LİQALAR
-
IV turun 2 oyunu keçirilib
Bu gün Yüksək Liqada IV turun oyunları keçirilib. “Olimpik Star”da baş tutacaq turun mərkəzi oyununda “Record club” və “Baku Fire” qarşılaşıb. Meydan sahibləri cəzalı Mahyar Pournizarın xidmətindən istifadə edə bilmir. Bərabərsəviyyəli görüşdə hesab 11-ci dəqiqədə açıldı. Heydari dəqiq oynamaqla “Baku Fire”ə hesabda üstünlük qazandırdı. Növbəti qol isə hissənin sonuna 2 dəqiqə qalmış vuruldu. Bu dəfə Matin Qahramani 10 metrlik cərimə zərbəsini dəqiq yerinə yetirməklə hesaba tarazlıq gətirdi. İkinci hissədə də ilk qolu nominal qonaqlar vurdu. Heydari rəqib qapıçının irəli çıxdığını görüb təxminən 35 metrlik məsafədən toru silkələdi. 34-cü dəqiqədə Sahand Rezapourun 10 metrlik cərimə zərbəsi dirəkdən qayıtdı. Qol “pərdəsini” kapitan endirdi. Elvin qapının boş olmasından istifadə edib fərqi artırdı. Əsas rəqibi məğlub edən “Baku Fire” turnir cədvəlində bir pillə irəlilədi.
Digər oyunda hesabı U-19 açıb. Künc nöqtəsindən “ev tapşırığı”nı yerinə yetirən yeniyetmələrdən Elşən Mahmudov adını tabloya yazdırıb. Amma fasiləyə qədər Lənkəran təmsilçisi üstünlük qazandı. Tural Lətifov dubl etdi, Asadi isə komandasının ilk qolunun müəllifi oldu. İkinci hissədə də əyalət təmsilçisi üstünlüyünü artırdı, amma son 10 dəqiqədə Şahbaz Həndəmli het-trik etməklə fərqi minimuma endirsə də, U-19 məğlubiyyətdən qaça bilmədi. Bu, “Alyans”ın cari mövsümdə ilk qələbəsi idi.
Qeyd edək ki, UEFA Çempionlar Liqasında iştirak edəcək “Araz-Naxçıvan” Qazaxıstanın “Kayrat” klubuyla Bakıda yoldaşlıq oyunları keçirəcəyinə görə, “Neftçi” İK ilə oyun qeyri-müəyyən vaxta təxirə salınıb.
-
Bu gün, Yüksək Liqa, IV tur
Bu gün Yüksək Liqada IV turun oyunları keçiriləcək. Olimpik Starda baş tutacaq turun bir görüşü təxirə salınıb. Belə ki, UEFA Çempionlar Liqasında iştirak edəcək “Araz-Naxçıvan” turnirə hazırlıq çərçivəsində Qazaxıstanın “Kayrat” klubu ilə yoldaşlıq oyunu keçirəcək. Bu üzdən ölkə çempionunun IV turda “Neftçi” İK ilə keçirəcəyi oyun qeyri-müəyyən vaxta təxirə salınıb. Mərkəzi oyunda isə “Record club” – “Baku Fire” üz-üzə gələcək.
-
İkinci Liqa, II tur: Təyinatlar
İkinci Liqada II turun oyunlarına təyinatlar açıqlanıb. Matçlar oktyabrın 23-də Olimpik Starda keçiriləcək.
-
Birinci Liqa, II tur: Təyinatlar
Birinci Liqada II turun oyunlarına təyinatlar açıqlanıb. Matçlar oktyabrın 20-də və 21-də Olimpik Starda keçiriləcək.
-
Yüksək Liqa, IV tur: Təyinatlar
Yüksək Liqada IV turun oyunlarına təyinatlar açıqlanıb. Qeyd edək ki, UEFA Çempionlar Liqasında iştirak edəcək “Araz-Naxçıvan” turnirə hazırlıq çərçivəsində Qazaxıstanın “Kayrat” klubu ilə yoldaşlıq oyunları keçirəcək. Bu üzdən ölkə çempionunun IV turda “Neftçi” İK ilə keçirəcəyi oyun qeyri-müəyyən vaxta təxirə salınıb.
-
“Araz-Naxçıvan”ın oyunlarının başlama saatı və təyinatlar
UEFA Çempionlar Liqasının əsas mərhələsinin 5-ci qrupunda yer alan “Araz-Naxçıvan”ın oyunlarının başlama saatı açıqlanıb. Təmsilçimiz ilk 2 oyununu 19:30-da, son matçını isə 22:00-da keçirəcək. Eyni zamanda, ilk iki oyunu idarə edəcək hakimlər də müəyyənləşib.
Qeyd edək ki, bu qrupun oyunları oktyabrın 26-dan 29-dək Bosniya və Herseqovinanın Mostar şəhərindəki “Mithad Hujdur Hujka Arena”da keçiriləcək. Yalnız qrup qalibi elit-raunda yüksələcək.
-
İkinci Liqa: Qol vuranlar
İkinci Liqanın I turunda ən çox Ceyhun Şirinli qol vurub.
-
İkinci Liqa, I tur: Fotoreportaj-2
