Azərbaycan Futzal Federasiyası

LİQALAR

“Obolon”la izləyicisi də bacarmadı
Bu gün İkinci Liqada XXII turun oyunları keçirilib. Gözlənilməz nəticə “Atletiko Baku”nun turnir cədvəlinin aşağı pillələrində yer alan “Gənclik” komandasına uduzması olub. “Hövsan” isə növbəti heç-heçəsini rəsmiləşdirməklə bu göstəricidə hamını qabaqlayıb. Lider isə ən yaxın izləyicisini xalsız qoyub. Elə ilk “3-lük”də qərarlaşan “Mübariz” də məğlubiyyətdən qaça bilməyib.
İkinci Liqa, XXII tur (fotoreportaj-1)
EKOL üçün yubiley qolu
Yüksək Liqanın XVIII turu EKOL üçün əlamətdar göstərici ilə yadda qalıb. Belə ki, 2008-ci ildə yaradılan və ölkə çempionatında iştirak edən bu komanda “Yasamal” İSK ilə matça qədər 1489 qol vurmuşdu. Autsayderlə matçda 13:2 hesabı ilə qələbə qazanan EKOL-un 11-ci – Əsgər Abasovun 35:11-ci dəqiqədə vurduğu qol klubun tarixində 1500-cü qol olub. Hazırda aktivində 1502 qol olan EKOL bu göstəriciyə 226 oyunda nail olub. Bu da hər oyuna orta hesabla 6.6 qol deməkdir. Yeri gəlmişkən, EKOL 226 oyundan 143-də qələbə qazanıb.
“Green Loğ” iki pillə irəliləyib
Bu gün keçirilmiş 4 oyunla Birinci Liqada XVIII tura yekun vurulub. Favoritlər turu qələbə ilə başa vurublar. Yalnız “Green Loğ” turnir cədvəlindəki mövqeyini yaxşılaşdıra bilib. Komanda iki pillə irəliləyərək 5-ci yerə yüksəlib.
YL: Araz - Liman 9:0 (fotoreportaj)
U-19 yenə minimal hesabla yenildi
Birinci Liqada XVIII tura start verilib. Bakı İdman Sarayında keçirilmiş turun ilk matçında “Standard” çətin qələbə qazanıb. Liderlər qrupunda yer alan və təcrübəli futzalçılardan qurulmuş komanda U-19-u 1 top fərqi ilə üstələyib. Günün yeganə böyükhesablı qələbəsini “Baku Fans” aktivinə yazdırıb. AZMİU və “Metropoliten” də xal ehtiyatını zənginləşdirib.
YL: EKOL - Yasamal İSK 13:2 (fotoreportaj)
Sürprizsiz tur....
Bu gün Yüksək Liqada XVIII turun oyunları keçirilib. Açılış matçında əsasən legioner futzalçılardan təşkil edilmiş 2 komanda üz-üzə gəlib. Qış fasiləsindən sonra iki texniki məğlubiyyətlə barışmalı olan “Yasamal MFK Baku” meydana çıxdığı ilk qarşılaşmanı böyük hesabla uduzub. Ardıcıl qələbələ qazanan “Xəzər Cənub” isə xal ehtiyatını artırıb. Səcəd Nəsihi 4 qol vurmaqla qələbədə əsas pay sahibi olub. İkinci oyunda iddialı EKOL turnir cədvəlinin son pilləsində yer almış “Yasamal” İSK-nı sınağa çəkib. Qış fasiləsindən sonra daha yaxşı təsir bağışlayan “Yasamal” güclü rəqibi qarşısında fərqin artmasına mane ola bilməyib. Bombardirlər yarışında yer alan Namiq Məmmədkərimov het-trik etməklə yadda qalıb. Turun son oyununda lider “Araz” yaxşı günlərini yaşamayan “Liman”la üz-üzə gəlib. 12-ci dəqiqəyə qədər cəmi 1 top buraxn debütant 10 saniyə fərqlə topu tordan 2 dəfə çıxarıb. “Araz” sonrakı dəqiqələrdə oyundakı üstünlüyünü hesabda da əks etdirib.