Bu gün keçirilmiş 5 oyunla Birinci Liqada IV tura start verilib. Günün ilk oyunu baş tutmayıb. Belə ki, “Baku Fans” və “Veqa” komandaları meydana eyni rəngdə olan formada çıxıblar. Meydan sahibi “Baku Fans” olduğu üçün rəqibə formalarını dəyişdirmək təklif olunub. Komanda ehtiyat formasını zala gətirmədiyinə görə oyun keçirilməyib. Nəticə ilə bağlı İntizam Komitəsi qərar verəcək. “Qarabağ-Füzuli” – “Xızı Yasamal” görüşü isə maraqlı məqamlarla yadda qalıb. Ardıcıl 3 top vuran “Xızı Yasamal” fasiləyə 2 top fərqlə məğlub yollanıb. Amma ikinci hissədə toparlanan Yasamal futzalçıları hesabı xeyrinə dəyişə bilib və mövsümdə ilk qələbəsini qazanıb. Növbəti oyun daha gərgin keçirb. Elə fasiləyə qədər cəmi 1 qolun vurulması da bunun göstəricisidir. Amma məğlubiyyətə rəğmən gənclərdən qurulmuş “Baku Fire-2” xoş sözlərə layiqdir. Turun mərkəzi oyununda liderlər qrupunda yer almış iki komanda üz-üzə gəlib. Fasiləyə təcrübəli “idmançılar” üstün yollansa da, “fanatlar” ikinci hissədə daha məhsuldar olublar. Nəticədə qələbəni “Forza Neftçi” aktivinə yazdırıb. Günün son oyunu heç-heçə başa çatıb.

“Qarabağ-Füzuli” – “Xızı Yasamal” 6:10

“Red Line” – “Baku Fire-2” 7:2

ADBTİA – “Forza Neftçi” 3:6

“Zəngilan” – “Yasamal İSK-2” 5:5

Turun qalan 5 oyunu oktyabrın 6-da keçiriləcək.

AZMİU – Zirvə Bakı

5 oktyabr. Olimpik Star. Saat 18:00

Hakimlər: Rahin Heybətov, Mahir Məmmədov, Vüsal Balaşov

U-19 – Standard

5 oktyabr. Olimpik Star. Saat 19:00

Hakimlər: Rahin Heybətov, Mahir Məmmədov, Hacıəli Ağayev

Ulduz – Rayyan MFK

5 oktyabr. Olimpik Star. Saat 20:00

Hakimlər: Azad Hüseynov, Hacıəli Ağayev, İsgəndər Əliyev

Metropoliten – Star karqo

5 oktyabr. Olimpik Star. Saat 21:00

Hakimlər: Mehman Mahmudov, Knyaz Əmiraslanov, Nahid Xasıyev

Çinar Cəbrayıl – Harmony Hotel

5 oktyabr. Olimpik Star. Saat 22:00

Hakimlər: Mehman Mahmudov, Nahid Xasıyev, Knyaz Əmiraslanov