Azərbaycan Futzal Federasiyası

XƏBƏRLƏR

Millinin məşqi. Bakı (fotoreportaj)
Yunanıstan millisi 16 futzalçı ilə hazırlaşır
Avropa çempionatının seçmə qrup mərhələsində millimiz son oyununu aprelin 14-də keçirəcək. Komandamız bu dəfə turnir cədvəlinin sonuncu pilləsində qərarlaşan və ilk xalını bir neçə gün əvvəl Moldova ilə heç-heçə edərək əldə edən Yunanıstan yığması ilə qarşılaşacaq. Bakı İdman Sarayında keçiriləcək görüş saat 19:00-da start götürəcək və CBC Sport kanalı vasitəsilə canlı yayımlanacaq. Əvvəlcədən xəbər verdiyimiz kimi, oyunu Ukraynadan olan hakimlər idarə edəcək. Üçüncü referi və timekeeper isə həmyerlilərimiz olacaq. Bu arada Yunanıstan yığması millimizlə oyunun hazırlığını aprelin 10-dan etibarən davam etdirir. Baş məşqçi Giannis Ziavas 16 futzalçıya dəvət göndərib. Komanda Bakıya sabah gələcək və “Hyatt Regency” hotelində məskunlaşacaq. Məlumat üçün qeyd edək ki, Azərbaycan və Yunanıstan futzalçıları milli komanda səviyyəsində cəmi bir dəfə qarşılaşıblar. Belə ki, bu il fevralın 2-də Afinada keçirilmiş oyunda millimiz 3:0 hesabı ilə qələbə qazanıb. Görüşü idarə edəcək hakimləri və rəqibin heyətini diqqətinizə çatdırırıq:
Millinin oyunu CBC Sport-da
Avropa çempionatının seçmə mərhələsi çərçivəsində millimizin yer aldığı 3-cü qrupda keçiriləcək Azərbaycan - Yunanıstan oyunu CBC Sport kanalı vasitəsilə canlı yayımlanacaq. Aprelin 14-də, Bakı İdman Sarayında keçiriləcək qarşılaşma saat 19:00-da start götürəcək.
Zədəli oyunçular komandaya qoşuldu
Avropa çempionatının seçmə mərhələsində son oyununu aprelin 14-də, saat 19:00-da, Bakı İdman Sarayında Yunanıstan yığmasına qarşı keçirəcək Azərbaycan millisi Slovakiya səfərindən sonra bu gün Bakıda ilk məşqinə çıxıb. 90 dəqiqə davam edən hazırlıq prosesində zədə üzündən Slovakiyaya aparılmayan Tyaqo Bolinha və Hadi Ahmadi də iştirak edib. Onların Yunanıstana qarşı meydana çıxıb-çıxmayacağı isə oyun günü məlum olacaq.
Qrupumuzda bir oyun keçirilib
Avropa çempionatının seçmə qrup mərhələsi çərçivəsində millimizin yer aldığı 3-cü qrupda daha bir oyun keçirilib. Yunanıstan doğma meydanda Moldova yığması ilə qarşılaşıb. Oyun 3:3 hesablı heç-heçə ilə başa çatıb. Nəticədə Yunanıstan yığması ilk xalını qazanıb. Millimizin qrup liderliyini təmin etdiyi 3-cü qrupda ikinci pillənin sahibi aprelin 13-də keçiriləcək Moldova-Slovakiya görüşündə müəyyənləşəcək. Bu komandalar arasında Bratislavada baş tutmuş oyunda 4:4 hesabı qeydə alınmışdı.
“Üstünlüyü müdafiəni gücləndirməyə vermişdik”
Avropa çempionatının seçmə mərhələsi çərçivəsində Slovakiya yığması ilə qarşılaşan və heç-heçə edən Azərbaycan millisi qrup liderliyini təmin edib. Nəticədə komandamız Avropa çempionatına öz qrupunun lideri kimi yollanacaq. Millinin kapitanı Rizvan Fərzəliyev Levice şəhərindəki oyunla bağlı azfutzal.az-a bunları deyib:
“Görün neçə nəfər əziyyət çəkir”
Avropa çempionatının seçmə mərhələsi çərçivəsində keçirilmiş Slovakiya – Azərbaycan oyunundan sonra bərabərlik qolunun müəllifi Qalonun azfutzal.az-a müsahibəsi
“Biz heç-heçə üçün gəlməmişdik”
Avropa çempionatının seçmə mərhələsi çərçivəsində növbəti oyununu keçirən Azərbaycan millisi səfərdə Slovakiya ilə heç-heçə edib. Oyunun gedişində hesabda geri düşən komandamız matçın başa çatmasına 30 saniyə qalmış status-kvonu bərpa edib. Görüşlə bağlı azfutzal.az-a açıqlama verən Fineo De Araujo nəticəni qənaətbəxş saymayıb: