Azərbaycan Futzal Federasiyası

UEFA ÇEMPİONLAR LİQASI

“Araz-Naxçıvan” əsas mərhələdə
UEFA Çempionlar Liqasının ilkin mərhələsində mübarizəni yekunlaşdıran “Araz-Naxçıvan” komandası əsas mərhələyə vəsiqə qazanıb. Təmsilçimizin ən yaxşı ikinci yerin sahibi kimi mübarizəni davam etdirəcək. Ölkə çempionunun bu mərhələdəki rəqibləri avqustun 30-da müəyyənləşəcək.
Rizvan Fərzəliyevdən 69-cu oyun
UEFA Çempionlar Liqasının ilkin mərhələsində bu gün son oyununu keçirən “Araz-Naxçıvan”ın kapitanı Rizvan Fərzəliyev Lucionun rekorduna təkrarlamaqla yadda qalıb. Belə ki, həm də millimizin kapitanı olan Fərzəliyev Latviya çempionu “Raba” ilə dueldə 69-cu dəfə klub səviyyəsində beynəlxalq rəsmi görüş keçirib. O, ilk dəfə 6 oktyabr 2003-cu ildə bu turnirin keçmiş adı – UEFA Kubokunda debüt edib. Həmin vaxt kapitan AMMK-nın heyətində yer alıb. UEFA-nın rəsmi səhifəsi Rizvanın Lucionun 69 oyunluq rekordunu təkrarladığını qeyd edib.
“Araz-Naxçıvan” qələbə ilə yekunlaşdırdı
UEFA Çempionlar Liqasının ilkin mərhələsində “Araz-Naxçıvan” bu gün son oyununu keçirib. Təmsilçimiz Latviya çempionu “Raba”nı məğlub edib. Qrupun digər oyununda “Kampuksen Dinamo” “Europa”nı yenib – 14:3. Yekunda “Araz-Naxşıvan”la “Kampuksen Dinamo” 7 xal toplasa da, topların müsbət göstəricisinə görə Finlandiya çempionu qrupun lideri olub.
Qrupda son oyun
“Araz-Naxçıvan” bu gün UEFA Çempionlar Liqasının ilkin mərhələsində son oyununu keçirəcək. Təmsilçimiz Latviya çempionu “Raba” ilə qarşılaşacaq. Görüş Bakı vaxtı ilə saat 20:00-da başlayacaq. Oyunu Dario Pezzuto (İtaliya), Drazen Vukcevic (Monteneqro) və Panagiotis Ntalas (Yunanıstan) idarə edəcək.
İkinci oyunda heç-heçə
UEFA Çempionlar Liqasının ilkin mərhələsində çıxış edən “Araz-Naxçıvan” bu gün qrupda ikinci oyununu keçirib. Təmsilçimiz bu dəfə Finlandiya çempionu ilə qarşılaşıb. Gərgin keçən oyun heç-heçə başa çatıb. Alesionun “drujina”sı son matçda “Raba” ilə qarşılaşacaq. Qrupun digər oyununda “Raba” və “Europa” komandaları bu gün üz-üzə gələcək.
Bu gün saat 15:00: “Kampuksen Dinamo” – “Araz-Naxçıvan”
UEFA Çempionlar Liqasının ilkin mərhələsində çıxış edən “Araz-Naxçıvan” bu gün ikinci oyununu keçirəcək. Təmsilçimiz bu dəfə Finlandiya çempionu ilə qarşılaşacaq. Oyun Bakı vaxtı ilə saat 15:00-da start götürəcək.
“Araz-Naxçıvan”dan böyükhesablı qələbə
Bu gün UEFA Çempionlar Liqasının ilkin mərhələsində “Araz-Naxçıvan” ilk oyununu keçirib. Təmsilçimiz Cəbəllütariq çempionu ilə qarşılaşıb. Latviyanın Salasplis şəhərində keçirilmiş matçda “Araz-Naxçıvan” qələbə qazanıb.
Təmsilçimiz mübarizəyə başlayır
UEFA Çempionlar Liqasının ilkin mərhələsində mübarizə aparacaq “Araz-Naxçıvan” bu gün mübarizəyə başlayır. Təmsilçimiz ilk matçda Cəbəllütariq çempionu ilə qarşılaşacaq. Oyun Bakı vaxt ilə saat 15:00-da başlayacaq.