Azərbaycan Futzal Federasiyası

XƏBƏRLƏR

Milli 2 yoldaşlıq oyunu keçirəcək
Azərbaycan milli komandası iki yoldaşlıq oyunu keçirəcək. Komandamız Bakıda təlim-məşq toplanışı keçirəcək Türkmənistan millisi ilə üz-üzə gələcək. Oyunlar avqustun 17-də və 19-da Bakı İdman Sarayında keçiriləcək.
Viktor “Araz-Naxçıvan”da
UEFA Çempionlar Liqasında ölkəmizi təmsil edəcək “Araz-Naxçıvan” heyətini gücləndirməkdə davam edir. Joze Alesio Da Silvanın başçılıq etdiyi komanda bu dəfə De Melo Ponce Viktor ilə anlaşıb. Son klubu vətənində “Leqes futsal” klubu olan 21 yaşlı braziliyalının ampluası müdafiəçidir. Əvəzində De Moura Joze Eduardo ilə anlaşma qarşılıqlı razılıq əsasında ləğv edilib. Buna səbəb braziliyalı müdafiəçinin ailəsi ilə bağlı problemlərinin olmasıdır.
“Araz-Naxçıvan”da növbəti braziliyalı
UEFA Çempionlar Liqasında iştirak edəcək “Araz-Naxçıvan” daha bir futzalçı ilə anlaşıb. Ölkə çempionu Martin Guimaraes Junior Sinesio ilə müqavilə imzalayıb. Son klubu Qazaxıstanın “Atirau” klubu olan 27 yaşlı braziliyalının ampluası müdafiəçidir.
Yeni sınaq ərəfəsində
Xəbər verdiyimiz kimi, milli komandamız bu il oktyabrın 7-də dünya çempionatının əsas mərhələsində ilk oyununa çıxacaq. Polşa yığması ilə qarşılaşacaq futzalçılarımız final mərhələsi 2024-cü ildə keçiriləcək mundialda növbəti dəfə iştirak etmək niyyətindədir. Bunun üçün əsas mərhələdə uğurlu çıxış edib elit-raunda yüksəlmək, orada isə qrupunun ən güclüsü olaraq həlledici mərhələyə vəsiqə qazanmaq gərəkir. İndiyə qədər 6 dəfə Avropa çempionatının final mərhələsində iştirak edən komandamız mundialda da siftə edib. 2016-cı ildə Kolumbiyada təşkil edilən dünya çempionatının final mərhələsinə qatılan millimiz yekunda dünyanın 5 ən güclü yığmasından biri olub. Bəs komandamız dünya çempionatının seçmə mərhələlərində indiyə qədər neçə oyun keçirib?
Çempiondan növbəti transfer
“Araz-Naxçıvan” növbəti transferini reallaşdırıb. Ölkə çempionu De Moura Joze Eduardo ilə ortaq məxrəcə gəlib. Son klubu vətənində AEU olan braziliyalının ampluası müdafiəçidir. 26 yaşlı futzalçı ilə anlaşma mövsümün sonuna qədər nəzərdə tutulub.
Oktay Rüstəmli “Araz-Naxçıvan”da
UEFA Çempionlar Liqasında iştirak edəcək “Araz-Naxçıvan” növbəti transferini reallaşdırıb.
Yığmanın üzvləri Belçika klubunda
Azərbaycan millisinin və “Araz-Naxçıvan”ın üzvləri Xətai Bağırov və İsa Atayev karyerasını ölkə xaricində davam etdirəcək. Hər iki futzalçı əvvəlcə ölkə çempionu ilə yola davam etmək qərarı versələr də, Belçikadan gələn təklif fikrlərini dəyişib. Nəticədə onlar Belçika çempionatında çıxış edən “Futsal Beşiktaş Gent”lə anlaşıb. Müqavilə 1+1 müddətə imzalanıb.
Millinin oyunlarının təqvimi
DÇ-2024-ün əsas mərhələsində iştirak edəcək Azərbaycan millisinin yer aldığı 6-cı qrupun oyunlarının təqvimi açıqlanıb. Komandamız oktyabrda və martda meydana çıxacaq.