEFA Çempionlar Liqası çərçivəsində Belçikanın “Halle - Gooik” komandası ilə keçirilmiş oyunundan sonra “Araz”ın qapıçısı Rövşən Hüseynli azfutzal.az saytına müsahibə verib.
“Araz” – “Halle-Gooik” : Məşqçi fikirləri
UEFA Çempionlar Liqasının əsas mərhələsində keçirən “Araz” – “Halle-Gooik” oyunundan sonra hər iki komandanın baş məşqçisi azfutzal.az saytına açıqlama verib:
UÇL: "Araz" - "Halle-Gooik" (fotoreportaj)
“Araz” məğlubiyyətlə başladı
UEFA Çempionlar Liqasında çıxış edən “Araz” bu gün ilk oyununu keçirib. Ölkə çempionu qrup oyunlarını təşkil edən Belçikanın “Halle Gooik” klubu ilə qarşılaşıb. Əvvəlcədən də xəbər verdiyimiz kimi, təmsilçimiz oyuna ciddi itkilərlə yollanıb. Söhbət 4 iranlı legionerə vizanın verilməməsi nəticəsində onların turnirə yollana bilməməsindən gedir. Gözlənildiyi kimi, müdafiədə diqqətli oynamağa çalışan “Araz” az güc sərf etməklə əks-hücumlarda rəqibi cəzalandırmaq istəyirdi. Hesab isə erkən açıldı. Növbəti qol zamanı Atayev topu uzaqlaşdırmaq istəyərkən avtoqol müəllifi oldu. Rəqib fasiləyə qədər daha bir qol vurmağı bacardı. “Araz”dan İsa Atayevin, Rövşən Çovdarovun və Xətai Bağırovun zərbələri hədəfdən yan keçdi. Baş məşqçi Alesio tez-tez qapıçını da meydan oyunçusu ilə əvəzləyirdi ki, bu da topa daha çox sahib olmaq məqsədi daşıyırdı. İkinci hissənin start fitindən cəmi 24 saniyə sonra Xətai Bağırov fərqi azaltdı. Ardınca Atayevin zərbəsi tirə tuş gəldi. Rəqib isə bu dəfə boş qapını nişan almaq üçün “pusqu”da dayanmışdı. 30-cu dəqiqədə Ramizin zərbəsini qapıçı çətinliklə geri qaytardı. Ardınca kapitanın baş zərbəsi hədəfdən yayındı. Bu dəqiqələrdəki üstünlüyə rəğmən Belçika çempionu fərqi artırmağa imkan tapdı. Tədricən yorğunluq da sözünü deməyə başladı ki, rəqib də bundan yararlandı. Qrupda keçirilmiş ilk oyunda Portuqaliya “Benfika”sı və Ukrayna “Xerson”u qarşılaşdı. Oyun 1:1 hesabı ilə yekunlaşdı. Təmsilçimiz növbəti oyununu oktyabrın 10-da, saat 19:30-da Portuqaliyanın “Benfika” klubuna qarşı keçirəcək.