Azərbaycan Futzal Federasiyası

XƏBƏRLƏR

Mükafatlandırma mərasimi keçirilib
Yüksək Liqada final matçından sonra komandaların mükafatlandırılması mərasimi keçirilib. CBC Sport kanalı vasitəsilə canlı yayımlanan mərasimdə mükafatları komandalara AFFA-nın baş katibi Sərxan Hacıyev, AFFA-nın İcraiyyə Komitəsinin üzvü, Azərbaycan Futzal Federasiyasının prezidenti Zaur Axundov təqdim ediblər.
Bürünc “Neftçi”!
Bu gün Yüksək Liqada 3-cü yer uğrunda oyun keçirilib. “Neftçi” İK və “Baku Fire”in duelinə ikincilər tam heyətlə çıxmışdısa, meydan sahibləri cəzalı olduğuna görə qapıçı Anar Məmmədovun xidmətindən istifadə edə bilmirdi. Oyunda hesabı “narıncılar” açdı. Nihad İsmayılovun qüvvətli zərbəsi Zamanov üçün qarşısıalınmaz oldu. 5 dəqiqə sonra “Neftçi” İK Oqtay Rüstəmli ilə hesabı bərabərləşdirdi 1:1. 13-cü dəqiqədə Nurlan Mehdizadə 10 metrlik zərbəni qolla tamamlaya bilmədi. Kamran Hacıyev düzgün mövqe seçməklə hesabın dəyişməsinə imkan vermədi. Ancaq Mənəflinin zərbəsi tablodakı tarazlığı pozdu. Növbəti qol Mehdizadədən gəldi. Müdafiədəki səhvdən yararlanan Nurlan bu dəfə Kamran səddini aşmağı bacardı. İkinci hissədə yenə ilk qolu “Baku Fire” vurdu. Bu dəfə Sultanovun penalti zərbəsini Zamanov geri qaytarsa da, dönən topu dəqiq tamamlayan Renat fərqi minimuma endirdi. 5 dəqiqə sonra “Neftçi”dən Oruc Baxşəlizadə fərqləndi. Oruc 7 dəqiqə sonra dublnu rəsmiləşdirməklə fərqi də artırmış oldu. Hasan Ali Jafarinin fərqlənməsi artıq oyunun taleyini həll etdi, demək olar. Qələbə sayəsində “Neftçi” İK mövsümü üçüncü pillədə başa vurdu və bürünc medalın sahibi oldu.
ÇL-də yeni mövsümünün reqlamenti
UEFA Çempionlar Liqasının 2022/23-cü il mövsümünün reqlamenti açıqlanıb. Yeni mövsümün ilkin və əsas mərhələsinin püşkü iyulun 7-də atılacaq, yekunda isə qalib yenə “Dördlər finalı” ilə müəyyənləşəcək.
Bu gün: Çempion kim olacaq?
Bu gün Yüksək Liqada 2021/22-ci il mövsümünə yekun vurulacaq. Əvvəlcə bürünc medalçının kimliyinə aydınlıq gətiriləcək. Yekun qarşılaşmada isə çempionun adı bilinəcək. Hər iki oyun CBC Sport kanalı vasitəsilə canlı yayımlanacaq. Final görüşündən sonra mükafatlandırma mərasimi keçiriləcək.
Növbəti çempion kim olacaq?
Bu gün keçiriləcək 2 oyunla Yüksək Liqada 2021-2022-ci il mövsümünə yekun vurulacaq. İndiyə qədər “Araz-Naxçıvan” 15 dəfə hamıdan güclü olub. Ötən mövsüm isə çempionat keçirilməyib və İcraiyyə Komitəsinin qərarı ilə bir il əvvəlki çempion – “Araz-Naxçıvan” UEFA Çempionlar Liqasında ölkəmizi təmsil edib. Naxçıvan təmsilçisindən sonra iki komanda 3 dəfə ölkə çempionu titulunu qazanıb. Söhbət “Avtomobilçi” və “Turan AİR”dən gedir. İlk çempion isə “Nicat” olub. “Araz-Naxçıvan” ardıcıl 10 dəfə çempion olduqdan sonra seriyanı “Khazar Islands” qırıb. Bu, sayca 28-ci ölkə çempionatıdı. İlk çempionat 1993-cü ildə keçirilib. Bəzi mənbələrdə mövsümün 1993/94-cu illərdə keçirildiyi qeyd edilir. Ancaq fakt odur ki, ilk çempionat 1993-cü ilin payızında keçirilib. İndiyə qədər keçirilmiş çempionatların qaliblərini diqqətinizə çatdırırıq:
İntizam Komitəsinin qərarları
Mövsümün yekun oyunlarına təyinatlar
Yüksək Liqada medalçıları müəyyənləşdirəcək oyunlara təyinatlar açıqlanıb.
Kimlər oynamayacaq?
Mayın 7-də keçiriləcək 3-yer uğrunda və final matçı ilə Yüksək Liqada 2021//22-ci il mövsümünə yekun vurulacaq.