Azərbaycan Futzal Federasiyası

U-19

U-19-un məşqləri davam edir (fotolar, video)
Avropa çempionatının ilkin mərhələsində iştirak edəcək 19 yaşadək futzalçılardan ibarət Azərbaycan millisi təlim-məşq toplanışını davam etdirir. Gündə iki dəfə parket üzərinə çıxan gənclər fiziki və taktiki planda çalışır.
Azərbaycan – Kosovo: Təyinatlar
19 yaşadək futzalçılardan ibarət Azərbaycan millisinin Avropa çempionatının ilkin mərhələsində Kosovo ilə keçirəcəyi oyuna təyinatlar açıqlanıb.
U-19-un toplanışı olacaq
Avropa çempionatının ilkin mərhələsində iştirak edəcək 19 yaşadək futzalçılardan ibarət Azərbaycan milli komandasının yanvarın 10-dan 23-dək Bakıda təlim-məşq toplanışı olacaq. Baş məşqçi İlqar Aslanov hazırlıq prosesinə 16 futzalçı dəvət edib. Toplanışın sonunda səfərə 2-si qapıçı olmaqla ümumilikdə 12 futzalçı aparılacaq.
U-19-un oyun cədvəli açıqlanıb
19 yaşadək futzalçılardan ibarət Azərbaycan millisinin yer aldığı B qrupunun oyun cədvəli açıqlanıb. Mübarizəyə ilkin mərhələdən başlayacaq komandamızın səfəri yanvarın 23-dən 27-dək baş tutacaq və oyunlar San Marinoda keçiriləcək.
U-19-un rəqibləri müəyyənləşib
Bu gün 19 yaşadək futzalçılardan ibarət komandalar arasında təşkil olunacaq Avropa çempionatının ilkin və əsas mərhələsinin püşkü atılıb. Əvvəlcədən də xəbər verdiyimiz kimi, millimiz mübarizəyə ilkin mərhələdən başlayacaq. Komandamız B qrupunda Kosovo və San Marino ilə qarşılaşacaq. Bu qrupun oyunları San Marinoda keçiriləcək. Yalnız qrup birinciləri əsas mərhələyə vəsiqə qazanacaq. İlkin mərhələnin oyunları gələn il yanvarın 21-dən 26-dək keçiriləcək. Komandamız əsas mərhələyə yüksələrsə, 7-ci qrupda Xorvatiya, Bosniya və Herseqovina və Türkiyə ilə qarşılaşacaq. Bu mərhələnin oyunları 25-30 martda keçiriləcək.
Bu gün U-19-un rəqibləri müəyyənləşir
Bu gün 19 yaşadək futzalçılardan ibarət Azərbaycan millisi AVRO-2025-in seçmə mərhələsinədəki rəqibləri müəyyənləşəcək. Püşkatma Bakı vaxtı ilə saat 17:15-də keçiriləcək. Reytinq cədvəlinin 27-ci sırasında qərarlaşan komandamız bu dəfə mübarizəyə ilkin mərhələdən başlayacaq. Komandalar artıq səbətlərə bölünüb. Millimiz Gürcüstan və Monteneqro ilə bir səbətdə yer alıb. Bu komandalar ayrı-ayrı qruplara düşəcəklər və öz qrupunun birinci komandası olacaqlar. Püşkatmada ölkəmizi futzal üzrə milli komandanın meneceri Fərrux Hüseynzadə təmsil edəcək.
U-19 AVRO-2025-ə ilkin mərhələdən başlayacaq
19 yaşadək futzalçılardan ibarət Azərbaycan millisi AVRO-2025-in seçmə mərhələsinə yanvarda start verəcək. Belə ki, reytinq cədvəlinin 27-ci sırasında qərarlaşan komandamız bu dəfə ilkin mərhələdən yarışacaq. Komandalar artıq səbətlərə bölünüb, püşkatma isə oktyabrın 31-də keçiriləcək. Millimiz öz qrupunun birinci komandası olacaq. Reytinq cədvəlində yer alan 35 komandadan 10-u ilkin mərhələdə iştirak edəcək. Onlar 3 səbətə bölünəcəklər. Səbətlərdən 2-də 3, birində 4 komanda yer alacaq. Yalnız qrup birinciləri əsas mərhələyə vəsiqə qazanacaq. İlkin mərhələnin oyunları gələn il yanvarın 21-dən 26-dək keçiriləcək. Əsas mərhələdə isə 28 komanda 4 qrupda mübarizə aparaxaq. Bu mərhələnin oyunları 25-30 mart tarixlərində keçiriləcək. Yekunda qrup qalibləri final mərhələsinə yüksələcək. Final mərhələnin oyunları gələn il 28 sentyabr – 5 oktyabrda Moldovanın paytaxtı Kişinyovda təşkil olunacaq.
AÇ-2025 Moldovada keçiriləcək
19 yaşadək futzalçılar arasında final mərhələsi 2025-ci ildə keçiriləcək Avropa çempionatına Moldova evsahibliyi edəcək. Bununla bağlı UEFA İcraiyyə Komitəsi qərar qəbul edib.