Bu gün Yüksək Liqada XIII turun oyunları keçirilib. Turun ilk matçında lider böyükhesablı qələbə qazanıb. Oyunun 13-cü dəqiqəsində Rövşən Hüseynli sonuncu ümid fouluna görə birbaşa qırmızı vərəqə alaraq meydanı erkən tərk etdi. Baş məşqçi Joze Alesio da Silvanın komandanın yanında olmaması “Araz”ın oyununa mənfi təsir göstərmişdi desək, yanılmarıq. Bunda rəqibin turnir cədvəlinin aşağı pillələrində yer almasının da təsiri vardı. Yeri gəlmişkən, “Araz” hesabda öndə olsa da, sarı vərəqələri də passivinə yazdırmaqdan çəkinmirdi. Xətai Bağırov isə bombardirlə fərqi bir qədər də azaltdı. Günün ikinci oyunu gərgin mübarizə şəraitində keçdi. Hesab “Neftçi” açsa da, nominal qonaqlar ardıcıl iki qol vurmaqla vəziyyəti xeyrinə dəyişdi. Ancaq kapitan fasiləyə komandasının üstün yollanmasını təmin edə bildi. İkinci hissədə isə ilk qolu “Record club”dan Ashtiyani vurdu. Sina Jamali isə baxımlı qol vurmaqla komandasını yenidən hesabda önə keçirdi. Əvənəvi problem sona yaxın yenə özünü göstərdi. Tədricən yorulan “Record club” Kənan Manafovun dubl etməsinə mane ola bilmədi və yekunda məğlub oldu. Premier (Quba) – Bakı TFK dueli də gərginliyi ilə yadda qaldı. Əvvəlcə “Bakı” hesabda 3 top fərqi ilə üstünlük yaratdı. Daha sonra “Premier” status-kvonu bərpa etdi, ardınca hesabı xeyrinə dəyişdi. Di gəl, sona yaxın hesab yenidən bərabərləşdi. Bu dəfə “tələbələr” məğlubiyyətdən qaçan tərəf oldu. Yekunda görüş heç-heçə başa çatdı. “Marafon” – “Baku Fire” dueli 4 gün əvvəl də baş tutmuşdu. Həmin matçda qələbə qazanan “Marafon” seriyanı bu dueldə də davam etdirdi. EKOL isə tura böyükhesablı qələbə ilə yekun vurdu.
Xızı Futzal – Araz (1:3) 2:10
19 dekabr. Bakı İdman Sarayı. Saat 12:00
Hakimlər: Əli Cəbrayılov, Ceyhun Hüseynov, İsgəndər Əliyev
Qollar: Xəyal Quliyev, 12:53 (pen.) , Elnur Soltanlı , 24:53, Murilo Borges Souza, 39:33 // Hadi Ahmadi, 03:15, 23:26, Xətai Bağırov, 08:23, 08:35, 28:04, 28:58, İsa Atayev, 21:15, 34:31, Amir Shojaei, 25:27
Sarı vərəqələr: Aydın Qasımov, 32:10, Qərib İbrahimov, 38:38 // Amir Shojaei, 12:52, İsa Atayev, 29:31
Qırmızı vərəqə: Rövşən Hüseynli, 12:38
Neftçi İK – Record club (3:2) 6:5
19 dekabr. Bakı İdman Sarayı. Saat 14:00
Hakimlər:Anar Fərəcov, Nail Nağıyev, Fuad Həsənov
Qollar: Tural İsmayılov, 06:53, Rüfət Balakişiyev, 14:57, 18:25, Kənan Manafov, 30:11 , 31:08, Amir Ashtiyani, 31:46 (ö/q) // Amir Ashtiyani, 10:48, 21:37, Vahid Ansari, 13:52, Sina Jamali, 28:15, 29:32
Sarı vərəqələr: Tural İsmayılov, 13:52 // Amir Ashtiyani, 36:40
Premier (Quba) – Bakı TFK (1:2) 5:5
19 dekabr. Bakı İdman Sarayı. Saat 16:00
Hakimlər: Mehman Mahmudov, Xəlil Xəlilov, Elmir Quluzadə
Qollar: Sərxan Ağayev, 17:54 , 27:18, Vüsal Buludov, 32:46 (ö/q), Ağaseyid Qasımov, 34:46, Firudin Ağalarov, 37:46 // Orxan Səfiyaroğlu, 12:37, Fərid Səmədzadə, 18:35, 38:43, Vüsal Buludov, 25:14, Zaur Fərziyev, 26:37
Sarı vərəqələr: Sabir Əlişan, 26:35, Cavad Hacıyev, 38:55 // Fərid Səmədzadə, 35:14
Marafon – Baku Fire (3:1) 8:3
19 dekabr. Bakı İdman Sarayı. Saat 18:00
Hakimlər: Azər Əsgərov, Ziya Nəsirov, Hacıəli Ağayev
Qollar: Seymur Məmmədov, 03:08, Tofiq Mikayılov, 07:03, 21:26, 23:03, İlkin Hacıyev, 17:47, 20:52, Ramin Həsənzadə, 34:45 // Rasif Səfiyarov, 16:22, Renat Sultanov, 25:37, Hamed Khodaei, 29:51
Sarı vərəqələr: Seymur Məmmədov, 30:58, Tofiq Mikayılov, 31:39 // Reza Tolouei, 13:44, Hamed Khodaei, 31:39, Rəvan Abdullayev, 33:08, İbrahim Zeynalov, 39:04
EKOL – Yasamal İSK (5:0) 15:2
19 dekabr. Bakı İdman Sarayı. Saat 20:00
Hakimlər: Ramiz Məhərrəmov, Knyaz Əmiraslanov, Elvin Ağayev
Qollar: Fərid Atakişiyev, 10:11, 14:43, 22:42, 28:50, 32:49, Faiq Əliyev, 15:33, Radik Əhmədov, 18:56, 30:17, 32:14, Namiq Məmmədkərimov, 19:53, 33:31, 34:09, Əsgər Abasov, 25:38, 36:35, Samir Həməzyev, 26:14 // İlham Allahverdiyev, 21:49, Əlimirzə Daşzərəni, 33:49
Sarı vərəqələr: Kamran Nəcəfzadə, 11:02, Elgün Abbaslı, 11:02, Vüsal Səfərov, 29:08, İbad Məmmədov, 34:28
