Azərbaycan Futzal Federasiyası

XƏBƏRLƏR

Badamlı kubok iştirakçılarını su ilə təmin edəcək
Badamlı şirkəti Azərbaycan kubokunun iştirakçılarını oyunlar zamanı içməli su ilə təmin edəcək. Hər bir komandaya 20 ədəd su veriləcək. Qeyd edək ki, yarışın adı Badamlı Azərbaycan kuboku adlanır. İlkin mərhələnin oyunları yanvarın 21-də, 22-də və 23-də keçiriləcək.
Eduardo Borges komandaya qoşulub
Yanvarın 16-da Belçikada COVİD-19 testi müsbət nəticələnən Azərbaycan millisinin üzvü Eduardo Borges dünən növbəti dəfə test verib. Nəticə neqativ olub və müdafiəçi bu gün Belçikadan Niderlanda gəlib, komandaya qosulub. Bir gün əvvəl heyətə cəlb edilən Hadi Ahmadi də artıq millinin Qroningendəki düşərgəsindədir.
“Tapşırığımız məlumdur…”
Dünən oyunun keçiriləcəyi “Martini Plaza”da ilk məşqinə çıxan Azərbaycan millisinin üzvü Qallo azfutzal.az-a açıqlama verib:
Millinin "Martini Plaza"da ilk məşqi (fotoreportaj)
Avropa çempionatının final mərhələsində yanvarın 22-də Gürcüstan yığması ilə qarşılaşacaq Azərbaycan millisi oyunun keçiriləcəyi "Martini Plaza"da bu gün ilk məşqinə çıxıb. Bir saat davam edən məşqdə taktiki çalışmalar yerinə yetirilib. Rafael Vilela və Hadi Ahmadi sabah keçiriləcək məşqdə iştirak edəcəklər.
Badamlı Azərbaycan kuboku, ilkin mərhələ: Təyinatlar
Badamlı Azərbaycan kubokunun ilkin mərhələsinin oyunlarına təyinatlar açıqlanıb. Qarşılaşmalar yanvarın 21-də, 22-də və 23-də Olimpik Starda keçiriləcək.
Rafael Vilelanın testi neqativ çıxıb
Yanvarın 16-da Belçikada COVİD-19-la bağlı test verən və nəticəsi şübhəli hesab edilən Azərbaycan millisinin üzvü Rafael Vilela dünən yenidən test verib və nəticə neqativ çıxıb. Hazırda Belçikada olan futzalçı tezliklə komandaya qoşulacaq. Testin nəticəsi pozitiv çıxan Eduardo Borges isə bu gün təkrar test verəcək.
Millinin heyətində dəyişiklik
Avropa çempionatının final mərhələsində iştirak edəcək Azərbaycan millisinin heyətində dəyişiklik edilib. Belə ki, dünən Qroningendə keçirilən hazırlıq prosesi zamanı Emanoel Rodrigues "Maneka" zədələnib. Komandanın həkimi futzalçının zədəsinin ciddi olduğunu, yarışda iştirak edə bilməyəcəyi ilə bağlı sənədləri UEFA-nın Tibb Komissiyasına təqdim edib. Komissiya onun başqa futzalçı ilə əvəzlənməsinə icazə verib. Buna görə də Hadi Ahmadı komandaya cəlb olunub. O, bu gün millinin düşərgəsinə qoşulacaq və sabahkı məşqdə iştirak edəcək.
Futzal bayramı başlayır
Bu gün Avropa çempionatının final mərhələsinə start veriləcək. Niderlandda təşkil edilən həlledici mərhələnin ilk matçında Serbiya və Portuqaliya komandaları qarşılaşacaq. Oyun saat 20:30-da start götürəcək. Turnirin rəsmi açılışı isə Niderland-Ukrayna görüşündən əvvəl baş tutacaq. Bu duel isə 23:30-da başlayacaq. Hər iki qarşılaşma Amsterdamdakı Ziggo Dome arenasında keçiriləcək. Ümumiyyətlə, qitə birinciliyi Niderland Krallığının iki şəhərində - Amsterdamda və Qroningendə təşkil olunacaq.