Azərbaycan Futzal Federasiyası

LİQALAR

Birinci Liqa, mükafatlandırma: Fotolar
“Baku Fire-2” Birinci Liqanın qalibi oldu
Bu gün Birinci Liqada mövsümün son 2 oyunu keçirilib. Əvvəlcə 3-cü yer uğrunda matç baş tutub. Pley-off-da məğlub olan “STAR kargo” və “Xan-Lənkəran” üz-üzə gəlib. Görüş “STAR kargo”nun böyükhesablı qələbəsi ilə yekunlaşıb. Qələbə nominal meydan sahiblərinə bürünc medal qazandırıb.
Birinci Liqaya yekun vurulur
Bu gün keçiriləcək 2 oyunla Birinci Liqada 2024-2025-ci il mövsümünə yekun vurulacaq. Əvvəlcə 3-cü yerin sahibi müəyyənləşəcək, daha sonra finalçılar meydana çıxacaqlar. Həlledici oyundan sonra isə komandalara mükafatlar təqdim olunacaq.
Yüksək Liqa, XVIII tur: Oyun cədvəli
Yüksək Liqada XVIII turun oyun cədvəli açıqlanıb. Mayın 15-də Olimpik Starda keçiriləcək tura saat 14:00-da start veriləcək.
Yüksək Liqa: Sarı vərəqələr
Yüksək Liqada XVII turdan sonra passivində 4 sarı vərəqəolan "Neftçi"nin üzvləri - Mortoza Haidari və Vladislav Reznov növbəti oyunda meydana çıxa bilməyəcəklər.
“Baku Fire”dən çətin qələbə
Bu gün Yüksək Liqada XVII turun oyunları keçirilib. “Olimpik Star”da əvvəlcə meydana turnir cədvəlinin qonşu pillələrində qərarlaşan komandalar çıxıb. Favorit “Baku Fire” fasiləyə hesabda üstün yollansa da, ikinci hissədə 2 qırmızı vərəqə almaqla bərabər, tablodakı rəqəmlərin eyniləşməsinə də mane ola bilməyib. Artıq 33-cü dəqiqədə hər iki komandanın aktivində 4 qol var idi. Son 3 dəqiqə qalmış nominal qonaqlar qələbə qazandıran qolu vura bildi və aktivinə 3 xal yazdırdı. Liderlə autsayderin görüşü “qırmızı-ağlar” üçün daha çox məşq xarakteri daşırdı. Elə hesabın erkən açılması da bunu göstəricisidir. Birinci hissədə 6 cavabsız top vuran “Araz-Naxçıvan” üstünlüyünü fasilədən sonra da davam etdirib. Amirhossein Rasouli 7 qol vurmaqla bombardirlər yarışında liderə yaxınlaşıb. Turun son oyununda hesabı gənclər millisi açsa da, təcrübəli futzalçılardan qurulan “Neftçi” 12-ci dəqiqədə tablodakı rəqəmləri xeyrinə dəyişərək, üstünlük qazandı. Fasiləyə qədər başqa qol vurulmadı. İkinci hissədə də ssenari eyni xətt üzrə davam etdi. Maraqlı məqam U-19-un qolkiperi Hüseyn Əbdülovun fərqlənməsi idi. Beləliklə növbəti qələbəsini qazanan “Neftçi” İK turnir cədvəlindəki mövqeyini qorumuş oldu.
Bu gün Yüksək Liqa, XVII tur
Bu gün Yüksək Liqada XVII turun oyunları keçiriləcək. Lider autsayderlə üz-üzə gələcək. Tura isə turnir cədvəlinin qonşu pillələrində yer alan komandaların dueli ilə start veriləcək.
3-cü yer və Final oyununun vaxtı
Birinci Liqada mövsümün son oyunlarının təqvimi açıqlanıb. Mayın 11-də Olimpik Starda əvvəlcə 3-cü yerin sahibi müəyyənləşəcək. Bu matç başa çatdıqdan sonra finalçılar meydana çıxacaq.