LİQALAR
-
“Araz-Naxçıvan”ın mövsümdə ilk xal itkisi
Bu gün Yüksək Liqada XIII turun oyunları keçirildi. İlk matçda EKOL debütant “Alyans”la üz-üzə gəldi. Fasiləyə qədər 3 cavabsız top vuran meydan sahibləri ikinci hissədə də üstünlüyünü davam etdirdi.
CBC Sport-la canlı yayımlanan günün ikinci oyununda U-19 və “Neftçi” üz-üzə gəlib. Yığmanın əsas üzvü Xəzər Ağalızadə bu matçda da komandasına kömək edə bilməyib. “Neftçi” isə görüşə tam heyətlə çıxıb. Hesabı qonaqlar açıb. Hasan Ali Jafari komandasına üstünlük qazandırıb. 6-cı dəqiqədə Nazim status-kvonu bərpa etməyə yaxın oldu. Amma top qapı dirəyinə tuş gəldi. Növbəti hücumda “Neftçi” Jafari ilə fərqi artırsa da, 8-ci dəqiqədə Nurlan rəqib torunu silkələdi. Ancaq təcrübəli heyətə malik nominal qonaqlar fasiləyə qədər daha 2 qol vurdu. İkinci hissədə U-19 sükutu pozdu. Məhəmmədin ötürməsini Fariz qapıdan keçirdi. Amma son dəqiqədə Omid Talebi yenidən fərqi 3 topa çatdırdı. Qələbə sayəsində Elşad Quliyevin komandası üçüncü pillədəki yerini möhkəmləndirdi.
“Xilə” – “Record club.az” oyununa komandalar məhdud heyətlə çıxmışdı. Əsasən əcnəbilərdən qurulan qonaqlar birinci dəqiqə tamam olmamış hesabı açdı. Sərxanın başladığı “qol yağışı”nı Matin, Amin davam etdirdi. İkinci hissədə də üstünlüyü davam etdirən “Record club.az” böyükhesablı qələbə qazandı. Bu matçda Matin Qahremani 8 qol vurdu.
Turun son oyunu maraqlı məcrada başladı. Lider cütün favoriti olsa da, oyuna “Baku Fire” qollarla başladı. Murad və Elvinin qolları intiriqanı artırdı. Son çempionun cavabı 12-ci dəqiqədə gəldi. Maneka fərqi minimuma endirən qola imza atdı. 15-ci dəqiqədə isə Felipinyo qarşısıalınmaz zərbə ilə bərabərliyi təmin etdi. Hissənin sonuna qədər tərəflər hərəyə daha bir qol vurdu. İkinci hissədə meydan sahibləri üstün oynasa da, qapılara qol vurulmadı və “Araz-Naxçıvan” mövsümdə ilk dəfə xal itkisi ilə barışdı.
-
Bu gün: Yüksək Liqa, XIII tur
Bu gün Yüksək Liqada XIII turun oyunları keçiriləcək:
-
İkinci Liqa, XV tur: Təyinatlar
İkinci Liqada XV turun oyunlarına təyinatlar açıqlanıb. Matçlar fevralın 27-də Olimpik Starda keçiriləcək.
-
Birinci Liqa, XVI tur: Təyinatlar
Birinci Liqada XVI turun oyunlarına təyinatlar açıqlanıb. Turun 3 oyunu Bakı İdman Sarayında, qalan 4 matçı isə Olimpik Starda keçiriləcək.
-
CBC Sport bu oyunu yayımlayacaq
-
İkinci Liqa, XV tur: Oyun cədvəli
İkinci Liqada XV turun oyun cədvəli açıqlanıb. Matçlar fevralın 27-də Olimpik Starda keçiriləcək.
-
İkinci Liqa: Sarı vərəqələr
İkinci Liqada XIV turun oyunlarından sonra sarı vərəqələrin göstəricisi açıqlanıb. Dörd futzalçı qarşıdakı oyunda komandasına kömək edə bilməyəcək. Buna səbəb onların sarı vərəqə limitini doldurmasıdır.
-
Birinci Liqa: Sarı vərəqələr
Birinci Liqada XV turdan sonra sarı vərəqələrin göstəricisi açıqlanıb. Bir futzalçının passivində 4 sarı vərəqə olduğuna görə, XVI turda meydana çıxmayacaq.
