Bu gün Bakı İdman Sarayında XXV Azərbaycan kubokunun final oyunu keçirildi. CBC Sport kanalı vasitəsilə canlı yayımlanan həlledici oyundan əvvəl Müasir İnnovasiyalar Liseyinin şagirdləri tərəfindən ölkə kubokunun finalı üçün hazırlanmış flashmob nümayiş etdirildi.
Heyətlə bağlı problem yaşamayan tərəflərin duelində hesabı “Advokat” aça bilərdi. Amma qapıçı ilə üzbəüz qalan Vüsal İsayev şansını qaçırdı. Əvəzində EKOL iki ardıcıl qol vurdu. “Vəkillər” Ceyhun Əhmədovla intiriqanı ölməyə qoymasalar da, təcrübəli Məmmədkərimova da mane ola bilmədilər. Birinci Hissənin ortalarında “Advokat” 10 metrlik zərbə vurmaq hüququ qazansa da, Əhmədov tiri nişan aldı. Fasiləyə qədər Namiq qollarının sayını 4-ə çatdırdı, İkinci Liqa təmsilçisi isə növbəti 10 metrlik zərbədən faydalana bilmədi.
İkinci hissədə də nominal meydan sahibləri üstünlüyünü qorudu və dördüncü dəfə ölkə kubokunun qalibi oldu. Oyun başa çatdıqdan sonra mükafatlandırma mərasimi keçirilib. EKOL komandasının üzvü Namiq Məmmədkərimov həlledici qarşılaşmanın ən yaxşı oyunçusu seçilib. Mükafatları AFFA-nın futzalü zrə koordinatoru Zaur Hacı-Məhərrəmov, Azərbaycan Futzal Federasiyasının əməkdaşı Xosrov Məmmədov, beynəlxalq dərəcəli hakim-inspektor Elçin Səmədli təqdim ediblər.
EKOL – “Advokat” 7:3 (5:1)
23 may. Bakı İdman Sarayı. Saat 14:30
Hakimlər: Hikmət Qafarlı, Fuad Həsənov, Rahin Heybətov
Qollar: F. Atakişiyev, 02:48, 31:17, N. Məmmədkərimov, 03:06, 10:16, 15:01, 16:06, Ə. Ələsgərli, 25:44 // C. Əhmədov, 03:31, V. İsayev, 27:17, S. Davıdov, 29:26
Sarı vərəqələr: R. İsgəndərov, 24:48, V. İsayev, 26:31
EKOL
99. Emin Kürdov (q), 4. Fərid Atakişiyev, 10. Samir Həmzəyev, 11. Namiq Məmmədkərimov (k), 17. Fərid Ələkbərov, 1. İntiqam Babayev (q), 2. Radik Əhmədov, 5. Sərxan Məstiyev, 7. Ramiz Çovdarov, 9. Əsgər Abasov, 14. Zaur Fərziyev, 33. Ələsgər Ələsgərli, 77. Faiq Əliyev
Baş məşqçi: Radik Əhmədov
Advokat
86. Kamran Əskərov (q), 6. Vüsal İsayev, 14. Ruslan İsgəndərov, 24. Ramil Həsənov, 91. Elvin Şirinli, 12. Elyar Həsənov(q), 10. Rəfail Abbasov, 8. Ümman Ağamalıyev, 4. Seymur Davıdov, 77. Ceyhun Şirinli, 96. İlyas Şükürov, 7. Emin Zeynalov (k), 55. Ceyhun Əhmədov, 15. Rauf Əmiraslanov
Baş məşqçi: Fuad Rzayev
