AZƏRBAYCAN KUBOKU
-
Növbəti mərhələdə “erkən final”
Bu gün Azərbaycan kubokunun 1/8 final mərhələsinin 5 oyunu keçirildi. İlk qarşılaşmada Yüksək Liqanın iddialı komandası olan “Xəzər Cənub” böyükhesablı qələbə qazandı. İkinci oyun daha maraqlı keçdi. Yüksək Liqanın autsayderi Birinci Liqanın lideri ilə üz-üzə gəldi. Qış fasiləsində heyətini kubokun son qalibi “Marafon Futsal”ın sabiq üzvləri ilə gücləndirən “Baku Fire” hesabı açan tərəf oldu. Teymur Eyvazovun yetirmələri fasiləyə də üstün yollandı. İkinci hissədə fərqi artıran Birinci Liqanın lideri ¼ finala vəsiqə qazanan tərəf oldu. Növbəti dueldə Yüksək və Birinci liqaların “ikinciləri” qarşılaşdılar. “Standard” 6 dəqiqə dözdü. Ardıcıl 2 qol vuran EKOL dərhal topu qapısından çıxardı. Bu, Birinci Liqa təmsilçisinin fasiləyə qədər vurduğu yeganə qol oldu. Yeri gəlmişkən, ikinci hissə hər iki qapıçının qarşılıqlı qollar vurması ilə yadda qaldı. Mərhələni isə təcrübəli EKOL adladı. Son çempion “Araz”la “Green Log” duelində hesabın açılması üçün azarkeşlər 12 dəqiqə gözləməli oldu. İkinci hissəni daha məhsuldar keçirən Alesionun yetirmələri mübarizəni davam etdirmək hüququ qazandı. Yeri gəlmişkən, növbəti mərhələdə “Araz” EKOL-la qarşılaşacaq. Günün son oyununda İkinci Liqanın lideri ilə aşağı pillələrdə yer alan komandalar üz-üzə gəldi. Xüsusilə də birinci hissə daha gərgin keçdi. Lider fasiləyə cəmi 1 top üstünlüklə yollandı. İkinci hissədə sükut uzun müddət pozulmadı. Qarşılıqlı hücumlardan “Obolon” 26-cı dəiqədə öz xeyrinə istifadə edə bildi.
-
Bu gün 5 oyun keçiriləcək
Bu gün Azərbaycan kubokunun 1/8 final mərhələsinə start veriləcək. İlk oyun günündə 5 qarşılaşma keçiriləcək. Qalan 3 matç isə sabah baş tutacaq. Bu günün oyun cədvəlini və təyinatları diqqətinizə çatdırırıq:
-
Azərbaycan kuboku, 1/8 final: Təyinatlar
Azərbaycan kubokunun 1/8 final mərhələsinin oyunlarına təyinatlar açıqlanıb:
-
Püşkatma mərasimi keçirilib (fotolar)
Bu gün Bakı İdman Sarayında ölkə kubokunun 1/8, 1/4 və ½ final mərhələsinin püşkatma mərasimi keçirilib. Əvvəlcədən də xəbər verdiyimiz kimi, bu mərhələdə Yüksək Liqanın 7, Birinci Liqanın 3, İkinci Liqanın 6 komandası mübarizə aparacaq. Püşkə əsasən Yüksək Liqa təmsilçiləri və aşağı liqa komandaları arasında mübarizəni davam etdirən ən titullu komanda “Obolon” reytinqlilər səbətində, digər 8 komanda isə onların rəqibi qismində səpələnib. 1/8 final mərhələsinin oyunları martın 5-də və 6-da Olimpik Starda keçiriləcək. Oyunların başlama vaxtı ilə bağlı məlumat veriləcək.
-
Püşk atılacaq
Fevralın 25-də saat 15:00-da ölkə kubokunun 1/8, ¼ və ½ final mərhələlərinin püşkü atılacaq. Püşkatma mərasimi Bakı İdman Sarayının mətbuat konfransı otağında keçiriləcək.
