LİQALAR
-
YL, II tur: Oyun cədvəli
Yüksək Liqada II turun oyun cədvəli açıqlanıb. Oktyabrın 8-də keçiriləcək turun qarşılaşmaları Olimpik Starda təşkil olunacaq.
-
Record club.az - Araz-Naxçıvan: Qollar (video)
-
BL, I tur: Oyun cədvəli
Birinci Liqada I turun oyun cədvəli açıqlanıb. İki gün davam edəcək turun bütün matçları Olimpik Starda keçiriləcək.
-
“Neftçi” İK üçün yubiley oyunu
Xəbər verdiyimiz kimi, oktyabrın 1-də Yüksək Liqada 28-ci çempionata start verilib. Yeni mövsümün açılış oyunu “Neftçi” İK üçün də əlamətdar olub. Belə ki, paytaxt təmsilçisi liqada sayca 260-cı oyununa çıxıb. Buna qədər 259 qarşılaşmada iştirak etmiş “Neftçi” İK 1799 qol vurub. Komandanın yeni transferi Məhəmməd Bədəlbəylinin vurduğu qol 1800-cü olub.
-
Qonaqların turu...
Bu gün Yüksək Liqada 2021-2022-ci il mövsümünə start verildi. Əvvəlcə dövlət himni səsləndirildi, daha sonra Vətən müharibəsi şəhidlərimizin əziz xatirəsi 1 dəqiqəlik sükutla yad edildi.
Turun ilk oyununda əzəli rəqiblər – “Neftçi” İK və EKOL üz-üzə gəldi. Namiq Məmmədkərimov “Neftçi”nin qapısına yol tapmaqla həm komandasına üstünlük qazandırdı, həm də mövsümün ilk qolunu vurdu. İlk dubl Faiq Əliyevin, het-trik isə Fərid Atakişiyevin ayağına yazıldı. Fasiləyə qədər daha 4 dəfə fərqlənən “yaşıllar” ikinci hissədə də üstünlüyünü davam etdirdi. Nəticədə komanda böyükhesablı qələbə qazandı.
Mərkəzi oyunda isə hesabı nominal meydan sahibləri açdı. CBC Sport televiziya kanalı vasitəsilə canlı yayımlanan qarşılaşmada Matin Gahremani Hüseynlinin qoruduğu qapıya yol tapdı. Cavab özünü çox gözlətmədi. Millinin də formasını geyinən Ramiz Çovdarov baxımlı qola imza atmaqla hesaba da tarazlıq gətirdi. 15-ci dəqiqədə Felipinyo penlti zərbəsini qola çevirə bilmədi. Bu dəfə qapıçı topu geri qaytardı.
İkinci hissədə Maneka hesabı “Araz-Naxçıvan”ın xeyrinə dəyişsə də, nominal meydan sahibləri cəmi 2 dəqiqə sonra cərimə zərbəsindən status-kvonu bərpa etdi. Braziliyalı forvard 35-ci dəqiqədə yenidən tarazlığı pozdu. Oyunda son qolu Ramiz Çovdarov vurdu. Çoxgedişli kombinasiyanı özü tamamlayan “7 nömrə” qələbəni təmin etdi.
Debütan “Alyans”la təcrübəlilərdən qurulmuş “Baku Fire”in dueli isə bol qollu oldu. Fasiləyə qədər tərəflər birlikdə 7 dəfə torun qapısını silkələdisə, ikinci hissədə bu göstərici 11-ə çatdı.
Onu da qeyd edək ki, Lənkəran təmsilçisi bu matçda İrandan dəvət etdiyi legionerlərdən bir neçəsinin xidmətindən istifadə edə bilmirdi.
Günün son matçında iki debütant gücünü sınadı. U-19 fasiləyə minimal hesablı qələbə ilə yollandı. Amma ikinci hissədə Tofiq Əliyev tablodakı rəqəmləri eyniləşdirdi. Sonrakı dəqiqlərdə “Xilə” qolları sıraladı. Ümumiyyətlə, Əliyevin het-triki komandasının qələbə qazanmasında əsas rol oynadı.
Qeyd edək ki, II turun oyunları oktyabrın 8-də keçiriləcək.
-
Bu gün: Yüksək Liqa, I tur
Bu gün Yüksək Liqada 2021-2022-ci il mövsümünə start veriləcək. Bakı İdman Sarayında ilk oyun saat 12:00-da start götürəcək. Record club.az - Araz-Naxçıvan dueli isə CBC Sport kanalı vasitəsilə canlı yayımlanacaq.
-
Çempionluq sevinci yaşayanlar...
Sabah Yüksək Liqada 2021-2022-ci il mövsümünə start veriləcək. Bu dəfə 8 komanda qalib adı uğrunda mübarizə aparacaq. İndiyə qədər “Araz-Naxçıvan” 15 dəfə hamıdan güclü olub. Ötən mövsüm isə çempionat keçirilməyib və İcraiyyə Komitəsinin qərarı ilə bir il əvvəlki çempion – “Araz-Naxçıvan” UEFA Çempionlar Liqasında iştirak edir. Naxçıvan təmsilçisindən sonra iki komanda 3 dəfə ölkə çempionu titulunu qazanıb. Söhbət “Avtomobilçi” və “Turan AİR”dən gedir. İlk çempion isə “Nicat” olub. “Araz-Naxçıvan” ardıcıl 10 dəfə çempion olduqdan sonra seriyanı “Khazar Islands” qırıb.
-
Birinci və İkinci liqaların püşkü atılıb (fotoreportaj)
Bu gün Birinci və İkinci liqalarda 2021-2022-ci il mövsümünün püşkü atılıb. Bakı İdman Sarayında keçirilən püşkatmadan əvvəl 27 sentyabr-Anım Günü ilə əlaqədar şəhidlərimizin əziz xatirəsi bir dəqiqəlik sükutla yad edilib. Daha sonra yeni mövsümün püşkü atılıb, klubları maraqlandıran suallar cavablandırılıb.
