LİQALAR
-
Birinci Liqa: Sarı vərəqələr
Birinci Liqada XIX turdan sonra sarı vərəqələrin göstəricisi açıqlanıb. Bir futzalçı fasiləsən sonra komandasına kömək edə bilməyəcək:
-
NFL: XII turun oyunları keçirilib
Azərbaycan Futbol Federasiyaları Assosiasiyası (AFFA), Azərbacan Futzal Federasiyası, Naxçıvan MR Gənclər və İdman Nazirliyi və Naxçıvan MR Futbol Federasiyasının təşkilatçılığı ilə dövlət və özəl təşkilatların komandaları arasında təşkil olunmuş Naxçıvan Futzal Liqasında (NFL) XII turun oyunları reallaşıb. Nəticələri diqqətinizə çatdırırıq:
-
Yüksək Liqada fərqlənənlər
Yüksək Liqada mövsümün yarısı arxada qalıb. Bəs 14 turda kimlər qol vurmağın sevincini yaşayıb?
-
Birinci Liqada 2019-cu ilə yekun vuruldu
Bu gün keçirilən 5 oyunla Birinci Liqada XIX tura və 2019-cu ilə yekun vuruldu. Günün ilk oyununa “Ulduz” yaxşı başladı. Birinci hissədə ardıcıl 3 cavabsız top vuran Elşad İbrahimlinin yetirmələri üstünlüyünü ikinci hissədə əldən verdi. Fasilədən sonra rəqibini “top atəşi”nə tutan “Qarabağ-Füzuli” hesabı xeyrinə dəyişməklə ili qələbə ilə başa vurmağı bacardı. Qələbə sayəsində əyalət təmsilçisi turnir cədvəlindəki mövqeyini də yaxşılaşdırdı. Liderlər qrupunda yer alan “Standard” itkilərə və startdakı yenilgiyə rəğmən, fərqli hesabla qələbə qazandı. Nəticədə “Standard” qış fasiləsinə ikinci pillədə yollandı. U-19 da turu 3 xalla başa vurdu. Komanda matçın gedişində fərqi xeyli artırsa da, “Rayyan” fərqi minimuma qədər endirməyi bacardı. Di gəl, bundan artığına gücü çatmayan rəqib U-19-un üstünlüyünü qəbul etməli oldu. “Zəngilan” – “Xızı Yasamal” duelində birinci hissə qarşılıqlı qollarla yadda qaldı. İkinci hissədə Rasim Əsədovun qolları sayəsində nominal meydan sahibləri hesabı lehinə dəyişdi. Yekunda qələbə qazanan “Zəngilan” turnir cədvəlində “Xızı Yasamal”ı qabaqlamağı bacardı. Liderin “Red Line”la dueli isə kifayət qədər maraqlı alındı. İlk qolu nominal qonaqlar vursa da, “AjaxBaku” əbəs yerə zirvədə yer aldığını sübut etdi.
-
“Yasamal” İSK-2-dən əzmkar qələbə
Bu gün Birinci Liqanın XIX turu çərçivəsində növbəti 4 oyun keçirilib. ADBTİA böyükhesablı qələbəyə sevinib. Uzun aradan sonra “Çinar Cəbrayıl” da turu 3 xalla başa vurub. Günün üçüncü oyunu gərgin və maraqlı keçib. “Yasamal” İSK-2 oyunun əvvəlində 2 top fərqi ilə önə keçsə də, sonradan rəqibin üstünlük qazanmasına mane ola bilməyib. Hətta bir ara “Star karqo”nun hesabdakı üstünlüyü 3 top çatıb. “Come back” edən Yasamal futzalçıları status-kvonu bərpa etməklə kifayətlənməyib, hesabı lehinə dəyişib. “Baku Fans” isə oyunu əvəzetmədən keçirdi və “tələbələr”dən güclü oldu.
-
“Forza Neftçi”dən əzmkar qələbə
Bu gün Birinci Liqada XIX tura start verildi. Bir oyunun keçirildiyi gündə “Forza Neftçi” startda məğlub duruma düşdü. Teymur Nəsibov Kərimini məğlub etdi. 6-cı dəqiqədə fan-klub status-kvonu bərpa etdi. Misir Ağayev effektli zərbə ilə rəqib torunu silkələdi. Bundan sonra Davud tez-tez irəli çıxmaqla 5-ci oyunçu kimi komandasına kömək etməyə çalışırdı ki, epizodların birində Nəsibov topu ələ keçirib boş qapını nişan aldı. 30 saniyə sonra “Metropoliten” üstünlüyünü 2 topa çatdırdı. Timur Dadaşov fərqi minimuma endirməklə intriqanı ölməyə qoymadı. Bərabərlik qolunu isə David Kərimi vurdu. Ardıcıl qollardan ruhlanan “Forza Neftçi” kapitan Sünhan Əliyevlə hesabı lehinə dəyişdi.
İkinci hissəyə də “Forza Neftçi” qolla başladı. Ancaq təslim olmaq haqda düşünməyən “Metropoliten” qısa zaman kəsiyində bərabərliyi bərpa etdi. “Sülh” uzunmüddətli olmadı. Bu dəfə Kərimi qardaşlarından Natiq rəqib torunu silkələdi. Kərimi 25-ci dəqiqədə yenidən fərqi 2 top çatdırmağı bacardı. Natiq 26-cı dəqiqədə het-trikini rəsmiləşdirdi. Ardınca Misir Ağayev het-trik etmək imkanı qazandı. Ağayev komandasının 10-cu, Cəlilov isə 6-cı qolun müəllifi oldu.
-
Yüksək Liqada 2019-cu ilə yekun vuruldu
Bu gün Yüksək Liqada XIV turun 4 oyunu keçirilib. Günün ilk qarşılaşmasında "Yasamal" İSK və "Xızı Futzal" üz-üzə gəlib. Ardıcıl qollar vuran “Xızı Futzal” fasiləyə üstün yollanıb. Elnur Soltanlının 5 qol vurduğu oyunda nominal qonaqlar üstünlüyünü sona qədər əldən verməyib.
Günün ikinci oyunu daha maraqlı keçib. Hesabı nominal qonaqlar açıb. Manafov komandasına üstünlük qazandıran oyunçu olub. Cəmi 3 dəqiqə sonra Renat Sultanov status-kvonu bərpa etdi. Növbəti dəfə yenə “Neftçi” hesabı lehinə dəyişdi. Komandaların fasiləyə bu hesabla yollanacağı gözlənilirdi ki, sona 20 saniyə qalmış time-out götürən Teymur Eyvazov nəticəni dəyişdirdi. İkinci hissədə isə əvvəlcə “Baku Fire” “sülh”ü pozdu. Ancaq “Neftçi” Oqtayla yenidən tablodakı rəqəmləri eyniləşdirdi. Hətta növbəti hücum zamanı Hacıbala Abdullazadənin “drujinası” üstünlük də qazandı. Yekunda gərgin keçən oyunun qalibi “Neftçi” oldu. “Marafon” isə birinci hissədə “Bakı” TFK-nın müqaviməti ilə üzləşsə də, fasilədə böyükhesablı qələbəni qazandıran qolları vurdu. Turun və Yüksək Liqada ilin son matçında iddialı EKOL-la əzmkarlığı və nümayiş etdirdiyi oyunla qazandığı nəticəsi üst-üstə düşməyən “Rekord club” üz-üzə gəldi. Bu dəfə heç cür istəyinə nail ola bilməyən nominal meydan sahibləri ili böyükhesablı məğlubiyyətlə yekunlaşdırdılar.
-
YL, XIV tur: Premier (Quba) - Araz (video)
