Bu gün Yüksək Liqada 2024-2025-ci il mövsümünə start verilib. İlk matçda ötən mövsümün müvafiq olaraq gümüş və qızıl medalçıları – “Baku Fire” - “Araz-Naxçıvan” qarşılaşıb. Ötənilki heyətini qoruyan və yeni transferlərlə gücləndirən nominal meydan sahibləri iddiasını da böyüdüb. Çempionluq uğrunda yarışacaq “Baku Fire” heyətini və baş məşqçisini yeniləmiş “Araz-Naxçıvan”la dueldə bunu əyani ortaya qoymalı idi.

FİFA referilərinin idarə etdiyi oyuna “Baku Fire” sürətli başladı. İlk dəqiqələrdən “5-lik” oynayan nominal meydan sahibləri İaqonun dublu sayəsində hesabda üstünlük qazandı. Braziliyalı həm də mövsümün qol “siftəsi”ni etmiş oldu. Laza qollardan birinin əvəzini çıxsa da, növbəti dəfə eks “Araz-Naxçıvan”lı - Amadeu toru silkələdi və fərqi yenidən 2 topa yüksəltdi. Fasiləyə qədər Amadeu dublnu rəsmiləşdirdi. Ona qədər komandasından Tofiq Mikayılov, rəqibdən isə Caique qol vurmağa nail oldu.

İkinci hissəyə isə son çempion uğurlu start verdi. Giovanny komandasının 3-cü qolunu vurdu. 28-ci dəqiqədə fərq yenidən 3 topa yüksəldi. Bu dəfə Emindən qayıdan topu Oqtay tora qovuşdurdu. Matçın son dəqiqələri daha məhsuldar keçdi. Amma son çempion 4 topa çatdırılan fərqi 2 topa qədər azaltsa da, məğlubiyyətdən qaça bilmədi.

Onu da qeyd edək ki, yeni mövsümdə ilk sarı vərəqə Emil Həsənzadəyə, “qırmızı” isə Amadeuya göstərildi.  

Baku Fire – Araz-Naxçıvan  (5:2) 8:6

22 oktyabr. Olimpik Star. Saat 14:30

Hakimlər: Əli Cəbrayılov, Hikmət Qafarlı, Elgün Hüseynov

Hakim-inspektor: Füzuli Nəcəfov

Qollar: İaqo Henrique, 2:13, 2:49, 35:34, Amadeu, 8:37, 19:21, Tofiq Mikayılov, 12:12, Oqtay Rüstəmli, 27:59, Kənan Manafov, 33:35 // Lazar Milosavljeviçi, 3:40, 38:04, Caique Aledes De Oliveira, 13:35, Giovanny Valerio, 23:25, Xəzər Ağalızadə, 35:01, Fərid Ələkbərov, 37:07 (ö/q)

Sarı vərəqələr:  Nihad İsmayılov, 12:55, Tofiq Mikayılov, 29:40, Amadeu, 29:40, İaqo Henrique, 30:13, Fərid Ələkbərov, 30:13 // Emil Həsənzadə, 6:50, Lazar Milosavljeviçi, 7:45, Giovanny Valerio, 38:20

Qırmızı vərəqə: Amadeu, 30:13

Baku Fire

12. Kamran Hacıyev (q), 8. Nihad İsmayılov, 10. Oqtay Rüstəmli, 11. İaqo Henrique, 23. Amadeu, 1. Elnur Zamanov (q), 3. Kənan Manafov, 4. Elvin Quliyev (k), 7. Nurlan Mehdizadə, 9. Murad Quluzadə, 14. Tofiq Mikayılov, 17. Fərid Ələkbərov, 20. Fərid Abbasov, 29. Cavad Məmmədov (q)

Baş məşqçi: Teymur Eyvazov

Araz-Naxçıvan

1. Emin Kürdov (q, k), 5. Lazar Milosavljeviçi, 8. Giovanny Valerio, 14. Xəzər Ağalızadə, 17. Caique Aledes De Oliveira, 12. Əli Quliyev (q), 3. Qüdrət Qasımzadə, 6. Ramazan Atakişiyev, 7. Amirhossein Rasouli, 9. Emil Həsənzadə, 10. Ali Rostami, 18. Ülvi Əliyev, 21. Nurlan Məmmədov

Baş məşqçi: Predraq Rayiç