Azərbaycan Futzal Federasiyası

XƏBƏRLƏR

Bu gün Yüksək Liqa, X tur
Bu gün Yüksək Liqada X turun oyunları keçiriləcək. Təbii ki, diqqətlər liderlə ən yaxın izləyicisinin duelinə yönələcək. Bu matçın nəticəsi qış fasiləsi ərəfəsində lideri dəyişə və ya komandalar arasında fərqi artıra bilər.
İntizam Komitəsinin qərarı
Təmsilçimiz mübarizəni dayandırıb
UEFA Çempionlar Liqasının 1/8 final mərhələsinin cavab oyununda “Araz-Naxçıvan” lissabonda “Benfika”nın qonağı olub. İlk oyunla müqayisədə hər iki komandanın heyətində dəyişiklik var idi. Təmsilçimizdə cəzası başa çatan Karlos Bertuola, Valerio Giovanny və Aleks Teixeira bu dəfə iş başında idi. əvəzində İaqo Henrique səfərə aparılmamışdı. Hesab 10-cü dəqiqədə açıldı. Souzanın bu qolu fasiləyə qədər yeganə olub. İkinci hissədə təmsilçimizin üzvü Perruzo ikinci sari-qırmızı vərəqə alaraq komandasını azlıqda qoydu. Bundan maksimum yararlanan meydan sahibləri fərqi artırdı. Bu dəfə Koelho fərqləndi. Bakıdakı oyunda hesab açan Anilton Silva isə 35-ci dəqiqədəfərqi 3 topa çatdırdı. 13 nömrə 1 dəqiqə sonra dublnu rəsmiləşdirib. Cəmi 20 saniyə sonra Luicci Longo “Araz-Naxçıvan”ın ilk qolunu vurdu. Matçda son qolun müəllifi isə Ədalət Ələkbərov oldu. Beləliklə səfər oyununda da məğlub olan “Araz-Naxçıvan” mübarizəni dayandırdı.
Yüksək Liqa, X tur: Oyun cədvəli
Yüksək Liqada X turun oyun cədvəli açıqlanıb. İkinci dövrənin son turu dekabrın 11-də Olimpik Starda keçiriləcək.
Yüksək Liqa: Sarı vərəqələr
Yüksək Liqada IX turdan sonra sarı vərəqələrin göstəricisi:
Bu gün saat 21:30: “Benfika” - “Araz-Naxçıvan”
Bu gün UEFA Çempionlar Liqasının 1/8 final mərhələsinin cavab oyunları çərçivəsində təmsilçimiz “Araz-Naxçıvan” Lissabonda “Benfika”nın qonağı olacaq. Oyun saat 21:30-da başlayacaq və CBC Sportla canlı yayımlanacaq.
Liderdən inamlı qələbə
Bu gün Yüksək Liqada IX turun iki oyunu keçirilib. İlk oyunda turnir cədvəlinin üst pillələrində yer alan komandalar qarşılaşıb. Qələbə turnir cədvəli baxımından hər iki tərə üçün vacib idi. Tam heyətlə meydana çıxan komandalar matça erkən qollarla başladı. Əvvəlcə “Neftçi” üstünlük qazandı. Cəmi 24 saniyə sonra status-kvo təmin olundu. Hesab növbəti dəfə 4-cü dəqiqənin tamamında dəyişdi. Yenə nominal qonaqlar üstünlük qazandı. Fərid Atakişiyev dubl etdi. “Neftçi” 4-cü qolu 10 metrlik cərimə zərbəsindən vurdu. İaqo adını tabloya yazdırdı. Fasiləyə qədər “Neftçi” üstünlüyünü 3 topa çatdırdı. Maraqlı məqam birinci hissədə “Baku Fire”in qapıçısı Cavad Məmmədovun hər iki tərəfin xeyrinə qol vurması oldu. Qolkiper əvvəlcə komandasını sevindirsə də, sonrakı epizodda avtoqol müəllifi kimi adını tabloya yazdırdı. İkinci hissədə də lider fərqi artırdı və yekunda əsas rəqiblərindən biri üzərində qələbə qazanan “Neftçi” liderliyini davam etdirir. Onu da qeyd edək ki, bu komandalar arasında I dövrədə keçirilmiş oyun 2:2 hesabı ilə başa çatmışdı. Turun digər oyununda debütant orta pillələrdə qərarlaşan “Şuşa”nın qonağı olub. Namiq Məmmədkərimov kimi təcrübəli futzalçının yoxluğunda belə, nominal qonaqlar böyükhesablı qələbə qazana bilib. Tur çərçivəsində keçirilməli olan “Araz-Naxçıvan” – U-19 görüşü birincilərin UEFA Çempionlar Liqasının oyununda iştirakı ilə əlaqədar dekabrın 18-nə təyin olunub.
“Araz-Naxçıvan”ın cavab oyunu üçün heyəti
Çempionlar Liqasının 1/8 final mərhələsinin cavab oyununda sabah – dekabrın 5-də Lissabonda “Benfika” ilə qarşılaşacaq “Araz-Naxçıvan” iştirak ərizəsini UEFA-ya göndərib. Baş məşqçi Yevgeni Kukseviç səfərə 2-si qapıçı olmaqla ümumilikdə 13 futzalçı aparıb.