Bu gün Yüksək Liqada XIV turun oyunları keçirilib. Turun açılış matçında debutant “Şuşa” U-19-la qarşılaşıb. Fasiləyə qədər nominal meydan sahibləri 3 cavabsız top vurub. İkinci hissəni gənclər fəal keçirib. Hətta milli hesabı bərabərləşdirməyi bacarıb. Ancaq matçın başa çatmasına 5 dəqiqə qalmış debutant tarazlığı pozmağı bacardı və qələbə qazandı. Turun mərkəzi oyunu gözlənildiyi kimi gərgin və maraqlı keçdi. Hesab 11-ci dəqiqədə açıldı. “ev tapşırığı”nı Caique dəqiq zərbə ilə tamamlamaqla sükutu pozdu. Amma “Neftçi”nin cavabı da gecikmədi. İsa Atayevin cinahdan rəqibini keçib qapı dirəyinin dibinə ötürməsini Mirzə Əmirov tora qovuşdurdu. 18-ci dəqiqədə nominal qonaqlar hesabı xeyrinə dəyişə bilərdi. Bunun üçün İsa Atayevin 10 metrlik cərimə zərbəsini dəqiq yerinə yetirməsi gərəkirdi ki, 17 nömrə qeyri-dəqiq oynadı. Amma Atayev 1 dəqiqə sonra səhvini düzəltdi. Bu dəfə də zərbəni Kürdov qaytarsa da, özünü yetirən təcrübəli futzalçı fərqlənib. İkinci hissədə də gərginlik davam etdi. Hesabda geri düşən “Araz-Naxçıvan”ın təzyiqi artırması gözlənilən idi. Hətta bir epizodda Emilin ideal ötürməsini Ülvi qapıdan keçirə bilmədi. Ancaq Xəzər Ağalızadə 30-cu dəqiqədə tablodakı rəqəmləri eyniləşdirdi. “Sulh” uzun çəkmədi. Cəmi 13 saniyə sonra Namiq Məmmədkətimov təyin olunmuş penaltini dəqiq yerinə yetirməklə komandasına üstünlük qazandırdı. 34-cü dəqiqədə isə “Araz-Naxçıvan” azlıqda qaldı. Giovanny hücumun qarşısını kəsdiyinə görə, 2-ci sarı – qırmızı vərəqə aldı. Sonrakı dəqiqələrdə hesab dəyişmədi və “Neftçi” məğlubiyyətsiz oyunlar seriyasını 4-ə çatdırdı. “Araz-Naxçıvan” isə cari çempionatda ikinci məğlubiyyəti ilə barışdı. Turun son matçı isə “Baku Fire” üçün məşq xarakteri daşıyırdı. Xüsusilə də İaqo Henrique məhsuldarlığı ilə yadda qalıb.
Olimpik Star
IV tur
Şuşa - U-19 (3:0) 5:4
23 noyabr. Olimpik Star. Saat 13:00
Hakimlər: Hacıəli Ağayev, Kənan Məlikov, İmran Məhərrəmov
Hakim-inspektor: Ramiz Əsədov
Qollar: Şahbaz Həndəmli, 11:03, Rüstəm Bağırov, 13:36, 34:24, İlham Alıyev, 18:32, 24:30 // Ümid Qəhrəmanov, 21:03, Hüseyn Cəfərzadə, 27:25, 29:39, Oqtay Mahmudzadə, 32:28
Sarı vərəqələr: İlham Alıyev, 21:24, Vladislav Vorobyev, 21:53, Fariz Mehralıyev, 22:14 // Ümid Qəhrəmanov, 17:13, Pünhan Qasımzadə, 31:23
Araz-Naxçıvan - Neftçi İK İB (1:2) 2:3
23 noyabr. Olimpik Star. Saat 15:00
Hakimlər: Knyaz Əmiraslanov, Əli Cəbrayılov, Rza Məmmədov
Hakim-inspektor: Elçin Səmədli
Qollar: Caique, 10:51, Xəzər Ağalızadə, 29:46 // Mirzə Əmirov, 12:13, İsa Atayev, 18:54, Namiq Məmmədkərimov, 29:59 pen.
Sarı vərəqələr: Emil Həsənzadə, 5:17, Giovanny, 5:23, Nurlan Məmmədov, 7:12, Caique, 18:51, Emin Kürdov, 27:19, Xəzər Ağalızadə, 29:58, Predraq Rayiç, 34:16 (baş məşqçi) // Vahib Xocayev, 13:57, İlkin Hacıyev (baş məşqçi), 33:35, Xətai Bağırov, 34:02
Qırmızı vərəqə: Giovanny, 33:21 (ikinci sarı)
Baku Fire - Yasamal Bakı (5:0) 15:1
23 noyabr. Olimpik Star. Saat 17:00
Hakimlər: Hikmət Qafarlı, Anar Fərəcov, Knyaz Əmiraslanov
Hakim-inspektor: Azad Hüseynov
Qollar: İaqo Henrique, 3:56, 17:55, 21:19, 25:31, 25:58, 28:35, 33:55, 34:53, 35:33, Oqtay Rüstəmli, 4:58, 8:05, Nurlan Mehdizadə, 13:33, Fərid Abbasov, 24:51, 29:53, Amadeu, 33:06 // İlqar Nuruşov, 34:25
Sarı vərəqə: Oqtay Rüstəmli, 11:28
