Bu gün Yüksək Liqada IX turun oyunları keçirilib. İlk oyunda autsayder “Yasamal” İSK ilə iddialı “Marafon” qarşılaşıb. Komandalar meydana itki ilə çıxmışdılar. “Marafon”dan Vitali Borisovun adı protokola daxil edilsə də, o, səhhəti ilə əlaqədar meydana çıxmadı. Rəqib düşərgədə isə kapitan cəzalı olduğuna görə komandasına kömək edə bilmədi. Erkən qollar vuran “Marafon”un fasiləyə qədər daha çox fərqlənəcəyi gözlənilsə də, sona 6 saniyə qalmış “Yasamal” İSK fərqi minimuma endirdi. İkinci hissəyə də “Marafon” qolla başladı. Növbəti dəfə hesab 35-ci dəqiqədə dəyişdi. Bu dəfə avtoqol qeydə alındı. Oyunda sonuncu qolu vuran da “Marafon” oldu. Günün mərkəzi oyununda isə debütant “Premier” iddialı “Neftçi” ilə üz-üzə gəldi. Düzdü, oyuna “Neftçi” aqressiv başladı, amma hesabı açan tərəf Quba futzalçıları oldu. Bu matça qədər bütün görüşlərdə fərqlənən Firudin Ağalarov yenə rəqib torunu silkələməyi bacardı. Ağalarov hətta dubl etməyə də yaxın oldu. Amma təcrübəli Zamanov düzgün qərar verməklə onun istəyinin qarşısını aldı. “Neftçi” daha çox hücum edən tərəf olsa da, “Premier” əks-hücumlarda təhlükəli epizodlar yaradırdı. Ən azı 3 belə epizoddan yararlana bilmədi əylət klubu 14-cü dəqiqədə topu qapısından çıxardı. Tural İsmayılov effektli zərbə ilə status-kvonu bərpa etdi. “Neftçi”nin qapıçısı Elnur Zamanov isə zədələnərək meydanı erkən tərk etdi. Yarışın baş həkimi Esmiralda Ələkbərova tərəfindən ilkin yardım göstərilən qapıçının bir neçə oyunda meydana çıxmayacağı bildirildi. Fasilədən dərhal sonra “Neftçi” standard vəziyyəti uğurlu yerinə yetirdi. Ötürməni Emil Həsənzadə Qasımovun qapısından keçirdi. Nominal qonaqlar “vurmayana vurarlar” devizini rəhbər tutmaqda davam edirdi. Bu dəfə Oruc Baxşəlizadə adını tabloya yazdırdı. 30-cu dəqiqədə Quba futzalçıları fərqi minimuma endirdi. Sərxan Ağayev Firudinin qapıya paralel ötürməsini hədəfə yönəltdi. 33-cü dəqiqədə Sabir Əlişan 10 metrlik zərbə zamanı topu dirəyə tuşlamaqla hesabı bərabərləşdirmək şansını qaçırdı. İki dəfə isə Oqtay Rüstəmli qapıçını məğlub edə bilmədi. Oyunun başa çatmasına 39 saniyə qalmış “Premier” növbəti fürsəti əldən verdi. Bu dəfə Sərxan Ağayev 10 metrlik zərbəni tora qovuşdura bilmədi. Ağayev 10 saniyə qalmış isə dirəyin dibindən boş qapıya düşməyi bacarmadı. Nəticədə “Neftçi” 1 top fərqli qələbəyə sevindi. Növbəti matçda isə hesabı “Baku Fire” açdı. Reza Tolouei komandasına üstünlük qazandırdı. Sonrakı dəqiqələrdə “tələbələr”in qol imkanları daha çox olsa da, istəklərinə ancaq ikinci hissənin əvvəlində çatdılar. Amma Renat Sultanovun uzaq “doqquzluğ”a sancdığı qol isə zöqvləri oxşadı. Təslim olmayan “Bakı” Məhəmmədlə hesaba tarazlıq gətirdi. 34-cü dəqiqədə “Bakı” meydanda azlıqda qalsa da, “Baku Fire” bu üstünlükdən faydalana bilmədi. Sonrakı dəqiqələrdə tərəflər hərəyə bir qol vurdu və xallar yarı bölündü. Yeri gəlmişkən, bu cari mövsümdə qeydə alınan ilk heç-heçə idi. “Xızı Futzal” isə EKOL-la dueldə 10 dəqiqə tab gətirdi. Cəmi 2 dəqiqə ərzində 3 qol vuran EKOL gücünü göstərmiş oldu. Turun ən məhsuldar oyunu həm də hər iki komandanın qarşılıqlı qırmızı vərəqə alması ilə yadda qaldı. Turun son oyunu da maraqlı statla seçildi. “Araz”ın favorit hesab olunduğu qarşılaşmada ilk qolu “Record club” vurdu. Amma son çempionun cavabı sərt oldu. Əvvəlcə Xətai, ardınca İsa rəqib qapısını “top”a tutdu. Bundan sonra üstünlüyünü əldən verməyən lider fərqi artırmağa da nail oldu. Rəqib isə məhdud heyətə rəğmən, mübarizəsini sona qədər davam etdirdi. Onu da vurğulayaq ki, “Araz”dan Rizvan Fərzəliyev və Ramiz Çovdarov zədəli, “Record club”dan isə Sina Jamali cəzalı olduğuna görə komandasına kömək edə bilmirdi.
