Azərbaycan Futzal Federasiyası

LİQALAR

"Heyətimizə əl gəzdirəcəyik"
Növbəti dəfə Azərbaycan çempionu olan “Araz-Naxçıvan”ın baş məşqçisi Joze Alesio Da Silvanın azfutzal.az-a açıqlaması:
Final. Araz-Naxçıvan - EKOL: Fotoreportaj
YL, 3-cü yer: Neftçi İK - Baku Fire: Fotoreportaj
YL, Final: Araz-Naxçıvan - EKOL: Videoicmal
YL, 3-cü yer: Neftçi İK - Baku Fire: Videoicmal
Yüksək Liqa, mükafatlandırma: fotoreportaj-2
Mükafatlandırma mərasimi keçirilib
Yüksək Liqada final matçından sonra komandaların mükafatlandırılması mərasimi keçirilib. CBC Sport kanalı vasitəsilə canlı yayımlanan mərasimdə mükafatları komandalara AFFA-nın baş katibi Sərxan Hacıyev, AFFA-nın İcraiyyə Komitəsinin üzvü, Azərbaycan Futzal Federasiyasının prezidenti Zaur Axundov təqdim ediblər.
Bürünc “Neftçi”!
Bu gün Yüksək Liqada 3-cü yer uğrunda oyun keçirilib. “Neftçi” İK və “Baku Fire”in duelinə ikincilər tam heyətlə çıxmışdısa, meydan sahibləri cəzalı olduğuna görə qapıçı Anar Məmmədovun xidmətindən istifadə edə bilmirdi. Oyunda hesabı “narıncılar” açdı. Nihad İsmayılovun qüvvətli zərbəsi Zamanov üçün qarşısıalınmaz oldu. 5 dəqiqə sonra “Neftçi” İK Oqtay Rüstəmli ilə hesabı bərabərləşdirdi 1:1. 13-cü dəqiqədə Nurlan Mehdizadə 10 metrlik zərbəni qolla tamamlaya bilmədi. Kamran Hacıyev düzgün mövqe seçməklə hesabın dəyişməsinə imkan vermədi. Ancaq Mənəflinin zərbəsi tablodakı tarazlığı pozdu. Növbəti qol Mehdizadədən gəldi. Müdafiədəki səhvdən yararlanan Nurlan bu dəfə Kamran səddini aşmağı bacardı. İkinci hissədə yenə ilk qolu “Baku Fire” vurdu. Bu dəfə Sultanovun penalti zərbəsini Zamanov geri qaytarsa da, dönən topu dəqiq tamamlayan Renat fərqi minimuma endirdi. 5 dəqiqə sonra “Neftçi”dən Oruc Baxşəlizadə fərqləndi. Oruc 7 dəqiqə sonra dublnu rəsmiləşdirməklə fərqi də artırmış oldu. Hasan Ali Jafarinin fərqlənməsi artıq oyunun taleyini həll etdi, demək olar. Qələbə sayəsində “Neftçi” İK mövsümü üçüncü pillədə başa vurdu və bürünc medalın sahibi oldu.