XƏBƏRLƏR
-
“Nəticəmiz yaxşı ola bilər…”
Final mərhələsi gələn il keçiriləcək dünya çempionatının elit-raundunda Azərbaycan millisi Qazaxıstan, Rumıniya və Niderland yığmaları ilə qarşılaşacaq. Bəs millimizin üzvləri püşkü necə qiymətləndirir? Bu dəfə Tyaqo Bolinya azfutzal.az-a açıqlama verib:
-
Statistika nə deyir?
DÇ-2024-ün elit-raund mərhələsinin püşkü Azərbaycan millisini A qrupunda Qazaxıstan, Rumıniya və Niderlandla bir qrupa saldı. Statistikaya nəzəaər saldıqda, millimiz bu rəqiblərdən Rumıniya ilə heç vaxt rəsmi oyunlarda qarşılaşmayıb. Ən çox isə Niderlandla gücünü sınayıb. Komandamız ümumiyyətlə beynəlaxlq arenada ikinci rəsmi matçını onlara qarşı keçirib. Bu duel 1995-ci ildə baş tutub və rəqibin qələbəsi ilə başa çatıb. Növbəti və sonuncu görüşlərdə heç-heçə qeydə alınsa da, yeganə qələbəni elə onların öz meydanında qazanmışıq. Maraqlıdır ki, həmin oyun DÇ-2016-nın pley-off mərhələsi çərçivəsində keçirilib. Rəqib meydanında 5:1 hesabı ilə qələbə qazanan komandamız Bakıda 4:4 hesablı heç-heçə etsə də, tarixində ilk dəfə dünya çempionatının final mərhələsinə vəsiqə qazanmışdı.
Qazaxıstana gəldikdə, bu komanda ilə cəmi bir rəsmi oyunda rəqib olmuşuq. Onda da Bakıda keçirilən qrup mərhələsinin matçında millimiz 6:3 hesabı ilə qələbə qazanıb. Amma yoldaşlıq oyunlarında dəfələrlə rəqib olub Azərbaycan və Qazaxıstan milliləri.
-
“Elə qrupda yer almışıq ki...”
Bu gün DÇ-2024-un elit-raund mərhələsinin püşkü atılıb. A qrupunda yer alan millimiz Qazaxıstan, Rumıniya və Niderlandla üz-üzə gələcək. Püşklə bağlı millinin kapitanı Emin Kürdov azfutzal.az-a açıqlama verib:
-
Oyun cədvəli
Millimizin bu mərhələdə oyun cədvəli belə olacaq:
-
Millinin rəqibləri müəyyənləşib
Final mərhələsi 2024-cü ildə keçiriləcək dünya çempionatının elit-raund mərhələsinin bu gün püşkü atılıb. A qrupunda yer alan millimiz Qazaxıstan, Rumıniya və Niderlan komandaları ilə qarşılaşacaq. Bu mərhələnin oyunları dekabrın 20-dək yekunlaşacaq. Komandamız elit-raunda səfər oyunu ilə başlayacaq və yekun nöqtəni də rəqib zalında qoyacaq.
-
“Yeni səhifə açmaq qərarına gəldik”
Ölkə çempionu “Araz-Naxçıvan”da müqaviləsi başa çatan baş məşqçi Joze Alesio Da Silva ilə yeni anlaşma imzalanmayıb, əvəzində bu posta uzun müddət Azərbaycan millisinin və “Araz-Naxçıvan”ın heyətində çıxış etmiş Vitali Borisov təyinat alıb. Yeni təyinatla bağlı komandanın vitse-prezidenti Mahmud Sadıqov azfutzal.az-a bunları deyib:
-
“Bunlar olan yerdə nəticə də qazanılacaq”
Xəbər verdiyimiz kimi, “Araz-Naxçıvan”a yeni baş məşqçi təyin olunub. Uzun müddət bu klubun və Azərbaycan millisinin formasını geyinmiş Vitali Borisov bundan sonra yeni ampluada – baş məşqçi postunda uğur qazanmağa çalışacaq.
-
“Araz-Naxçıvan”da yeni təyinat
17 qat Azərbaycan çempionu və yeni mövsümdə növbəti dəfə ölkəmizi UEFA Çempionlar Liqasında təmsil edəcək “Araz-Naxçıvan”da baş məşqçi vəzifəsinə yeni təyinat reallaşıb. Mayın 31-də müqaviləsi başa çatan Joze Alesio Da Silva və onun köməkçisi Cordan Silva ilə müqavilə yenilənməyib. Baş məşqçi postuna Vitali Borisov təyin olunub. Ona serb mütəxəssislər - Predraq Rayiç və qapıçı-məşqçi Zoran Rakiçeviç kömək edəcək. P.Raiç bir müddət EKOL komandasında çıxış edib və baş məşqçi kimi fəaliyyət göstərib. Hər 3 məşqçi ilə anlaşma 1 il müddətinədir.
Qeyd edək ki, Vitali Borisov Azərbaycan millisinin, eləcə də “Araz-Naxçıvan”ın heyətində çıxış edib, kapitan sarğısını daşıyıb. O, futzalçı kimi müxtəlif illərdə Rusiya və Serbiya klublarında da legioner həyatı yaşayıb. Məşqçi kimi isə 2 il əvvəl “Neftçi” İK-da fəaliyyət göstərib. O, komandada köməkçi-məşqçi vəzifəsini icra edib. 2021-2022-ci il mövsümündə “Neftçi” İK Yüksək Liqanın bürünc medalını qazanıb, Azərbaycan kubokunun qalibi olub.
