Azərbaycan Futzal Federasiyası

XƏBƏRLƏR

“Futzalda” efirdədir!
CBC Sport kanalının efirində yeni veriliş tamaşaçılara təqdim ediləcək. Veriliş futzalla bağlı olacaq.
AÇ: Hansı komanda 11 finalın 9-da iştirak edib?
İndiyə qədər Avropa çempionatı 11 dəfə təşkil olunub. Düzdür, 1996-cı ildə keçirilən ilk qitə birinciliyi Avropa Futzal Turniri adlandırılıb. Çempion statusu növbəti – 1999-cu ildə təşkil edilən yarışa verilib. Bununla belə, indiyə qədər 11 final matçı keçirilib. Ən çox İspaniya millisi çempionluq sevinci yaşayıb. Bu komanda 7 dəfə kuboku başı üzərinə qaldırıb. İtaliya millisi isə 2 dəfə qitənin ən güclüsü olub. Rusiya və Portuqaliya hərəyə bir dəfə adını Avropanın ən güclüsü siyahısına yazdırıb. Maraqlıdır ki, Rusiya millisi 5 dəfə finalda yenilib. Ukrayna yığması isə 2 dəfə çempionluğun bir addımlığında dayanıb. İtaliya və Portuqaliya da hərəyə bir dəfə yenilgini dadıb. Maraqlı məqam odur ki, ən çox final həyəcanını İspaniya yaşayıb. Yeddi dəfə qalib gələn bu komanda iki dəfə meydanı gümüş medalla tərk edib.
Belçika - Azərbaycan: Video
“Təkcə Belçikaya qarşı deyil, həm də hakimlərə qarşı mübarizə apardıq”
Bu gün keçirilmiş Belçika – Azərbaycan oyunundan sonra millimizin kapitanı Rizvan Fərzəliyev azfutzal.az-a açıqlama verib:
“Oyunun əhəmiyyəti böyük idi”
Bu gün keçirilmiş Belçika – Azərbaycan yoldaşlıq oyunundan sonra milli komandamızın baş məşqçisi Joze Alesio Da Silva bunları deyib:
İki oyunçunun testi pozitiv çıxıb
Avropa çempionatının final mərhələsinə hazırlaşan Azərbaycan millisinin üzvləri dünən yoldaşlıq oyunu keçirmək üçün səfər etdiyi Belçikada COVİD-19 testi verib. Nəticə komandanın üzvü Eduardo Borgesdə pozitiv, Rafael Vilelada isə şübhəli çıxıb. Belçika Krallığının qanunlarına əsasən, hər iki futzalçı karantinə alınacaq. Bu üzdən onlar Belçika ilə keçirilmiş yoldaşlıq matçında iştirak etməyib.
Belçika - Azərbaycan: Fotoreportaj
Millimiz yoldaşlıq oyunu keçirib
Avropa çempionatının final mərhələsinə hazırlıq məqsədi ilə Azərbaycan millisi bu gün Belçika yığması ilə qarşılaşıb. İsa Atayevin yüngül zədəsi olduğundan, görüşə ikinci hissədə qoşulub. Oyuna rəqib fəal başlayıb. Artıq 2-ci dəqiqədə meydan sahibləri hesabı açıb. 8-ci dəqiqədə isə Fariri uzaqdan qüvvətli zərbə ilə fərqi 2 topa çatdırıb. Ardınca Fineo qırmızı vərəqə alaraq komandanı azlıqda qoyub. İki dəqiqədən sonra tam heyətlə mübarizəni davam etdirən komandamız fərqi minimuma endirməyi bacarıb. Vassoura adını tabloya yazdırdı. Bir qədər sonra Xətai Bağırov hesabı bərabərləşdirməyə yaxın olub. Hissənin sonuna yaxın baş məşqçi Alesio qapıçını meydan oyunçusu ilə əvəzləyib. Bu da rəqib qapçının qol vurmasına şərait yaradıb. İkinci hissəyə də komandamız yaxşı başlamayıb. Bu dəfə Xətai Bağırov ikinci sarı-qırmızı vərəqə alaraq meydanı tərk edib. İsa və Ramizin iki epizodda zərbəsi təhlükəli alınıb. Fasilədən sonra ilk qolu isə Qallo vurub və fərqi minimuma endirib. Amma 2 dəqiqə sonra Lukas yenidən qapımıza yol tapıb. 37-ci dəqiqədə komandamız 10 metrlik cərimə zərbəsi vurmaq hüququ qazanıb. Tyaqo dəqiq oynayıb. Oyunda son nöqtəni isə Lukas qoydu.