Azərbaycan Futzal Federasiyası

XƏBƏRLƏR

BAK: Alyans Qrup - Forza Neftçi 1:0 (video)
Finalçılar müəyyənləşib
Bu gün Badamlı Azərbaycan kubokunun yarımfinal oyunları keçirilib. CBC Sport kanalı vasitəsilə canlı yayımlanan günün ilk duelində Birinci Liqa təmsilçiləri üz-üzə gəlib. Eyni liqada çıxış edən komandalar bir-birini kafyət qədər yaxşı tanıdığından matçın gərgin keçəcəyi gözlənilən idi. Matçdan əvvəl “Alyans Qrup” şəhidlərimizin əziz xatirəsinə ehtiramını bildirib – oyunçular meydana üzərində şəhidlərimizin şəkili əks olunmuş formalarla çıxıb. Hesabı nominal meydan sahibləri açdı. Mirkamilin qapıya paralel ötürməsini Elçin tora qovuşdurdu. 5-ci dəqiqədə Qərib İbrahimov real qol epizodunu qaçırdı. Ümumiyyətlə, “Forza Neftçi” daha çox topa nəzarət edən tərəfdi, meydan sahibləri isə əks-hücumlarla üstünlük qazanmağa çalışırdı. Fasiləyə “Alyans Qrup” hesabda öndə yollandı. Ssenari ikinci hissədə də dəyişmədi. Yenə topa nəzarət Birinci Liqanın liderində idi. 35-ci dəqiqədə “Forza Neftçi”dən Təmraz Əmircanov 10 metrlik zərbəni dəqiq yerinə yetirə bilmədi. Sona 3 dəqiqə qalmış növbəti dəfə Vüsal İsayev 10 metrlik zərbəni qeyri-dəqiq yerinə yetirdi. Əmircanov sona 49 saniyə qalmış yenə standart vəziyyətdən yararlana bilmədi. Üstəli, “Alyans Qrup” meydanda azlıqda qaldı. Elçin Zeynalov ikinci sarı-qırmızı vərəqə alaraq meydanı erkən tərk etməli oldu. Buna baxmayaraq, 2-cı dəqiqədə vurulan qol cütün taleyinə aydınlıq gətirdi. Günün ikinci oyununda əzəli rəqiblər qarşılaşıb. Seymur Məmmədov “Neftçi”nin heyətində debüt edib. Oyunda hesabı EKOL-dan Mehdi açdı. İlkinlə status-kvo bərpa olunsa da, növbəti dəfə yenə “yaşıllar” bərabərliyi pozdu. Bu dəfə Abasov adını tabloya yazdırdı. Amma avtoqol komandaların fasiləyə “sülh”lə yollanmasına səbəb oldu. İkinci hissənin 28-ci dəqiqəsində “Neftçi” meydanda azlıqda qaldı. Nurlan Mehdizadə ikinci sarı-qırmızı vərəqə alaraq meydandan qovuldu. Rəqibin azlıqda qalmasından EKOL faydalana bilmədi. 40 dəqiqənin tamamında qalib müəyyənləşməyib və komandalar hər biri 5 dəqiqədən ibarət əlavə 2 hissədə mübarizə aparıb. 49-cu dəqiqədə 10 metrli cərimə zərbəsini Rüfət Balakişiyev yerinə yetirsə də, Kürdov səhvsiz oynamaqla hesabın dəyişməsinə imkan vermədi. Növbəti 10 metrlik zərbə də eyni dəqiqədə təyin olundu. Bu dəfə Faiq Əliyev topun qarşısını əli ilə kəsdiyinə görə Jafari zərbəni yerinə yetirdi. Emin bu dəfə də komandasını qoldan xilas etdi. Əlavə vaxtda da qalib müəyyənləşmədiyinə görə, penaltilər seriyasına yer verildi. Daha dəqiq olan “Neftçi” İK finala yüksəlib. Beləliklə Badamalı Azərbaycan kubokunun final matçında “Alyans Qrup” və “Neftçi” İK komandaları qarşılaşacaq. Həlledici görüşün tarixi və yeri barədə əlavə məlumat veriləcək.
Bir oyun təxirə salınıb
İkinci Liqa, XXIII tur: Təyinatlar
İkinci Liqada XXIII turun oyunlarına təyinatlar açıqlanıb. Matçlar aprelin 26-da və 27-də Bakı İdman Sarayında keçiriləcək.
Yüksək Liqa: Qollar
Yüksək Liqanın əsas mərhələsində qol vuranların siyahısı açıqlanıb.
Azərbaycan Kuboku: Yarımfinala gedən yol
Bu gün keçiriləcək Badamlı Azərbaycan kubokunun yarımfinalında iştirak edəcək komandaların arxada qalan matçmlarına diqqət yetirdik. “Alyans Qrup” hamıdan çox oyun keçirib. Bu komanda yarımfinala qədər 4 matcdan qalib ayrılıb. “Neftçi” İK isə hər iki matçda çətinliklə qələbə qazanıb. Ən çox qol isə “Forza Neftçi” vurub: 3 oyun 28 qol. “Alyans Qrup” isə 4 matçda 27 dəfə rəqib qapısına yol tapıb.
Bu gün: Badamlı Azərbaycan kuboku
Bu gün Badamlı Azərbaycan kubokunun yarımfinal oyunları keçiriləcək. Əvvəlcə Birinci Liqa təmsilçiləri üz-üzə gələcək. Daha sonra Yüksək Liqanın iki iddialı komandası final uğrunda mübarizə aparacaq. Hər iki qarşılaşma CBC Sport kanalı vasitəsilə canlı yayımlanacaq. Oyunlararası vaxtda isə Futzalda verilişi tamaşaçılarla görüşə gələcək.
Birinci Liqa, XXIII tur: Oyun cədvəli
Birinci Liqada XXIII turun oyun cədvəli açıqlanıb. Matçlar Bakı İdman Sarayında keçiriləcək.