Sabah Yüksək Liqada 2021-2022-ci il mövsümünə start veriləcək. Bu dəfə 8 komanda qalib adı uğrunda mübarizə aparacaq. İndiyə qədər “Araz-Naxçıvan” 15 dəfə hamıdan güclü olub. Ötən mövsüm isə çempionat keçirilməyib və İcraiyyə Komitəsinin qərarı ilə bir il əvvəlki çempion – “Araz-Naxçıvan” UEFA Çempionlar Liqasında iştirak edir. Naxçıvan təmsilçisindən sonra iki komanda 3 dəfə ölkə çempionu titulunu qazanıb. Söhbət “Avtomobilçi” və “Turan AİR”dən gedir. İlk çempion isə “Nicat” olub. “Araz-Naxçıvan” ardıcıl 10 dəfə çempion olduqdan sonra seriyanı “Khazar Islands” qırıb.

Bu, sayca 28-ci ölkə çempionatıdı. İlk çempionat 1993-cü ildə keçirilib. Bəzi mənbələrdə mövsümün 1993/94-cu illərdə keçirildiyi qeyd edilir. Ancaq fakt odur ki, ilk çempionat 1993-cü ilin payızında keçirilib. İndiyə qədər keçirilmiş çempionatların qaliblərini diqqətinizə çatdırırıq: 

MÖVSÜM  ÇEMPİON

1993           “Nicat”  (Bakı)

1994/95      “Azadə”

1995/96      “Avtomobilçi”

1996/97      “Avtomobilçi”

1997/98      “Avtomobilçi”

1998/99      “Azərneftyanacağ”

1999/00      “Azərneftyanacağ”

2000/01      “Turan AIR”

2001/02      “Turan AIR”

2002/03      “Tribut”

2003/04      “Turan AIR”

2004/05      “Araz-Naxçıvan”

2005/06      “Araz-Naxçıvan”

2006/07      “Araz-Naxçıvan”

2007/08      “Araz-Naxçıvan”

2008/09      “Araz-Naxçıvan”

2009/10      “Araz-Naxçıvan”

2010/11      “Araz-Naxçıvan”

2011/12      “Araz-Naxçıvan”

2012/13      “Araz-Naxçıvan”

2013/14      “Araz-Naxçıvan”

2014/15      “Khazar Islands”

2015/16      “Araz-Naxçıvan”

2016/17      “Araz-Naxçıvan”

2017/18      “Araz-Naxçıvan”

2018/19      “Araz-Naxçıvan”

2019/20      “Araz-Naxçıvan”

2020/21      Çempionat keçirilməyib. İcraiyyə Komitəsinin qərarına əsasən, “Araz-Naxçıvan” ölkəmizi UEFA Çempionlar Liqasında təmsil edir.