Bu gün Azərbaycan milli komandası dünya çempionatının əsas mərhələsi çərçivəsində növbəti oyununu keçirib. Komandamız Monteneqro futzalçıları ilə qarşılaşıb. İsa Atayev Moldova ilə oyunda qırmızı vərəqə aldığına görə, bu qarşılaşmada iştirak etməyib. Oyunda hesabı futzalçılarımız açsa da, fasiləyə rəqib üstün yollanıb. İkinci hissədə fəallaşan millimiz hesabı bərabərləşdirib, daha sonra nəticəni lehinə dəyişdirib. Bununla da ikinci qələbəsini qazanan millimiz elit-raunda vəsiqəni təmin edib. Amma Slovakiya ilə keçiriləcək son qarşılaşma əhəmiyyətini itirməyib. Qrup qalibi olmaq üçün futzalçılarımıza mütləq qələbə qazanmaq lazımdır. Çünki elit-raundda qrupun tərkibi müəyyənləşdirmək baxımından əsas mərhələni hansı pillədə başa vuracağın həlledici rol oynayacaq. Qrupun digər oyununda Moldova və Slovakiya yığmaları qarşılaşıb. Görüş Slovakiyanın 7:4 hesablı qələbəsi ilə başa çatıb.

Azərbaycan – Monteneqro (1:2) 3:2

24 oktyabr. Bakı İdman Sarayı. Saat 20:00

Hakimlər: İngo Heemsoth (Almaniya), Ondrey Çerny (Çexiya), Miguel Castilho (Portuqaliya)

Hakim-inspektor: Pedro Angel Galan Nieto (İspaniya)

UEFA nümayəndəsi: Assem Kuzhanova (Qazaxıstan)

Qollar: T. Martins Thiago, 04:09, R. Çovdarov, 21:49, A. Shojaei, 33:33 // P. Peroşeviç, 07:15, A. Obradoviç, 09:22

Sarı vərəqələr: R. Çovdarov, 07:13, İ. Soorghalı, 27:58 // Y. Popoviç, 08:22, İ. Mugoşa, 09:14

Qırmızı vərəqə: N.Vidakoviç, 39:48

Azərbaycan

12. Rövşən Hüseyinli (q), 3. Teles Martins Thiago, 6.Borges Eduardo, 10. Oliveira Do Nascimento Williams “Vassora”, 13. Amir Shojaei, 1. Elnur Zamanov (q) 14. Hadi Ahmadi, 9. Nihad İsmayılov, 11. Xətai Bağırov, 8. Rizvan Fərzəliyev (k), 7. Ramiz Çovdarov, 5. Vahid Shafiei, 20. İsagh Soorghalı

Baş məşqçi: Joze Alesio Da Silva

Monteneqro

1. Draqoljub Despotoviç (q,k), 5. Eldin Çoroviç, 10. İlija Mugoşa, 11. Marko Spasojeviç, 16. Aleksandar Obradoviç, 12. Milun Sekuliç (q), 20. Danilo Vuçetiç (q), 2.Yovan Popoviç, 3. Vaso Dubak, 4. Nikola Miniç, 7. İvan Mugoşa, 8. Nikola Vidakoviç, 9. Luka Vuletiç, 13. Petar Peroşeviç

Baş məşqçi: Sveto Ljesar