Bu gün Yüksək Liqada II turun oyunları keçirildi. “Olimpik Star”da turun ilk qolunu Aqşin Muxtaroğlu Paşayev vurdu. Futzalçı 6 dəqiqə sonra dubl etməklə komandasının üstünlüyünü 2 topa çatdırdı. Amma daha təcrübəli oyunçulardan qurulan və tədricən toparlanan “Baku Fire” fərqi minimum endirdi. Elvin Quliyev rəqib qapıçının Renat Sultanova qarşı kobud oyununa görə təyin olunmuş penaltini dəqiq yerinə yetirdi. Ancaq Aqşin də cərimə zərbəsindən “çərçivə”ni nişan almaqla komandasının və özünün 3-cü qolunu vurdu. Debütantın “sürpriz”i ilə barışmayan “Baku Fire” əvvəlcə Renatla, sonra isə Elvində rəqib torunu silkələdi və hesaba tarazlıq gətirdi. Bərabərliyi fasiləyə 1 dəqiqə qalmış Tofiq Əliyev pozdu. İkinci hissədə ssenari tərsinə cərəyan etdi. Renat dublnu rəsmiləşdirməklə hesabı yenidən bərabərləşdirdi. 30-cu dəqiqədə İbrahim ikinci sarı-qırmızı vərəqə almaqla komandasını azlıqda qoydu. “Baku Fire” oyunda ilk dəfə 33-cü dəqiqədə hesabda önə keçdi. Elvin Quliyevin penalti zərbəsini qapıçı geri qaytarsa da, təcrübəli futzalçı bu dəfə şansını qaçırmadı. Üstünlüyünü sona qədər davam etdirən “Baku Fire” maksimum xalla meydanı tərk etdi. Debütant “Xilə” məğlubiyyətə baxmayaraq, nümayiş etdirdiyi oyuna görə rəğbət qazandı. Turun mərkəzi oyununda “Araz-Naxçıvan”la “Neftçi” qarşılaşdı. Ramiz Çovdarov zədəli, Felipinyo isə cəzalı olduğuna görə heyətdə yer almırdı. Birinci hissə gözləniləndən də gərgin keçdi. Fasiləyə qədər Xətainin dublu son çempiona üstünlük qazandırdı. Halbuki 19-cu dəqiqədə nominal qonaqlar fərqi minimuma endirə bilərdi. Rüfət Balakişiyevin 10 metrlikdən vurduğu cərimə zərbəsini Hüseynli kornerə çıxarmaqla buna imkan vermədi. Fasilədən sonra “Neftçi” istəyinə çatdı. İlkin Hacıyev zərbəsindən sonra top uzaq dirəyə dəyib tora daxil oldu. Epizodların birində Xətai Bağırov het-trik etməyə yaxın oldu, amma top qapı tirinə dəydi. 29-cu dəqiqədə isə “Araz-Naxçıvan” meydanda azlıqda qaldı. Amir Şojaei ikinci sarı-qırmızı vərəqə aldığına görə meydandan qovuldu. “Neftçi” bu üstünlükdən istifadə edə bilmədi. Kənan Manafov şansını qaçırdı, ancaq İsa Atayev ustalıq səviyyəsini ortaya qoyaraq rəqibi növbəti dəfə meydanın mərkəzinə dəvət etdi. Bir dəqiqə sonra Atayev fərqi 3-ə çatdırdı. 37-ci dəqiqədə Maneka təkbətək epizodda topu dirəyin yanından kənara göndərdi. Beləliklə turun mərkəzi oyununda qələbəni son çempion qazandı. Növbəti oyunda “Record club.az” hesabı standart vəziyyətdən açdı. İkinci dəfə fərqlənmək üçün isə cəmi 16 saniyə kifayət etdi. Qonaqlar fasiləyə qədər daha bir qol vurmağa imkan tapdı. İkinci hissədə də daha 3 qol vuran “Record club.az” mövsümdə ilk qələbəsini qazanıb. Turun son oyununda duelin favoriti aşkar idi. Heyətində millinin hazırkı və keçmiş üzvləri olan EKOL yeniyetmələri sınağa çəkdi. Fasiləyə qədər 5:1 hesabı ilə qələbə qazanan “yaşıllar” ikinci hissədə də üstünlüyünü davam etdirib. Milli komanda Yüksək Liqada debüt etməsinə baxmayaraq, müqavimət göstərdi. Amma təcrübə hər addımda sözünü deyirdi və bu yükun nəticədə də əksini tapdı.

