Avropa çempionatının final mərhələsinə hazırlıq məqsədi ilə Azərbaycan millisi bu gün Belçika yığması ilə qarşılaşıb. İsa Atayevin yüngül zədəsi olduğundan, görüşə ikinci hissədə qoşulub. Oyuna rəqib fəal başlayıb. Artıq 2-ci dəqiqədə meydan sahibləri hesabı açıb. 8-ci dəqiqədə isə Fariri uzaqdan qüvvətli zərbə ilə fərqi 2 topa çatdırıb. Ardınca Fineo qırmızı vərəqə alaraq komandanı azlıqda qoyub. İki dəqiqədən sonra tam heyətlə mübarizəni davam etdirən komandamız fərqi minimuma endirməyi bacarıb. Vassoura adını tabloya yazdırdı. Bir qədər sonra Xətai Bağırov hesabı bərabərləşdirməyə yaxın olub. Hissənin sonuna yaxın baş məşqçi Alesio qapıçını meydan oyunçusu ilə əvəzləyib. Bu da rəqib qapçının qol vurmasına şərait yaradıb. İkinci hissəyə də komandamız yaxşı başlamayıb. Bu dəfə Xətai Bağırov ikinci sarı-qırmızı vərəqə alaraq meydanı tərk edib. İsa və Ramizin iki epizodda zərbəsi təhlükəli alınıb. Fasilədən sonra ilk qolu isə Qallo vurub və fərqi minimuma endirib. Amma 2 dəqiqə sonra Lukas yenidən qapımıza yol tapıb. 37-ci dəqiqədə komandamız 10 metrlik cərimə zərbəsi vurmaq hüququ qazanıb. Tyaqo dəqiq oynayıb. Oyunda son nöqtəni isə Lukas qoydu.
Belçika – Azərbaycan (3:1) 5:3
Beynəlxalq yoldaşlıq oyunu
17 yanvar. Borgloon. Saat 17:00
Hakimlər: İbrahim Eljilali, Juan Boelen, Kris Feytons
Qollar: Omar Rahou, 1:13, Soufian El Fakiri, 7:58, Moustafa İdrisi, 19:44, Lukas Diniz Pinheiro, 32:23, 39:28 // Vassoura, 16:20, Qallo, 30:17, Bolinha, 36:51
Sarı vərəqələr: Ouadi Souliemani, 14:53 // Xətai Bağırov, 17:50
Qırmızı vərəqələr: Fineo De Araujo, 13:36, Xətai Bağırov, 24:14 (ikinci sarı)
Belçika
1. Moustafa İdrisi (q), 2. Sven Sleypen, 4. Omar Rahou, 5. Ahmed Sababti (k), 6. Meris Durakoviç, 19. Dries Vrancken (q), 7. Steven Dillien, 8. İbrahim Adnane, 9. Lukas Diniz Pinheiro, 10. Zakaria Lamsaiah, 11. Ouadi Souliemani, 14. Soufian El Fakiri, 15. Jasper Buyl, 16. Kenneth Vanderheyden,
Baş məşqçi: Karim Bachar
Azərbaycan
12. Rövşən Hüseynli (q), 3. Bolinha, 5. Fineo De Araujo, 10. Vassoura, 13. Qallo, 1. Emin Kürdov (q), 8. Rizvan Fərzəliyev (k), 7. Ramiz Çovdarov, 11. Xətai Bağırov, 2. Felipinyo, 17. İsa Atayev, 16. Maneka
Baş məşqçi: Joze Alesio Da Silva
