Bu gün “Olimpik Star”da keçirilən 5 oyunla Birinci Liqada XX tura yekun vuruldu. Günün ilk oyununda hesabı “Ulduz” açsa da, bu onların qarşılaşmada vurduğu yeganə qol oldu. Əvəzində “Red Line” ardıcıl 5 qol vurmaqla qələbə qazandı. “Zəngilan” isə Elçin Mustafayevin məhsuldarlığı sayəsində xal ehtiyatını artırdı. U-19 – “Xızı Yasamal” oyunu kifayət qədər gərgin keçdi. Tərəflərdən hərəyə bir oyunçu qırmızı vərəqə alaraq meydanı erkən tərk etdi. Fasiləyə 2 top üstünlüyü ilə yollanan U-19 ikinci hissədə fərqin minimuma enməsinə mane ola bilmədi. ADBTİA da qələbəni çətinliklə qazandı. Oyunda ilk və sonuncu qolu rəqib vursa da, “idmançılar” 3 xalı qazandıran hesabı təmin etdi. Ad dəyişikliyindən sonra liqada ilk oyununu keçirən “Arenda.az” haqda isə xoş sözlər qeyd etmək olar. Tura isə “Baku Fans”ın inamlı qələbəsi ilə yekun vuruldu. Amma “Zirvə Bakı”nın da asan təslim olmadığını qeyd edək.

Red Line – Ulduz 5:1

Zəngilan – Veqa 14:1

U-19 – Xızı Yasamal 5:4

ADBTİA – Arenda.az 4:2

Baku Fans – Zirvə Bakı 11:3