Xatırladaq ki, 1/8 final mərhələsinin oyunları martın 5-də və 6-da baş tutacaq.
-
Azərbaycan kuboku, 1/16 final (fotoreportaj-2)
-
1/16 final mərhələsinə yekun vuruldu
Bu gün keçirilmiş 5 oyunla Azərbaycan kubokunun 1/16 final mərhələsinə yekun vuruldu. Günün ilk oyununda Birinci Liqanın lideri ilə İkinci Liqanın autsayderlərindən hesab edilən “Gənclik” qarşılaşdı. “Baku Fire”in rahat qələbə qazanacağı gözlənilsə də, birinci hissədə rəqib buna imkan vermədi. Düzdü, Teymur Eyvazovun yetirmələri fasiləyə 1 top üstünlüklə yollandı. Ancaq “Gənclik” son dəqiqədə 2 real qol epizodunu qaçırmaqla hesabı bərabərləşdirmək imkanını da əldən verdi. İkinci hissədə fərq artsa da, “Gənclik” komandasının mübarizədən qopmadığını xüsusi qeyd etməyə dəyər. İkinci oyun dramatikliyi ilə yadda qaldı. Ardıcıl 4 qol vuran “Rəvan”ın mərhələ adlayacağı gözlənilirdi ki, “Dalğa” Cəmşid Məhərrəmovun yoxluğunda belə hesabı bərabərləşdirməyi bacardı. Nəticədə komandalar hərəsi 5 dəqiqədən ibarət əlavə 2 hissədə mübarizə aparmalı oldu. Əlavə vaxtın birinci hissəsində “Dalğa” iki qol vurmaqla hesabı lehinə çevirdi. İkinci əlavə vaxtın əvvəlində “Rəvan” qapıçının birbaşa qırmızı vərəqə alması üzündən 2 dəqiqəni azlıqda keçirdi. Sona yaxın “Dalğa” daha 2 qol vurmaqla fərqi 4 topa çatdırdı və mübarizəni davam etdirən tərəf oldu. Yeri gəlmişkən, bu görüş 1/16 final mərhələsində əlavə vaxta daşınan ilk qarşılaşma idi. İkinci Liqanın iki təmsilçisinin duelində lider “Obolon”un qalib gələcəyi şübhə doğurmurdu ki, nəticə də bunu göstərdi. Növbəti dueldə də eyni liqanın iştirakçıları üz-üzə gəldi. Birinci hissədə 2 qol vuran “Hövsan” üstünlüyünü fasilədən sonra da davam etdirdi. Mərhələnin son oyunu qol sıralaması ilə başladı. Əvvəlcə iki dəfə nominal meydan sahibləri hesabda önə keçdi. Ancaq “Mübariz” mübarizəni əldən vermədi və fasiləyə hesabda öndə yollandı. Fərq 1 yox, 3 top ola bilərdi. Bunun üçün iki dəfə təyin edilmiş 10 metrlik zərbəni dəqiq yerinə yetirmək lazım idi. İkinci hissənin əvvəlində “Gilan Construction” status-kvonu bərpa etdi. “Mübariz” vəziyyəti yenidən xeyrinə dəyişsə də, fasilədə kifayət qədər güclənən “Gilan Construction” cavab verməkdə gecikmədi. Yekunda duelin qalibi olan şirkət komandası mübarizəni davam etdirmək hüququ qazandı
Beləliklə “Advokat”, “Green Log”, “Standard” və “Təbriz”dən sonra “Baku Fire”, “Dalğa”, “Obolon”, “Hövsan” və “Gilan Construction” komandaları da 1/8 finala yüksəldi. Yüksək Liqada mübarizə aparan komandalar da mübarizəyə bu mərhələdən qatılacaq.
-
Azərbycan kuboku, 1/16 final (fotoreportaj-1)