Marafon – Yasamal İSK (2:1) 5:2
28 noyabr. Bakı İdman Sarayı. Saat 12:00
Hakimlər: Azər Əsgərov, Kənan Məlikov, Elvin Ağayev
Qollar: Sərxan Məstiyev, 01:17, Sadegh Javidtabar, 01:39, 21:32, Davud Bagheri, 35:07 (ö/q), Asif Zeynalov, 37:33 // İbad Məmmədov, 19:54, Elşən Veysov, 28:15
Sarı vərəqələr: Seymur Məmmədov, 07:08, Vladislav Reznov, 07:13 // Anar İsayev, 07:13, Elgün Abbaslı, 07:13, Elşən Veysov, 35:54
Neftçi İK – Premier (Quba) (1:1) 3:2
28 noyabr. Bakı İdman Sarayı. Saat 14:00
Hakimlər: Anar Fərəcov, Nail Nağıyev, Fuad Həsənov
Qollar: Tural İsmayılov, 13:17, Emil Həsənzadə, 21:34, Oruc Baxşəlizadə, 28:34 // Firudin Ağalarov, 01:34, Sərxan Ağayev, 30:27
Sarı vərəqələr: Vahib Xocayev, 28:01 // Sərxan Ağayev, 32:47, Vüqar Asalıyev, 37:35
Baku Fire – Bakı TFK (1:0) 3:3
28 noyabr. Bakı İdman Sarayı. Saat 16:00
Hakimlər: Əli Cəbrayılov, Mehman Mahmudov, Hacıəli Ağayev
Qollar: Reza Tolouei, 07:18, Renat Sultanov, 30:33, Elvin Adışırinli, 37:20 (ö/q) // Emin Abbasov, 27:51, Məhəmməd Bədəlbəyli, 32:50, Fərid Səmədzadə, 38:18
Sarı vərəqələr: Rasif Səfiyarov, 14:58 // Vüsal Buludov, 12:23
Qırmızı vərəqə: Vüsal Buludov, 34:12 (ikinci sarı)
EKOL – Xızı Futzal (5:1) 11:5
28 noyabr. Bakı İdman Sarayı. Saat 18:00
Hakimlər: Hikmət Qafarlı, Elmir Quluzadə, Knyaz Əmiraslanov
Qollar: Samir Həmzəyev, 10:39, Talebmohammad Arabpour, 11:02, 29:47, 30:35, Fərid Atakişiyev, 11:48, Radik Əhmədov, 15:55, Əsgər Abasov, 19:54, Cəlaləddin Tağıyev, 25:54 (ö/q), Faiq Əliyev, 27:53, 32:57, Fərid Ələkbərov, 38:56 // Şahin Əliyev, 13:28, 24:47, Xəyal Quliyev, 24:29, Radik Əhmədov, 29:21 (ö/q), Elnur Soltanlı, 33:37
Sarı vərəqələr: Samir Həmzəyev, 07:19, İntiqam Babayev, 24:46 // Morteza Cahandoust, 13:48, Xəyal Quliyev, 19:54
Qırmızı vərəqə: Samir Həmzəyev, 33:09 (ikinci sarı) // Morteza Cahandoust, 28:12 (ikinci sarı)
Record club – Araz (2:3) 2:7
28 noyabr. Bakı İdman Sarayı. Saat 20:00
Hakimlər: Ramiz Məhərrəmov, Rahin Heybətov, İsgəndər Əliyev
Qollar: Matin Gharamani, 01:17, Seyedmostafa Padidarjahromi, 19:52 // Xətai Bağırov, 04:14, İsa Atayev, 05:15, 37:36, Hadi Ahmadi, 09:43, Hadi Rezvan Negarestan, 24:28, Amir Shojaei, 36:55, Qurban Qurbanov, 39:47
Sarı vərəqələr: Xətai Bağırov, 33:00, İsa Atayev, 37:36, Kamran Hacıyev, 37:36
