Azərbaycan Futzal Federasiyası

LİQALAR

Birinci Liqa: Sarı vərəqələr
Birinci Liqada arxada qalan 5 turdan sonra bir futzalçının passivində 3, 5 futzalçıda isə 2 sarı vərəqə var.
Birinci Liqa, VI tur: Oyun cədvəli
Birinci Liqada VI turun oyun cədvəli açıqlanıb. Bütün qarşılaşmalar noyabrın 11-də və 12-də Bakı İdman Sarayında keçiriləcək.
Yüksək Liqa: Sarı vərəqə
Yüksək Liqada VI turdan sonra sarı vərəqələrin siyahısı açıqlanıb. Passivində 4 sarı vərəqə olan Renat Sultanov noyabrın 12-də U-19-la keçiriləcək matçı buraxacaq. Üç oyunçu isə təhlükəli zonaya yaxınlaşıb.
Yüksək Liqa, VII tur: Oyun cədvəli
Yüksək Liqada VII turun oyun cədvəli açıqlanıb.
Təxirə salınmış oyun keçiriləcək
Yüksək Liqada V turdan təxirə salınmış EKOL – “Araz-Naxçıvan” oyunu keçiriləcək. Qarşılaşma noyabrın 9-da, saat 14:00-da, Bakı İdman Sarayında keçiriləcək və CBC Sport kanalı vasitəsilə canlı yayımlanacaq.
"Forza Neftçi” “Şuşa”dan güclü oldu
Bu gün keçirilən 3 oyunla Birinci Liqada V tura yekun vurulub. ADBTİA böyükhesablı qələbəyə sevinib. Dəstə Orduba isə mövsümdə ilk dəfə meydanı 3 xalla tərk edib. Liderlər qrupunda yer alan komandaların duelini isə “Forza Neftçi” qazanıb.
Yüksək Liqa: Baku Fire-Araz-Naxçıvan (video)
EKOL hamıdan çox qol vurdu
Bu gün Yüksək Liqada VI turun oyunları keçirilib. Turun açılış oyunu heç-heçə başa çatıb. Elçin Zeynalov cəzalı olduğuna görə meydana çıxmayıb. Təcrübəli futzalçılardan qurulmuş “Neftçi” hesabda iki dəfə önə keçsə də, U-19 status-kvonu bərpa etməyi bacarıb. Ötən matçda “Record club.az”la matçda ilk qələbəsini qazanan yeniyetmələr bu dəfə “sülh”ə nail olub. Mərkəzi oyunda “Araz-Naxçıvan”la “Baku Fire” münasibətlərinə aydınlıq gətirib. CBC Sport kanalı vasitəsilə canlı yayımlanan oyuna nominal qonaqlar üstün başlayıb. İsa Atayevin cəzalı olduğu görüşün 4-cü dəqiqəsində Manekanın zərbəsi dirəyə dəyib. Ancaq David 11-ci dəqiqədə hesabdakı tarazlığı pozub. Braziliyalı müdafiəçi növbəti dəfə 19-cu dəqiqədə toru silkələyib. Cəmi 20 saniyə sonra Maneka fərqi 3 topa çatdırıb. İkinci hissədə sükutu Hadi Ahmadi pozub. Onun sol cinahdan zərbəsi qapıçı üçün qarşısıalınmaz olub. “Baku Fire” bundan sonra ardıcıl iki epizoddan yararlana bilməyib. Əvvəlcə Renatın zərbəsini Rövşən geri qaytarıb. Daha sonra kapitanın ötürməsini Zeynalov dəqiq tamamlaya bilməyib. Zeynalov 29-cu dəqiqədə birbaşa qırmızı vərəqə alaraq meydanı erkən tərk edib. Rəqibin azlıqda qaldığı 2 dəqiqə ərzində “Araz-Naxıvan” qol vura bilməyib. 32-ci dəqiqədə isə Hüseynli Elvin Quliyevin penalti zərbəsini dəf edib. Oyunda son qolu Çovdarov vurub və “Araz-Naxçıvan” böyükhesablı qələbə qazanıb. EKOL-la əyalət təmsilçisinin duelində isə lider fərqli qələbə qazanıb. Fasiləyə qədər 6 cavabsız top vuran “ağ-yaşıllar” ikinci hissədə fərqi daha da artırıb. Bombardirlik yarışını davam etdirən Namiq Məmmədkərimov aktivindəki topların sayını 11-ə çatdırıb. Turun son oyunu “come-back”la yadda qaldı. “Xilə” ardıcıl iki qol vurmaqla hesabda öndə olsa da, tədricən toparlanan “Record club.az” fasiləyə qədər artıqlaması ilə fərqlənib. İkinci hissədə də qolları sıralayan nominal meydan sahibləri xal ehtiyatını zənginləşdirib.