Azərbaycan Futzal Federasiyası

AVROPA ÇEMPİONATI

Azərbaycan – Bosniya və Herseqovina: Hakimlər
Avropa çempionatının final mərhələsi çərçivəsində yanvarın 29-da keçiriləcək Azərbaycan – Bosniya və Herseqovina oyununu idarə edəcək hakimlər açıqlanıb:
Mətbuat konfransı keçirilib
Bu gün Amsterdamdakı “Ziggo Dome”də Azərbaycan millisinin baş məşqçisi Joze Alesi Da Silvanın və komandanın hücumçusu İsa Atayevin iştirakı ilə oyunöncəsi mətbuat konfransı keçirilib.
Qallo və Rövşən Hüseynli komandaya qoşulub
Avropa çempionatının final mərhələsində yanvarın 29-da Bosniya və Herseqovina yığması ilə qarşılaşacaq Azərbaycan millisi dünən Qroningen şəhərindən Amsterdama gəlib. Komandamız matçın baş tutacağı “Ziggo Dome”də bərpa məşqi keçirib. Milli bu gün oyunöncəsi çalışmasını Bakı vaxtı ilə saat 15:30-da reallaşdıracaq. Məşqdən əvvəl baş məşqçi Joze Alesio Da Silvanın və İsa Atayevin iştirakı ilə mətbuat konfransı təşkil olunacaq. Qaydalara uyğun olaraq isə həm rəsmi məşq, həm də oyun günü komanda üzvlərindən antigen test götürüləcək.
Azərbaycan – Bosniya və Herseqovina: Statistika
Avropa çempionatının final mərhələsinin qrup oyunlarında son matına çıxacaq millimiz Bosniya və Herseqovina ilə qarşılaşacaq. İndiyə qədər bu komandalar iki dəfə üz-üzə gəlib. Hər iki matç Avropa çempionatının seçmə mərhələsi çərçivəsində baş tutub və komandamız qələbə qazanıb.
İspaniya - Azərbaycan 2:2 (qollar, video)
"..Azərbaycan yığması istənilən rəqiblə oynaya bilər"
Bu gün Avropa çempionatının final mərhələsində İspaniya yığması ilə heç-heçə edən Azərbaycan millisinin baş məşqçisi Joze Alesio Da Silvanın oyunsönrası açıqlaması:
İspaniya - Azərbaycan: Fotoreportaj
İkinci oyunda heç-heçə
Avropa çempionatının final mərhələsində millimiz növbəti oyununu İspaniya yığmasına qarşı keçirib. Əvvəlcədən də qeyd edildiyi kimi, Rövşən Hüseynli və Qallo bu matçda da komandamıza kömək edə bilməyib. Oyuna millimiz yaxşı başlayıb. Bunun nəticəsi olaraq 10-cu dəqiqədə hesab açılıb. Rafael Vilelanın qapıya paralel ötürməsinə Atayevin təzyiqi ilə Lozano toxundu ki, nəticədə komandamız önə keçirdi. Üstünlüyümüz 2 dəqiqə çəksə də, 17-ci dəqiqədə Atayev yenidən diqqət mərkəzinə düşdü. Bu dəfə Vassouradan ötürmə qəbul edən hücumçu komandamızın ikinci qolunu vurdu. İkinci hissədə gözlənildiyi kimi, rəqib təzyiqi artırdı. Əsasən müdafiə çəkilən komandamız əks-hücumlar zamanı hesabı dəyişməyə çalışırdı. Bir neçə epizodda buna yaxın olduq. Hətta Edunun zərbəsindən sonra top dirəyə dəyib meydanı tərk etdi. 31-ci dəqiqədə isə nominal meydan sahibləri hesabı bərabərləşdirdi və oyun “sulh”lə başa çatdı. İlk xalını qazanan komandamız növbəti mərhələyə yüksəlmək şansını davam etdirir. Onu da qeyd edək ki, UEFA bu matçı izləmək üçün 30-a yaxın uşağın tribunada yer almasına şərait yaratmışdı.