EKOL – U-19 (5:1) 8:3

8 oktyabr. Olimpik Star. Saat 18:00

Hakimlər: Ziya Nəsirov, Əli Cəbrayılov, Rza Məmmədov

Hakim-inspektor: Azad Hüseynov

Time keeper: Rəmzi Hüseynov

Qollar: Samir Həmzəyev, 03:25, 31:36, Tofiq Mikayılov, 04:42, 06:25, Mehdi Rəsulov, 14:59, Əsgər Abasov, 15:23, Faiq Əliyev, 22:19, Fərid Ələkbərov, 37:52 // Fuad Məmmədzadə, 12:29, Məhəmməd Abbasov, 28:26, Nurlan Məmmədov, 32:47

Sarı vərəqələr: Ağatahir Əzimov (baş məşqçi, hakimə etiraz etdiyinə görə), 17:38, Fuad Məmmədzadə, 19:19 (hakimə etiraz etdiyinə görə)

EKOL

1. İntiqam Babayev (q), 10. Samir Həmzəyev, 12. Namiq Məmmədkərimov (k), 44. Fərid Atakişiyev, 17. Fərid Ələkbərov, 99. Emin Kürdov (q), 2. Radik Əhmədov, 9. Əsgər Abasov, 7. Faiq Əliyev, 33. Ələsgər Ələsgərli, 20. Tofiq Mikayılov, 8. Mehdi Rəsulov

Məşqçi: Radik Əhmədov

U-19

12. Zaur Sultanov (q), 15. Əli Mahmudov, 5. Nurlan Məmmədov, 7. Xəzər Ağalızadə, 13. Fuad Məmmədzadə (k), 4. Nazim Rəhimov (q), 3. Fariz Mehrəliyev, 14. Mirzə Əmirov, 6. Ridan Babayev, 8. Qadir Abdullazadə, 9. Şahmar Cəfərli, 10. Şaiq Vəlizadə, 2. Məhəmməd Abbasov, 19. Fuad Qədirov

Baş məşqçi: Ağatahir Əzimov

Alyans – Record club.az (0:3) 0:6

8 oktyabr. Olimpik Star. Saat 16:00

Hakimlər: Xəlil Xəlilov, Hikmət Qafarlı, Etibar Həsənov

Hakim-inspektor: Mehman Mahmudov 

Time keeper: Rəmzi Hüseynov

Qollar: Alireza Bohlouli, 13:08, 38:44, Mehrdad Sadeghi, 13:24, Matin Qahremani, 15:24, Hasan Ali Jafari, 33:45, Mohsen Babaei, 39:34

Sarı vərəqələr: Tofiq Məlikov, 05:15 (qeyri-idman hərəkəti) // Hasan Ali Jafari, 20:50 (qeyri-idman hərəkəti)

Alyans

1. Namaz İsmayılov (q), 2. Anar İsayev (k), 9. Oktay Rüstəmli, 11. Rüstəm Bağırzadə, 8. Tofiq Məlikov, 12. Kənan Qasımzadə (q), 7. Nurlan Fərəcli, 4. Salar Molazadeh, 10. Ümüd Hüseynov, 13. Nihad Əhmədov, 14. Araz Fathi Yousefabad

Baş məşqçi: Esmael Vakilighazijahani

Record club.az

22. Mehran Şarifian (q), 2. Mehrdad Sadeghi (k), 21. Alireza Bohlouli, 10. Mohsen Babaei, 11. Hasan Ali Jafari, 6. Xəyal Xələfov (q), 17. Azər Nəsirov, 5. Natiq Kərimov, 8. Alireza Ebrahimvarmaleh, 7. Matin Qahremani

