Bu gün Yüksək Liqada V turun oyunları keçirildi. Olimpik Starda əvvəlcə “Yasamal derbisi” baş tutdu. Oyuna yaxşı başlayan “Yasamal” İSK ardıcıl 2 qol vursa da, fasiləyə qədər üstünlüyünü qoruya bilmədi. Əksinə, “Xızı Futzal” hesabı lehinə çevirdi, bu azmış kimi rəqibin bir oyunçusu da qırmızı vərəqə ilə cəzalandırılıb. İkinci hissədə hesabı bərabərləşdirən nominal qonaqlar hətta hesabda önə keçdi. Ancaq son 19 saniyədə 2 qol vuran Cavid Taleb komandasına qələbə qazandırdı. Turun növbəti oyununda isə maksimum xalla liderin şəriki olan “Neftçi” və “Baku Fire” üz-üzə gəldi. Son çempion isə debütantla qarşılaşdı. Təcrübəli “Araz” Quba təmsilçisi ilə duelin taleyini birinci hissədə həll etdi. İkinci hissə daha çox sarı vərəqələrin sıralanması ilə əlamətdar oldu. EKOL-la “Record club”un duelini də Yüksək Liqanın təcrübəli komandası qazandı. Fasiləyə qədər 2 top vuran “yaşıllar” ikinci hissədə də bir o qədər fərqləndi. Rəqib isə daha çox qol vurdu. Amma bu məğlubiyyətdən qaçmağa yetmədi. Yeri gəlmişkən, noyabrın 1-də subaylığın daşını atacaq EKOL-un üzvü Fərid Atakişiyev də komandasını meydanda yalqız buraxmamışdı. Komanda yoldaşları da bu qələbəni ona hədiyyət etdilər. Turun son görüşündə “Marafon” “Bakı” TFK-nı sınağa çəkdi. Ardıcıl qollar vuran nominal meydan sahibləri rəqibin şanslarını boşa verməsi sayəsində fasiləyə 2 top fərqi ilə üstün yollandı. İkinci hissədə daha gərgin keçib. Hətta “Bakı” TFK fərqi minimuma endirməyə imkan tapdı. Amma gücü tükənən “tələbələr” sonrakı dəqiqələrdə fərqin artmasına mane ola bilmədi.
Xızı Futzal – Yasamal İSK 6:5
31 oktyabr. Olimpik Star. Saat 12:00
Hakimlər: Ramiz Məhərrəmov, Rahin Heybətov, Fuad Həsənov
Qollar: Murtuza Cahandoost, 09:22, Elnur Soltanlı, 13:02, 18:40, Cəlaləddin Tağıyev, 25:44, Cavid Taleb, 39:41, 39:56 // Elgün Abbaslı, 0:31, 06:25, Vüsal Səfərov, 24:36, 26:26, Anar İsayev, 30:49
Sarı vərəqələr: Cəlaləddin Tağıyev, 02:15, Qərib İbrahimov, 07:11, Murtuza Cahandoost, 07:50 // Kamran Nəcəfzadə, 07:50, Namaz İsmayılov, 32:54
Qırmızı vərəqə: Murtuza Cahandoost, 35:47 (ikinci sarı vərəqə) // Kamran Nəcəfzadə, 08:29 (ikinci sarı vərəqə)
Neftçi İK – Baku Fire 9:2
31 oktyabr. Olimpik Star. Saat 14:00
Hakimlər: Anar Fərəcov, Mehman Mahmudov, Mahir Məmmədov
Qollar: Rüfət Balakişiyev, 12:41, 16:55, 21:54, 36:46, Emil Həsənzadə, 21:13, 22:58, 29:27, 32:33, Tofiq Hüseynov, 33:46 // Renat Sultanov, 29:51, Hüseyn Qarayev, 30:50
Sarı vərəqələr: Oruc Baxşəlizadə, 03:22, Adil İsmayılov, 22:58 // Renat Sultanov, 22:06
Qırmızı vərəqə: Oruc Baxşəlizadə, 10:05 (ikinci sarı vərəqə) // Zalış Səmədzadə, 11:41
Premier (Quba) – Araz 0:5
31 oktyabr. Olimpik Star. Saat 16:00
Hakimlər: Hikmət Qafarlı, Nail Nağıyev, Kənan Məlikov
Qollar: Hadi Ahmadi, 06:45, İsa Atayev, 11:52, 15:39, Tural Cəlilov, 37:43 (ö/q), Xətai Bağırov, 39:34
Sarı vərəqələr: Vüqar Asalıyev, 33:22, Firudin Ağalarov, 36:06 // Rövşən Hüseynli, 20:40, İsa Atayev, 31:56, Amir Shojaei, 32:57
EKOL – Record club 4:3
31 oktyabr. Olimpik Star. Saat 18:00
Hakimlər: Əli Cəbrayılov, Ceyhun Hüseynov, Xəlil Xəlilov
Qollar: Əsgər Abasov, 08:50, 11:02, 23:00, Fərid Ələkbərov, 26:25 // Vahid Ansari, 22:19, Sabir Hacıəliyev, 34:47, Sina Jamali, 38:52
Sarı vərəqələr: Faiq Əliyev, 09:50 // Amir Ashtiyani, 20:35
Marafon – Bakı TFK 12:4
31 oktyabr. Olimpik Star. Saat 20:00
Hakimlər: Azər Əsgərov, Ziya Nəsirov, Vüsal Balaşov
Qollar: Seymur Məmmədov, 02:25, 21:58, Vitali Borisov, 02:40, 03:30, 39:24, Tofiq Mikayılov, 08:17, 35:10, İlkin Hacıyev, 25:38, 37:47, Asif Zeynalov, 28:58, Sadegh Javidtabar, 32:43, 34:25 // Vüsal Buludov, 07:13, Tofiq Mikayılov, 09:40 (ö/q), Fərid Səmədzadə, 23:40, Elvin Adışırinli, 24:13
Sarı vərəqə: Elşən İbrahimxəlilov, 09:18
