XƏBƏRLƏR
-
“Çalışacaqlar ki, son görüşdə məğlub olmasınlar”
DÇ-2024-ün əsas mərhələsi çərçivəsində martın 3-də Yunanıstanla qarşılaşacaq Azərbaycan millisinin bu gün mətbuat üçün açıq məşqi keçirilib. Məşqdən əvvəl isə baş məşqçi Joze Alesio Da Silva və qapıçı Rövşən Hüseynli jurnalistlərin suallarını cavablandırıb.
-
Millinin heyətində dəyişiklik
Bakıda təlim-məşq toplanışında olan futsal üzrə Azərbaycan millisinin heyətində dəyişiklik edilib. Zədəli olduğuna görə Amir Shojaei heyətdən çıxarılıb.
-
Qeydiyyatdan keçmiş KİV-lərin nəzərinə!
-
İkinci Liqa, XIII tur: Oyun cədvəli
İkinci Liqada XIII turun oyun cədvəli açıqlanıb. Turun matçları martın 5-də Olimpik Starda keçiriləcək.
-
Azərbaycan – Yunanıstan: Statistika nə deyir?
Martın 3-də Bakı İdman Sarayında Azərbaycan millisi növbəti oyununu keçirəcək. Rəqib Yunanıstan yığması olacaq. Komandamız ellada təmsilçisi ilə 5-ci dəfə rəsmi görüşdə üz-üzə gələcək. Buna qədər keçirilən 4 duelin hamısında qələbəni millimiz qazanıb. Bu oyunlarda rəqib qapısına 22 qol vuran komandamız cəmi 3 dəfə topu torundan çıxarıb. Son 3 dueldə isə futzalçılarımız qapısını toxunulmaz saxlayıb.
-
Mətbuat üçün açıq məşq və brifinq keçiriləcək
DÇ-2024-ün əsas mərhələsi çərçivəsində Yunanıstan yığması ilə oyuna hazırlıq məqsədi ilə Bakıda təlim-məşq toplanışında olan Azərbaycan milli komandasının fevralın 28-də, saat 10:30-da, Bakı İdman Sarayında ilk 15 dəqiqəsi mətbuat üçün açıq məşqi keçiriləcək. Məşqdən əvvəl – saat 10:15-də isə baş məşqçi Joze Alesio Da Silvanın iştirakı ilə brifinq təşkil olunacaq.
-
Azərbaycan – Yunanıstan: Akkreditasiya üçün qeydiyyat
DÇ-2024-ün əsas mərhələsi çərçivəsində martın 3-də, saat 20:00-da, Bakı İdman Sarayında keçiriləcək Azərbaycan –Yunanıstan oyunu üçün akkreditasiya almaq istəyən KİV nümayəndələri fevralın 27-dək qeydiyyatdan keçməlidirlər.
-
AK: 1/16 final mərhələsinin oyunları keçirilib
Azərbaycan kubokunun 1/16 final mərhələsinin oyunları keçirilib. Bu gün keçirilən ilk oyundan əvvəl Xocalı soyqırımı zamanı dünyasını dəyişmiş insanların əziz xatirəsi 1 dəqiqəlik sükutla yad edilib.
Üç gün ərzində davam edən bu mərhələnin Alyans Qrup – Rəvan matçı baş tutmayıb. Buna səbəb “Alyans Qrup”un təyin olunan vaxtda meydana çıxmamasıdır. Oyunun yekun nəticəsi barədə AFFA-nın İntizam Komitəsi qərar verəcək. Ümumi mənzərəni liqalar üzrə dəyərləndirsək, üstünlük İkinci Liqa təmsilçilərindədir. Belə ki, keçirilmiş 9 oyundan 5-də Birinci, 4-də isə İkinci Liqa komandaları üstünlük qazanıb. Diqqətçəkən məqam U-17-nin cari mövsümdə ilk qələbəsini məhz ölkə kuboku uğrunda oyunda qazanmasıdır. Digər məqam isə “Baku Fire” klubunun hər üç liqadakı komandalarının növbəti mərhələdə iştirak etməsi olacaq.
1/8 finala vəsiqə qazanmış komandaların siyahısını diqqətinizə çatdırırıq: Baku Fire-3, U-17, MUM, Flaqman, Advokat, Şamaxı, Dalğa, ADBTİA, Baku Fire-2. Yüksək Liqa iştirakçıları olan Araz-Naxçıvan, Baku Fire, Neftçi İK, Record club, Alyans və U-19 da bu mərhələdən mübarizəyə qoşulacaqlar.
Qeyd: İntizam Komitəsi Alyans Qrup-Rəvan oyunu ilə bağlı nəticəni elan etdikdən sonra qalib komanda da 1/8 final iştirakçılar sırasına əlavə olunacaq.