Baş məşqçi: Ebrahimi Masoudiadijani

Araz-Naxçıvan – Neftçi İK (2:0) 4:1

8 oktyabr. Olimpik Star. Saat 14:00

Hakimlər: Əli Cəbrayılov, Ziya Nəsirov, Rza Məmmədov

Hakim-inspektor: Elçin Səmədli

Time keeper: Rəmzi Hüseynov

Qollar: Xətai Bağırov, 11:53, 18:13, İsa Atayev, 31:03, 32:24 // İlkin Hacıyev, 22:16

Sarı vərəqələr: Hadi Ahmadi, 10:57 (hakimin qərarına etiraz), Xətai Bağırov, 18:18 (hakimin qərarına etiraz), Amir Şojaei, 19:20 (hakimin qərarına etiraz), Rövşən Hüseynli 28:03 (hakimin qərarına etiraz) // Vahib Xocayev, 30:57 (Qeyri-idman hərəkəti)

Qırmızı vərəqə: Amir Şojaei, 28:21 (ikinci sarı vərəqə - qeyri-idman hərəkəti)

Araz-Naxçıvan

12. Rövşən Hüseynli (q), 11. Xətai Bağırov, 13. Amir Şojaei, 15. Hadi Ahmadi, 17. İsa Atayev, 1. Azər Fərmanov (q), 3. İsaq Surğalı, 5. Borges Souza Murilo, 8. Rizvan Fərzəliyev (k), 9. Maneka, 18. Nurlan Mehdizadə

Baş məşqçi: Joze Alesio Da Silva

“Neftçi” İK

12. Cavad Məmmədov (q), 3. Kənan Manafov, 4. Oruc Baxşəlizadə, 8. Vahib Xocayev, 7. İlkin Hacıyev, 1. Elnur Zamanov (q), 10. Rüfət Balakişiyev (k), 5. Elçin Zeynalov, 14. İlqar Nuruşov, 6. Akif Babayev, 11. Adil İsmayılov, 9. Məhəmməd Bədəlbəyli, 13. Əjdər Əjdərov

Baş məşqçi: İlqar Aslanov

Baku-Fire – Xilə (3:4) 7:5

8 oktyabr. Olimpik Star. Saat 12:00

Hakimlər: Hikmət Qafarlı, Xəlil Xəlilov, Etibar Həsənov

Hakim-inspektor: Azər Əsgərov

Time keeper: Rəmzi Hüseynov

Qollar:  Elvin Quliyev, 11:12 (pen.), 14:47, 32:49, Renat Sultanov, 13:44, 24:05, Nihad İsmayılov, 31:31, 37:46 // Aqşin Muxtaroğlu Paşayev, 03:28,  09:02, 13:26, Tofiq Əliyev, 18:55, Fərid Səmədzadə, 30:46

Sarı vərəqələr: Renat Sultanov, 03:43 (hakimə etiraz), İbrahim Zeynalov, 13:24 (qeyri-idman hərəkəti)

Qırmızı vərəqə: İbrahim Zeynalov, 30:31 (hakimə etiraz, ikinci sarı vərəqə)

Baku Fire

12. Kamran Hacıyev (q), 4. Elvin Quliyev, 8. Renat Sultanov, 10. Nihad İsmayılov, 14. Elşən İbrahimxəlilov, 1. Zaliş Səmədzadə (q, k), 5. İbrahim Zeynalov, 11. Rasif Səfiyarov, 17. Amil Əlimirzəyev, 18. Hüseyn Qarayev, 22. Elgün Rzayev

Baş məşqçi: Teymur Eyvazov

Xilə

72. İmran Məhərrəmov (q), 8. Aqşin Muxtaroğlu Paşayev, 10. Fərid Səmədzadə, 17. Tural Lətifov (k), 7. Tofiq Əliyev, 1. Fərid Mikayılov (q), 94. Emin Abbasov, 15. Nahid Zülfüqarov, 6. Sabir Hacıəliyev, 18. Ayxan Abbasquliyev, 98. Rəsul İbrahimov, 11. Kənan Bədəlov, 77. Səxavət Pirmuradov, 9. Elvin Adışirinli.

Məşqçi: Tural Lətifov