Azərbaycan Futzal Federasiyası

LİQALAR

Liderlər qrupunda seyrəlmə
Birinci Liqada IV turun oyunları keçirilib. Bu matça qədər lider olan PFL növbəti qələbəsini qazanıb. Maraqlı oyunlardan hesab edilən digər görüşdə isə iki məğlub olmayan komanda üz-üzə gəlib. “Bakı”nın qələbəsi “Dalğa”nın cari mövsümdə ilk yenilgisi ilə nəticələnib və komanda liderlər qrupundan geri düşüb. “Timsport” və “Xan-Lənkəran” böyükhesablı qələbəyə sevinib. “STAR kargo” da çempionatda qələbə xanasını bu turda açmağa imkan tapıb. Turun son matçında “Baku Fire-2” məğlubedilməzlər sırasındakı yerini qoruyub, həm də zirvəyə yüksəlib
BL, IV tur: Xan-Lənkəran - Ulduz 9:0 (fotolar)
Yüksək Liqa: Sarı vərəqələr
Yüksək Liqada 3-cü turdan sonra sarı vərəqələrin göstəricisi belədir:
YL, III tur: Record club - Neftçi İK 3:6 (fotolar)
Araz-Naxçıvan - Baku Fire: Video
YL, III tur: Araz-Naxçıvan - Baku Fire 2:2 (fotolar)
7:7-lik heç-heçə, “Neftçi” İK-dan ilk qələbə
Yüksək Liqada III turun oyunları keçirilib. Günün ilk oyununda lider “Araz-Naxçıvan”la ən yaxın izləyicisi “Baku Fire”lə qarşılaşıb. “Baku Fire”də Nihad İsmayılov zədəli olduğuna görə meydana çıxmamışdı. Gərgin keçən ilk yarıda hesab sonuncu dəqiqədə açıldı. Amadeunun zərbəsi qarşısıalınmaz oldu. İkinci hissəyə nominal qonaqlar qolla başladı. Faiq Əliyev tablodakı rəqəmləri eyniləşdirdi. Ancaq lider üstünlüyünü itirmədi və 30-cu dəqiqədə ikinci dəfə hesabı xeyrinə dəyişdi. Katatau fərqləndi. Ancaq məğlubiyyətlə barışmaq istəməyən “Baku Fire” 34-cü dəqiqədə status-kvonu bərpa etdi. Bu dəfə Tofiq Əliyev fərqləndi. Bu oyunda vurulan sonuncu qol oldu və qarşılaşma heç-heçə başa çatdı. Günün ikinci oyununda 3 xalı “Neftçi” İK qazandı. Paytaxt təmsilçisi rəqibindən 2 dəfə çox qol vurmaqla mövsümdə ilk qələsini rəsmiləşdirdi. Turun son dueli daha maraqlı və gərgin keçdi. Matça yaxşı başlayan və 3 top fərqi ilə önə keçən U-19 fasiləyə qədər hesabı qoruya bilmədi. İkinci hissədə də ilk qolu milli komandanın üzvləri vurdu. Amma “Yasamal Bakı” da oyunu əldən vermirdi. 7:7 hesabı ilə başa çatan görüşdə xüsusilə də Rüstəm Bağırovun məhsuldar oyununu qeyd etmək yerinə düşərdi.
Bu gün, Yüksək Liqa, III tur
Bu gün Yüksək Liqada III turun oyunları keçiriləcək. Turun mərkəzi oyunu CBC Sport-la yayımlanacaq.