Azərbaycan Futzal Federasiyası

XƏBƏRLƏR

Mətbuat üçün açıq məşq və brifinq keçiriləcək
Dünya çempionatının elit-raund mərhələsinin oyunlarına hazırlaşan futzal üzrə Azərbaycan milli komandasının yanvarın 18-də, saat 12:00-da “Olimpik Star” İdman və Əyləncə Mərkəzinin futzal zalında mətbuat üçün açıq məşqi keçiriləcək. Məşqdən 15 dəqiqə əvvəl – saat 11:45-də baş məşqçi Joze Alesio Da Silvanın və kapitan Rizvan Fərzəliyevin iştirakı ilə brifinq təşkil olunacaq.
Azərbaycan – Özbəkistan: Statistika
Xəbər verdiyimiz kimi, DÇ-2020-nin elit-raund mərhələsinə hazırlaşan Azərbaycan milli komandası yanvarın 21-də və 22-də Bakı İdman Sarayında yoldaşlıq oyunları keçirəcək. Sparrin-rəqib isə Özbəkistan yığması olacaq. Hər iki qarşılaşma saat 20:00-da başlayacaq. Komandalar 9 dəfə üz-üzə gəlib. Bu oyunlardan 5-də millimiz, 1-də isə rəqib qələbə qazanıb. Üç dueldə “sülh” qeydə alınıb. Ən böyükhesablı nəticə son oyunda qeydə alınıb. 2016-cı il avqustun 16-da keçirilmiş oyunda millimiz 6:2 hesabı ilə qələbə qazanıb.
İlk 1/16 finalçı "Dalğa" oldu
Bu gün Azərbaycan kubokunun 1/32 final mərhələsinin cavab oyunlarına start verilib. Yeganə oyunda "Dalğa" "Ulduz"la qarşılaşıb. Görüş "Dalğa"nın 6:0 hesablı qələbəsi ilə yekunlaşıb. İlk oyunda da 3:1 hesabı ilə qalib gələn "Dalğa" növbəti mərhələyə yüksəlib.
“Daxilimdəki hisslər həmin komandanın biz olacağını deyir”
Dünya çempionatının elit-raund mərhələsinə hazırlığını davam etdirən Azərbaycan milli komandasının üzvü İsa Atayevin azfutzal.az saytına müsahibəsi
Bu gün bir oyun keçiriləcək
Bu gün Azərbaycan kubokunun 1/32 final mərhələsinin cavab oyunlarına start veriləcək. Bakı İdman Sarayında cəmi bir qarşılaşma keçiriləcək. Mərhələnin növbəti 4 oyunu sabah baş tutacaq. Şənbə və bazar günləri isə müvafiq olaraq 5 və 10 oyun keçiriləcək.
Birinci Liqada ikinci dövrənin başlama tarixi
Birinci Liqada qış fasiləsi fevralın 21-də başa çatacaq. Məhz həmin gün ikinci dövrəyə start veriləcək. XX turun oyunları fevralın 21-də və 22-də keçiriləcək.
“Bu oyunu “açar” hesab etmək olar”
Final mərhələsi 2020-ci ildə Litvada təşkil olunacaq dünya çempionatının elit-raund oyunlarına hazırlığını Bakıda davam etdirən Azərbaycan milli komandası yanvarın 13-dən məşqlərə start verib. Özbəkistanla iki yoldaşlıq oyununda gücünü sınayacaq millinin heyətində uzun fasilədən sonra Tofiq Mikayılov da yer alıb. Təcrübəli futzalçı ilə söhbətləşməyimizi zəruri edən məqam da budur.
Yüksək Liqada qış fasiləsi nə vaxt başa çatacaq?
Yüksək Liqada qış fasiləsinin nə vaxt başa çatacağı dəqiqləşib. Komandalar mübarizəyə fevralın 20-dən start verəcəklər və həmin gün XV turun qarşılaşmaları keçiriləcək. Gələn ayın 24-də və 27-də isə XVI və XVII turun matçları baş tutacaq.