LİQALAR
-
Bu gün: Birinci Liqa, XXII tur
Bu gün Birinci Liqada XXII turun oyunları keçiriləcək. Bütün oyunlar martın 6-da və 7-də “Olimpik Star”da keçiriləcək:
-
Yüksək Liqa, XVIII tur (fotoreportaj-1)
-
İkinci dövrəyə yekun vuruldu
Bu gün Yüksək Liqada XVIII turun oyunları keçirildi. İkinci dövrənin son turunun açılış matçı maraqlı alındı. Düzdü, EKOL cütün favoriti hesab edilsə də, “Xızı Futzal” kifayət qədər müqavimət göstərdi. İlk qolu “yaşıllar” vurdu. Samir Həmzəyevin qazandırdığı üstünlük 2 dəqiqə çəkdi. Əvəzində Xəyal və Fərid rəqib torunu silkələməklə hesabı komandasının xeyrinə dəyişdi. Fasiləyə 59 saniyə qalmış isə Faiq tablodakı rəqəmləri bərabərləşdirdi. Buna qədər Radiklə Oqtay qapı tirini nişan almışdı.
İkinci hissəyə isə “Xızı Futzal” qolla başladı. Bu dəfə Xəyal Quliyev cərimə zərbəsini birbaşa qapıya istiqamətləndirdi ki, bu zaman İntiqam Babayevin inamsız oyunu topun tora daxil olması ilə nəticələndi. Faiq Əliyev növbəti dəfə status-kvonu bərpa etdikdən sonra komandalar hərəyə bir penaltidən qol sevinci yaşadı. EKOL-a 3 xal qazandıran qol isə matçın başa çatmasına 27 saniyə qalmış vuruldu.
Turun ikinci oyunu məhsuldar alındı. Artıq 1 dəqiqənin tamamında “Marafon” rəqibini iki dəfə meydanın mərkəzinə dəvət etmişdi. Fasiləyə qədər 5 cavabsız top vuran Elşad Quliyevin drujinası ikinci hissədə də üstünlüyünü əldən vermədi.
Növbəti dueldə “Baku Fire” ilk hücumdaca hesabı aça bilərdi. Renatın ötürməsini Tahir qapı çatına vurdu. “Bakı” Məhəmməd Bədəlbəyli ilə buna qarşılıq verdi. Bu dəfə qapıçı hesabın açılmasına imkan vermədi. Bununl belə, Bədəlbəyli istəyinə çatdı. Ancaq onun qazandırdığı üstünlük 1 dəqiqə çəkmədi, Renat status-kvonu bərpa etdi. Daha sonra Rasif Səfiyarov dubl etməklə 2 topluq fərq yaratdı. İkinci hissədə “Bakı” TFK daha çox qol vursa da, qələbəni nominal qonaqlar qazandı.
“Premier” (Quba) oyuna gəlmədiyinə görə, “Neftçi” ilə qarşılaşma haqda İntizam Komitəsi qərar verəcək.
Turun son oyunu liderin böyükhesablı qələbəsi ilə yekunlaşdı.
Yüksək Liqada XIX turun oyunları martın 9-da “Olimpik Star”da keçiriləcək.
-
İkinci Liqa: Sarı vərəqələr
Bazar günü İkinci Liqada XXI turun oyunları keçiriləcək. Dörd futzalçı sarı vərəqə limitini doldurduğuna görə, turu buraxacaq.
-
İkinci Liqa, XXI tur: Təyinatlar
İkinci Liqada XXI turun oyunlarına təyinatlar açıqlanıb. Martın 8-də turun bütün oyunları “Olimpik Star”da keçiriləcək.
-
İddialılardan qələbə
İkinci Liqada XX turun oyunları keçirilib. İkinci dövrəyə iddialılar qələbə ilə başlayıb. Bir oyunda isə xallar yarı bölünüb.
-
Bu gün: Yüksək Liqa, XVIII tur
Bu gün Yüksək Liqada XVIII turun oyunları keçiriləcək. Turun bütün qarşılaşmaları “Olimpik Star”da baş tutacaq. Turu liderlərin autsayderlərlə dueli kimi də xarakterizə etmək olar. Maraqlı görüş qonşu pillələrdə məskunlaşan “Bakı” TFK – “Baku Fire” arasında keçiriləcək.
-
İkinci Liqa, XXI tur: Oyun cədvəli
İkinci Liqada XXI turun oyun cədvəli açıqlanıb. Martın 8-də turun bütün oyunları “Olimpik Star”da keçiriləcək.
