LİQALAR
-
Birinci Liqa, IX tur: Oyun cədvəli
Birinci Liqada IX turun oyun cədvəli açıqlanıb. Matçlar Olimpik Starda keçiriləcək.
-
İlk “4-lük”də yenilən olmadı
Birinci Liqada VIII turun oyunları keçirilib. Açılış matçında “Ulduz” rəqibini 3 top fərqi ilə üstələsə də, ikinci hissədə hesabı qoruya bilməyib. PFL isə hamıdan çox qol vurmaqla liderliyini möhkəmləndirib. “Baku Fire-2” qələbəni çətinliklə əldə edib. Elə “Xan-Lənkəran” da minimalhesablı üstünlük sayəsində 3 xalı qazanıb. “Dəstə Ordubad” isə məğlubiyyətsiz oyunlar seriyasını 2-yə çatdırıb. Turun son duelində sevinən tərəf STAR kargo olub.
-
Yüksək Liqa: Sarı vərəqələr
Yüksək Liqada VII turdan sonra sarı vərəqələrin göstəricisi açıqlanıb. “Record club”un məşqçisi Hossein Şahbandinin passivində 4 sarı vərəqə olduğuna görə, növbəti matçda texniki zonada yer ala bilməyəcək.
-
YL, VII tur: Record club - Yasamal Bakı 1:2 (fotolar)
-
Yüksək Liqa, VIII tur: Oyun cədvəli
Yüksək Liqada VIII turun oyun cədvəli açıqlanıb. Matçlar noyabrın 23-də Olimpik Starda keçiriləcək.
-
YL, VII tur: Araz-Naxçıvan - Neftçi İK 3:6 (fotolar)
-
Lider məğlub oldu
Yüksək Liqada bu gün VII turun oyunları keçirilib. Tura mərkəzi oyunla start verilib. Lider ötən mövsümün gümüş medalçısı ilə üz-üzə gəlib. Katatau və Ülvi Əliyev qırmızı vərəqə cəzalısı olduğuna görə, müvafiq olaraq hər biri öz komandasına kömək edə bilmirdi.
Oyuna nominal meydan sahibləri fəal başlasa da, hissənin ortaları son çempion üçün arzuolunmaz keçdi. Namiq Məmmədkərimov 3 dəqiqə ərzində het-trik etməklə komandasına üstünlük qazandırdı. 17-ci dəqiqədə isə Amadeunun səhvi Eminin Məmmədkərimovu aşkar qol vurmaq imkanından məhrum etməyə məcbur etdi və nəticədə təcrübəli qolkiper qırmızı vərəqə aldı.
İkinci hissəyə “Araz-NAxçıvan” qolla başaldı. Amadeunun zərbəsi qarşısıalınmaz oldu. Müdafiəçi 2 dəqiqə sonra fərqi minimuma endirdi. İsa isə status-kvonu bərpa etdi. Oyunda bərabərlik növbəti dəfə 27-ci dəqiqədə pozuldu. Məmmədkərimov qol vurdu. Amma təcrübəli hücumçu sevincini rəqib texniki zonası qarşısında qeyd etməklə qarşı tərəfi mübahisəyə cəkdi və buna görə də ikinci sarı-qırmızı vərəqə alaraq meydanı erkən tərk etməli oldu. 36-cı dəqiqədə “Neftçi” qapıçını da meydan oyunçusu ilə əvəzləyən “Araz-Naxçıvan”ı meydanın mərkəzinə dəvət etdi. Beləliklə son çempion cari mövsümdə ilk yenilgisi ilə barışmalı oldu.
Turun ikinci oyunu da gərgin keçdi. Hesabı açan “Yasamal Bakı” sonradan rəqibin status-kvonu bərpa etməsinə mane ola bilməsə də, sonra yaxın yenidən üstünlük qazanmmağı bacardı və mövsümdə ikinci qələbəsini aktivinə yazdırdı.
Son dueldə isə “Baku Fire” böyükhesablı qələbə qazandı.
-
Bu gün Yüksək Liqa, VII tur
Bu gün Yüksək Liqada VII turun oyunları keçiriləcək. Mərkəzi oyun saat 13:30-da başlayacaq və matçı FİFA referiləri idarə edəcək.
