LİQALAR
-
Təxirə salınmış oyuna təyinatlar
Yüksək Liqanın IV turundan təxirə salınmış “Baku Fire” – “Marafon” oyununa təyinatlar açıqlanıb. Dekabrın 16-da Bakı İdman Sarayında keçiriləcək matçı idarə edəcək hakimləri diqqətinizə çatdırırıq: Rahin Heybətov, Kənan Məlikov, Fuad Həsənov
-
Birinci Liqa, XVI tur: Təyinatlar
Birinci Liqada XVI turun oyunlarına təyinatlar açıqlanıb. Bütün oyunlar Olimpik Starda keçiriləcək:
-
Bu dəfə EKOL güclü oldu
Bu gün Yüksək Liqada XII turun oyunları keçirilib. İlk matçda lider böyükhesablı qələbə qazanıb. Amma görüş iki futzalçının qırmızı vərəqə alması və “Araz”ı oyuna köməkçi-məşqçi Ağakərim Həsənovun çıxarması ilə də diqqət çəkib. Baş məşqçi Joze Alesio Da Silva səhhəti ilə əlaqədar oyunda iştirak etmirdi. CBC Sport-la canlı yayımlanan ikinci oyunda hesabı Quba futzalçıları açıb. Sərxan Ağayevin qoluna 3 dəqiqə sonra Renat Sultanov qarşılıq verib. Bir qədər sonra Reza Tolouei komandasını önə keçirən qolun müəllifi olub. Sonkarı dəqiqələrdə nominal qonaqlar status-kvonu bərpa etməklə kifayətlənməyib, hətta hesabı lehinə də dəyişib. Di gəl, sona yaxın kobud səhvlər “Baku Fire”in qalib gəlməsinə şərait yaradıb.
Üçüncü oyun da kifayət qədər maraqlı alınıb. “Bakı” TFK – “Xızı Futzal” duelində azarkeşlər fasiləyə qədər növbəli qolların vurulmasına şahidlik ediblər. İkinci hissədə xüsusilə də Vüsal Buludlunun fəallığı komandasına vacib qələbə qazandırdı.
“Rekord club” – “Marafon” matçına nominal qonaqlar qollarla başlasa da, iranlı futzalçılardan qurulmuş meydan sahibləri hesabı xeyirlərinə dəyişsələr də, bu üstünlüyü fasiləyə qədər saxlaya bilmədilər. Komandalar 4:4 hesablı heç-heçə ilə istirahətə yollandılar. İkinci hissədə ssenarinin təkrarlanmasına imkan verməyən “Marafon” daha çox qol vuraraq oyunun taleyini həll edib.
Tura əzəli rəqiblərin dueli ilə yekun vurulub. Oyunda hesabı EKOL açdı. Talebmohammad Arabpour komandasına hesabda üstünlük qazandırdı. 8-ci dəqiqədə Oktay Rüstəmlinin ötürmə səhvindən nominal qonaqlar yararlandı. Topu ələ keçirən Ələkbərov “çərçivə”ni dəqiq nişan aldı. “Neftçi” 11-ci dəqiqədə fərqi minimuma endirdi. Vahib təkbaşına iki oyunçudan sıyrılıb qapı istiqamətində zərbə endirdi. Dirəkdən geri qayıdan topu təkrar zərbə ilə tora qovuşduran Xocayev adını tabloya yazdırdı. 24-cü dəqiqədə Namiq Məmmədkərimov Kənan Manafovun əllə oyuna görə təyin edilmiş penaltini dəqiq yerinə yetirməklə fərqi yenidən 2 topa çatdırdı. Məmmədkərimov sonrakı dəqiqələrdə də rəqib torunu silkələdi. Sona 5 saniyə qalmış “Neftçi” məğlubiyyətdən qaçmağa yaxın olsa da, Orucun zərbəsi dirəyə tuş gəldi. Yekunda EKOL I dövrədəki məğlubiyyətin əvəzini çıxmış oldu.
-
Bu gün: Yüksək Liqa, XII tur
Bu gün Yüksək Liqanın XII turunun oyunları keçiriləcək. Bütün oyunlar Bakı İdman Sarayında baş tutacaq. Saat 12:00-da start götürəcək tura EKOL – “Neftçi” dueli ilə yekun vurulacaq. “Baku Fire” – “Premier” (Quba) oyunu isə CBC Sport kanalı vasitəsilə canlı yayımlanacaq.
-
İkinci Liqa, XIV tur: Oyun cədvəli
İkinci Liqada XIV turun oyun cədvəli açıqlanıb. Bütün qarşılaşmalar dekabrın 15-də Bakı İdman Sarayında keçiriləcək:
-
Birinci Liqa, XVI tur: Oyun cədvəli
Birinci Liqada XVI turun oyun cədvəli açıqlanıb. Bütün oyunlar Olimpik Starda keçiriləcək:
-
Təxirə salınmış oyuna təyinatlar
Yüksək Liqanın IV turundan təxirə salınmış “Baku Fire” – “Marafon” oyununa təyinatlar açıqlanıb. Dekabrın 16-da Bakı İdman Sarayında keçiriləcək matçı idarə edəcək hakimləri diqqətinizə çatdırırıq: Rahin Heybətov, Kənan Məlikov, Fuad Həsənov
-
NFL: IX turun oyunları keçirilib
Naxçıvan Futzal Liqasında IX turun oyunları keçirilib. Tur “Nəqşicahan Holdinq”in 25:0 hesablı qələbəsi ilə yadda qalıb.
