Azərbaycan Futzal Federasiyası

XƏBƏRLƏR

Qrup liderləri arasında ən zəifi Portuqaliya oldu
Avropa çempionatının final mərhələsinə birbaşa vəsiqə qazanmış 8 qrup liderindən tən yarısı qrup mərhələsini maksimum nəticə ilə başa vurub. Belə ki, Xorvatiya, Rusiya, İspaniya və Qazaxıstan 6 oyunun hamısında qələbə qazanıb. Nəticədə onlar 18 xalla liderliyi təmin edib. Millimiz isə cəmi bir qarşılaşmada xal itirib. Söhbət Slovakiya ilə səfər görüşündən gedir. Bu qarşılaşma 1:1 hesabı ilə başa çatıb. Yekunda komandamız 16 xal toplayıb. Digər 3 işrirakçıdan ikisinin qazancı 15, birinin isə 14 xal olub. Bosniya Herseqovina və İtaliya hərəyə bir matçda məğlub olublar. Buna görə də onların aktivində 15 xal olub. Portuqaliya heç bir qarşılaşmada məğlub olmasa da, 2 dueldə xalları yarı bolüb. Buna görə də qrup mərhələsini lider kimi başa vuran komandalar arasında ən az xalı Avropa çempionatının son qalibi toplayıb.
AFF başsağlığı verir
“Mənə münasibət məni dəyişmədiyi kimi...”
Avropa çempionatının seçmə mərhələsində keçirdiyi 6 oyunun beşində qələbə qazanan və birində heç-heçə edən Azərbaycan millisi üçün yaddaqalan məqamlardan biri də yeni futzalçının debüt etməsi idi. Belə ki, 20 yaşı hələ oktyabrda tamam olacaq Cavad Məmmədov ilk dəfə əsas komandanın düşərgəsinə dəvət edildi. Düzdür, millidə Rövşən Hüseynli və Emin Kürdov kimi təcrübəli qapıçılar var. Amma onların yanında daha bir qolkiperin təcrübə toplaması baş məşqçi Joze Alesio Da Silvanın məqsədi idi. Yanvarda ilk oyuna hazırlıq məqsədi ilə açıqlanan siyahıda “Neftçi”nin qolkiperinin də yer alması bir qədər sürpriz oldu. Bəs Məmmədov bu dəvəti eşidəndə hansı hissləri keçirdi? Qolkiperin azfutzal.az-a açıqlaması:
Statistika: Millini AÇ oyunlarına çıxaran baş məşqçilər
Bu dəfə Azərbaycan milli komandasını Avropa çempionatının oyunlarına çıxaran məşqçilərin siyahısını təqdim edirik. Şübhəsiz bu göstəricidə birinci yeri Joze Alesio Da Silva tutur. Komandanı ən çox meydana çıxaran braziliyalı həm də ən uğurlu baş məşqçidir.
Statistika: Millinin AÇ-lərdə keçirdiyi oyunlar
Gələn il Niderlandda keçiriləcək Avropa çempionatının final mərhələsində iştirak edəcək Azərbaycan millisi 6-cı dəfə bu uğura nail olacaq. İlk dəfə AÇ-1996-nın seçmə oyunlarına qatılan komandamız final mərhələsində 2010-cu ildə debüt edib. İlk addımda 4-cü yeri tutan millimizin Avropa çempionatları tarixində keçirdiyi oyunların statistikasını diqqətinizə çatdırırıq:
“Bu gün futzalda aşkar favorit yoxdur”
Futzal üzrə Azərbaycan milli komandasının baş məşqçisi Joze Alesio Da Silvanın azfutzal.az-a müsahibəsi
Qrup mərhələsinin hesabatı
Xəbər verdiyimiz kimi, final mərhələsi gələn il yanvarın 19-dan fevralın 6-dək Niderlandda keçiriləcək Avropa çempionatının 16-ı iştirakçısından 15-i müəyyənləşib. Seçmə mərhələnin yekununa görə, Belarus və Serbiya yığmaları son iştirakçının kimliyini noyabrın 14-də və 17-də öz aralarında keçirəcəkləri pley-off oyunlarında müəyyənləşdirəcək. Bəs vəsiqəni təmin etmiş 15 milli komanda haqda nə bilirik? UEFA seçmə qrup mərhələsi ilə bağlı hesabat hazırlayıb.
Final mərhələsi İspaniyada təşkil olunacaq
19 yaşadək futzalçılar arasında 2022-ci ildə təşkil olunacaq Avropa çempionatının final mərhələsinin oyunları İspaniyanın Əndəlüs vilayətindəki “Olivo Arena”da keçiriləcək. Bununla bağlı UEFA İcraiyyə Komitəsi qərar qəbul edib. Arena 6500 azarkeş tutumuna malikdir.