Azərbaycan Futzal Federasiyası

LİQALAR

Üç oyun keçirilib
Bu gün Birinci Liqada XXIII tura start verilib. Lider və izləyicisi böyükhesablı qələbəyə sevinib. Nəticələri diqqətinizə çatdırırıq:
YL. Xəzər Cənub - Araz (fotoreportaj)
“Xəzər Cənub” “Araz”ı xalsız qoydu
Bu gün Yüksək Liqada XXIII turun oyunları keçirildi. “Yasamal” MFK Baku – EKOL oyunu birincilərin təyin edilən vaxtda meydana çıxmaması səbəbindən baş tutmadı. Nəticə ilə bağlı İntizam Komitəsi qərar verəcək. CBC Sport televiziya kanalı vasitəsilə canlı yayımlanan mərkəzi oyun isə kifayət qədər maraqlı keçdi. Hesabı “Xəzər Cənub” açdı. Lider dərhal status-kvonu bərpa etsə də, nominal meydan sahibləri yenidən üstünlüyünü bərpa etdi. Düzdü, “Araz” yenə qol vurdu, amma müdafiədən topu uzaqlaşdıran zaman səhvə yol verilməsi “Xəzər Cənub”un işinə yaradı. Belə ki, Lənkəran təmsilçisi fasiləyə hesabda üstün yollanmağı bacardı. İkinci hissədə dəə qarşılıqlı hücumlar quruldu. “Araz” azı iki dəfə qapı tirini silkələməklə yadda qaldı. Əvəzində daha çox hesabı qorumağa çalışan və qapıçının inamlı oyunu sayəsində məqsədinə nail olan “Xəzər Cənub” rəqibin növbəti səhvini qola çevirməyi də bacardı. Bundan sonra Alesio qapıçını da meydan oyunçusu ilə əvəzlədi. Ali Mikaeli sabiq komandasını qapıçı formasında cəzalandırmağa çalışdı. Oyunda sonuncu qol 37-ci dəqiqədə vuruldu. Xətai Bağırov ikinci qolunu vurmaqla fərqi minimuma endirdi. Yeri gəlmişkən, bu matça qədər 3 dəfə üz-üzə gəlmiş komandaların duellərində cəmi bir dəfə qalib olub. İlk dövrədə “Araz” 1:0 hesabı ilə qələbə qazanıb. Turun son oyununda liderlər qrupunda yer alan “Neftçi”nin az əvvəl xal qazana bilməyən “Araz”a çatmaq imkanını əldən verməyəcəyi aydın idi. Oyuna kifayət qədər itki ilə çıxan “Neftçi”də kapitan sarğısı Fərəczadəyə həvalə olunmuşdu. Fasiləyə qədər 3 qol vuran “Neftçi” “Yasamal”İSK-nın ara-sıra hücumlarına mane ola bilmirdi. Fasilədən sonra yenə qol hesabını “Neftçi” açdı. Amma “Yasamal” da siftə etmək imkanı qazandı. Sonrakı dəqiqələrdə bir neçə qol epizodunu sağa-sola qaçıran “Neftçi” hərdən “çərçivə”yə də düşürdü.
İkinci Liqa, XXVIII tur: Oyun cədvəli
Xəbər verdiyimiz kimi, İkinci Liqada həftəsonu keçirilməli olan XXVIII turun oyunları təxirə salınmışdı. Turun qarşılaşmaları aprelin 2-də və 3-də Bakı İdman Sarayında keçiriləcək.
XXIII turun oyunları keçiriləcək
Bu gün Yüksək Liqada XXIII turun oyunları keçiriləcək. Turun mərkəzi qarşılaşması isə CBC Sport televiziya kanbalında canlı yayımlanacaq.
Birinci Liqa: Sarı vərəqələr
Birinci Liqada XXIII tur ərəfəsində sarı vərəqələrin göstəricisi belədir:
Tur təxirə salınıb
İkinci Liqada XXVIII tur qeyri-müəyyən vaxta təxirə salınıb. Oyunların keçiriləcəyi tarixlə bağlı saytda yaxın günlərdə məlumat yerləşdiriləcək.
Yüksək Liqa: Sarı vərəqələr
Sabah Yüksək Liqada XXIII turun oyunları keçiriləcək. Sarı vərəqə limitini doldurduğuna görə 2 futzalçı meydana çıxa bilməyəcək.