XƏBƏRLƏR
-
Yüksək Liqa, XI tur: Oyun cədvəli
Yüksək Liqada XI turun oyun cədvəli açıqlanıb. Tura lider “Baku Fire” və ikinci pillədə qərarlaşan “Araz-Naxçıvan” dueli ilə start veriləcək. Turun oyunları cari mövsümdə ilk dəfə olaraq Bakı İdman Sarayında keçiriləcək.
-
Mərkəzi oyunda “sülh”
Yüksək Liqada II dövrənin sonuncu – X turun oyunları keçirilib. Turun açılış matçında lider 4 xal qabaqladığı ən yaxın izləyicisi ilə üz-üzə gəldi. İlk dəqiqələrdən “Baku Fire” ənənəvi oyun sistemindən – “5 oyunçu”dan istifadə etməklə həm topa nəzarəti özündə saxlamağa, həm də rəqib qapısına yol tapmağa çalışdı. Hesab 7-ci dəqiqədə açıldı. Nominal meydan sahibi komandanın yeni transferi Soares fərqləndi. Amma bu üstünlük 6 dəqiqə davam etdi. 13-cü dəqiqədə “ağ-qaralar” hesaba tarazlıq gətirdi. Abdul Ghafar çempionatda ilk qolunu vurdu.
İkinci hissədə daha gərgin keçdi. 33-cü dəqiqədə nominal qonaqlar oyunda ikinci dəfə meydanın mərkəzinə dəvət olundu. Bu dəfə Paulo “sülh”ü pozdu. 37-ci dəqiqədə isə qapıçının səhvi həlledici oldu və bombardir fərqi 2 topa çatdırdı. “5 oyunçu” ilə mübarizəyə başlayan “Neftçi” rəqibin arıdıcl 2 təhlükəli epizodundan sonra “vurmayana vurarlar” deyiminin əbəs olmadığını göstərdi. Bu dəfə Emil Həsənzadə “Baku Fire”nin qapısına yol tapdı. Sona 6 saniyə qalmış isə Tofiq avtoqol etməklə hesabı bərabrələşdirdi.
İkinci oyunda “Şuşa” autsayderlə qarşılaşıb. Meydan sahibi komandanın asan qələbə qazanacağı gözlənilsə də, meydanda əksi baş verdi. Düzdür, hesabı “Şuşa” açdı, ancaq fasiləyə qədər “Yasamal Bakı” tablodakı rəqəmləri bərabərləşdirdi.
İkinci hissəyə də “Şuşa” qolla başladı. Tədricən üstünlüyünü artıran debütant yekunda 4-cü qələbəsini bayram edib.
Turun son oyunu “Araz-Naxçıvan” üçün məşq xarakterli keçdi desək, yanılmarıq. Düzdür, son çempion əsas oyunçularına istirahət vermişdi. U-19-un isə 8 futzalçısı müxtəlif səbəblərdən komandasına kömək edə bilmirdi. Fasiləyə qədər rəqib qapısından 7 cavabsız top keçirən “qırmızı-ağlar” ikinci hissədə də fərqi artırıb və turun yeganə böyükhesablı qələbəsini aktivinə yazdırıb. Bu qələbə sayəsində “Araz-Naxçıvan” “Neftçi” İK ilə xallarını bərabərləşdirib və ikinci pilləyə yüksəlib.
-
Bu gün Yüksək Liqa, X tur
Bu gün Yüksək Liqada II dövrəyə yekun vurulacaq. X tura liderlə ən yaxın izləyicisinin mübarizəsi ilə start veriləcək. Bütün oyunlar Olimpik Starda keçiriləcək.
-
Birinci Liqa, VI tur: Təyinatlar
Birinci Liqada VI turun oyunlarına təyinatlar açıqlanıb. Turun mərkəzi oyunu saat 16:00-da start götürəcək. Lider ən yaxın izləyicilərindən olan STAR kargo ilə üz-üzə gələcək.
-
YL, IX tur: U-19 - Şuşa 3:4 (fotoreportaj)
-
YL, IX tur: Yasamal Bakı - Baku Fire (fotoreportaj)
-
Yüksək Liqa: Sarı vərəqələr
Yüksək Liqada IX turdan sonra passivində 3 sarı vərəqə olan futzalçıların sayı artıb.
-
Yüksək Liqa, X tur: Oyun cədvəli
Yüksək Liqada II dövrənin sonuncu – X turun oyun cədvəli açıqlanıb. Turun görüşləri fevralın 15-də Olimpik Starda keçiriləcək.
