Bu gün Yüksək Liqada XII turun oyunları keçirilib. İlk matçda lider böyükhesablı qələbə qazanıb. Amma görüş iki futzalçının qırmızı vərəqə alması və “Araz”ı oyuna köməkçi-məşqçi Ağakərim Həsənovun çıxarması ilə də diqqət çəkib. Baş məşqçi Joze Alesio Da Silva səhhəti ilə əlaqədar oyunda iştirak etmirdi. CBC Sport-la canlı yayımlanan ikinci oyunda hesabı Quba futzalçıları açıb. Sərxan Ağayevin qoluna 3 dəqiqə sonra Renat Sultanov qarşılıq verib. Bir qədər sonra Reza Tolouei komandasını önə keçirən qolun müəllifi olub. Sonkarı dəqiqələrdə nominal qonaqlar status-kvonu bərpa etməklə kifayətlənməyib, hətta hesabı lehinə də dəyişib. Di gəl, sona yaxın kobud səhvlər “Baku Fire”in qalib gəlməsinə şərait yaradıb. Üçüncü oyun da kifayət qədər maraqlı alınıb. “Bakı” TFK – “Xızı Futzal” duelində azarkeşlər fasiləyə qədər növbəli qolların vurulmasına şahidlik ediblər. İkinci hissədə xüsusilə də Vüsal Buludlunun fəallığı komandasına vacib qələbə qazandırdı. “Rekord club” – “Marafon” matçına nominal qonaqlar qollarla başlasa da, iranlı futzalçılardan qurulmuş meydan sahibləri hesabı xeyirlərinə dəyişsələr də, bu üstünlüyü fasiləyə qədər saxlaya bilmədilər. Komandalar 4:4 hesablı heç-heçə ilə istirahətə yollandılar. İkinci hissədə ssenarinin təkrarlanmasına imkan verməyən “Marafon” daha çox qol vuraraq oyunun taleyini həll edib. Tura əzəli rəqiblərin dueli ilə yekun vurulub. Oyunda hesabı EKOL açdı. Talebmohammad Arabpour komandasına hesabda üstünlük qazandırdı. 8-ci dəqiqədə Oktay Rüstəmlinin ötürmə səhvindən nominal qonaqlar yararlandı. Topu ələ keçirən Ələkbərov “çərçivə”ni dəqiq nişan aldı. “Neftçi” 11-ci dəqiqədə fərqi minimuma endirdi. Vahib təkbaşına iki oyunçudan sıyrılıb qapı istiqamətində zərbə endirdi. Dirəkdən geri qayıdan topu təkrar zərbə ilə tora qovuşduran Xocayev adını tabloya yazdırdı. 24-cü dəqiqədə Namiq Məmmədkərimov Kənan Manafovun əllə oyuna görə təyin edilmiş penaltini dəqiq yerinə yetirməklə fərqi yenidən 2 topa çatdırdı. Məmmədkərimov sonrakı dəqiqələrdə də rəqib torunu silkələdi. Sona 5 saniyə qalmış “Neftçi” məğlubiyyətdən qaçmağa yaxın olsa da, Orucun zərbəsi dirəyə tuş gəldi. Yekunda EKOL I dövrədəki məğlubiyyətin əvəzini çıxmış oldu.
Yasamal İSK – Araz (0:3) 3:9
11 dekabr. Bakı İdman Sarayı. Saat 12:00
Hakimlər: Rahin Heybətov, Nahid Xasıyev, Elvin Ağayev
Qollar: İlham Allahverdiyev, 21:57, 36:03, Elgün Abbasli, 28:13 // Xətai Bağırov, 01:57, Hadi Rezvan, 06:22, 26:07, İsa Atayev, 15:32, Ramiz Çovdarov, 25:48, Nihat İsmayılov, 29:08, Qurban Qurbanov, 29:30, Hadi Ahmadi, 34:37, Murilo Borges Souza, 38:34
Sarı vərəqələr: İlham Allahverdiyev, 12:46, Vüsal Səfərov, 32:10 // Nihat İsmayılov, 30:08, Ramiz Çovdarov, 33:40
Qırmızı vərəqələr: Namaz İsmayılov, 34:09 // Ramiz Çovdarov, 36:43 (ikinci sarı)
Baku Fire – Premier (Quba) (3:1) 5:4
11 dekabr. Bakı İdman Sarayı. Saat 14:00
Hakimlər: Əli Cəbrayılov, Ceyhun Hüseynov, Fuad Həsənov
Qollar: Renat Sultanov , 07:56, 17:40, Reza Tolouei, 14:34, Yamin Ağakərimzadə, 37:15, İbrahim Zeynalov, 38:44 // Sərxan Ağayev, 04:52, 31:07, Sabir Əlişan, 27:03, Firudin Ağalarov, 32:48
Sarı vərəqələr: Renat Sultanov, 11:48, Yamin Ağakərimzadə, 11:48
Bakı TFK – Xızı Futzal (3:3) 8:5
11 dekabr. Bakı İdman Sarayı. Saat 16:00
Hakimlər: Ramil Namazov, Mahir Məmmədov, Vaqif Musayev
Qollar: Elvin Adışırinli, 01:42, Fərid Səmədzadə, 07:56, 24:47, 26:38, Vüsal Buludov, 11:46 , 25:23, 36:52, 37:28 // Elnur Soltanlı, 07:34, 10:59, Xəyal Quliyev, 12:46, Qərib İbrahimov, 29:39, Aydın Qasımov, 37:37
Sarı vərəqələr: Elvin Adışırinli, 08:32, Zaur Fərziyev, 21:32, Taleh Ağayev, 37:35 // Mortoza Cahandost, 18:56, Qərib İbrahimov, 19:49, Aydın Qasımov, 23:26, Xəyal Quliyev, 26:38
Qırmızı vərəqələr: Elvin Adışırinli, 10:58 (İkinci sarı) // Cəlaləddin Tağıyev, 28:38
Record club – Marafon (4:4) 5:9
11 dekabr. Bakı İdman Sarayı. Saat 18:00
Hakimlər:Hikmət Qafarlı, Mehman Mahmudov, Elman Musayev
Qollar: Asif Zeynalov, 05:19 (ö/q), Vahid Ansari, 06:56, Amir Ashtiyani, 08:52, 34:13, Seyed Mostafaparidar, 12:22 // Tofiq Mikayılov, 03:20, 15:47, 23:11, Asif Zeynalov, 04:19, 32:07, Elşən İbrahimxəlilov, 18:03, İlkin Hacıyev, 26:31, Vitali Borisov, 30:07, 37:03
Sarı vərəqə: Sayedahmad Yaghoubihashjin, 22:51
EKOL – Neftçi İK (2:1) 5:4
11 dekabr. Bakı İdman Sarayı. Saat 20:00
Hakimlər: Anar Fərəcov, Azər Əsgərov, Vüsal Balaşov
Qollar: Talebmohammad Arabpour, 05:41, Fərid Ələkbərov, 07:30, Namiq Məmmədkərimov, 23:21 (pen.), 28:28, Radik Əhmədov, 29:47 // Vahib Xocayev, 10:09, Adil İsmayılov, 27:12, Tural İsmayılov, 33:12, Rüfət Balakişiyev, 35:45 (pen.)
Sarı vərəqələr: Fərid Ələkbərov, 02:47, Namiq Məmmədkərimov, 26:22 // Oruc Baxşəlizadə, 11:32, Adil İsmayılov, 30:37, Emil Həsənzadə, 33:50
