Azərbaycan Futzal Federasiyası

LİQALAR

Təxirə salınmış oyun keçiriləcək
Yüksək Liqanın IX turundan təxirə salınmış “Xilə” – “Baku Fire” oyununun keçirilmə tarixi müəyyənləşib. Komandalar dekabrın 14-də, saat 18:15-də Olimpik Starda üz-üzə gələcəklər. Qeyd edək ki, bu görüş “Xilə”nin bir neçə üzvünün səhhətində yaranmış problemlə əlaqədar müraciəti əsasında təxirə salınmışdı.
Birinci Liqa, X tur: Oyun cədvəli
Birinci Liqada X turun oyun cədvəli açıqlanıb. Turun 3 oyunu Olimpik Starda, qalan 4 qarşılaşması isə Bakı İdman Sarayında keçiriləcək.
Yüksək Liqa, XI tur: Oyun cədvəli
Yüksək Liqada XI turun oyun cədvəli açıqlanıb.
“Dəstə Ordubad”dan sürpriz qələbə
Bu gün Birinci Liqada IX turun son 3 oyunu keçirilib. Günün maraqlı matçı “Dəstə Ordubad” – “Alyans Qrup” arasında baş tutub. Liderlər qrupunda yer alan nominal qonaqlar iki dəfə hesabda önə keçsə də, üstünlüyünü qoruya bilməyib. Əksinə, sona yaxın meydan sahibləri qələbə topunu vurub. Tur “Şuşa”nın qələbəsi ilə yekunlaşıb. Liderlər qrupunda yer alan debütant rəqibi 1 top fərqi ilə üstələyib.
Yüksək Liqa: Araz-Naxçıvan - U-19 (video)
Favoritlər üçün itkisiz tur
Bu gün Yüksək Liqada X turun oyunları keçirilib. Turun oyunlarından əvvəl noyabrın 30-da Xızı rayonunda yerləşən “Qaraheybət” aviasiya poliqonunda təlim uçuşları yerinə yetirərkən helikopterin qəzaya uğraması nəticəsində həyatını itirmiş şəhidlərimizin əziz xatirəsi 1 dəqiqəlik sükutla yad edilib. İlk matçda debütant təcrübəli rəqibi ilə matça itkilərlə çıxıb. Xüsusilə də kapitan qırmızı vərəqə cəzalısı olduğuna görə matçı buraxıb. Oyun EKOL-un böyükhesablı qələbəsi ilə yekunlaşıb. Mehdi Rəsulov het-trik edib. Turun növbəti oyununda A millinin bazası hesab edilən “Araz-Naxçıvan”la 19 yaşadək futzalçılardan ibarət milli qarşılaşdı. CBC Sport kanalı vasitəsilə canlı yayımlanan matça U-19 bir itki ilə çıxmışdı. Əvvəlki matçda qırmızı vərəqə alan Nazim Rəhimov komanda yoldaşlarına kömək edə bilmirdi. Gənclər 9 dəqiqə hesabın açılmasına imkan vermədi. Sükutu isə təcrübəli Rizvan Fərzəliyev pozdu. Ardınca Bağırov 3 dəfə rəqib torunu silkələdi. Buna qədər U-19 da iki real qol epizodu yaratdı. Ridan və Məhəmməd Rövşəni məğlub edə bilmədi. Fasiləyə qədər 6 cavabsız top vuran meydan sahibləri ikinci hissədə də üstünlüyünü davam etdirdi. “Neftçi” isə oyunun taleyini fasiləyə qədər həll etdi. İlqar Aslanovun yetirmələri birinci hissədə 7 cavabsız top vurmağı bacardı. Tura “Baku Fire”in qələbəsi ilə yekun vurulub. Teymur Eyvazovun yetirmələri də böyükhesablı qələbəyə sevinib.
Bu gün: Yüksək Liqa, X tur
Bu gün Yüksək Liqada X turun oyunları keçiriləcək. CBC Sport bu dəfə milli komandanın bazası hesab edilən “Araz-Naxçıvan”la 19 yaşadək futzalçılardan ibarət yığmanın duelini canlı yayımlayacaq.
Dörd oyun keçirilib