Bu gün Yüksək Liqanın IV turunun oyunları keçirildi. Ilk matça nominal meydan sahibləri ciddi itkilərlə çıxmışdı. Belə ki, “Record club.az”ın iranlı legionerlərindən beşi bu dueldə istirak etmirdi. “Neftçi”də də itkilər var idi. Elnur Zamanov və Rüfət Balakişiyev komandasına kömək edə bilmirdi. Oyunda hesabı nominal qonaqlar açdı. 10-cu dəqiqədə Oruc cərimə zərbəsindən topu birbaşa qapıya istiqamətləndirməklə hesabdakı tarazlığı komandasının xeyrinə dəyişdi. Buna qədər ciddi itkilərə rəğmən meydan sahibləri pis təsir bağışlamırdı. Fasiləyə qədər “Neftçi” daha 3 qol vurduğu halda, “Record club.az” cəmi 1 dəfə rəqib qapısına yol tapdı. İkinci hissəyə meydan sahibləri qolla başladı. Jafari fərqi 2 topa endirdi. Adilin qoluna cavab yenə Jafaridən gəldi. Bu, həm də oyunda vurulan son qol oldu. Turun ikinci oyununda hesab erkən açıldı. 25-ci saniyədə Lənkəran təmsilçisi millinin qapıçısını məyus etdi. 6-cı dəqiqədə Məhəmməd Abbasov çətin olanı etdi – topu auta vurdu. Ondan fərqli təcrübəli Oqtay Rüstəmli çətin vəziyyətdə olmasına rəğmən, fərqi 2 topa çatdırmağı bacardı. 10-cu dəqiqədə Xəzər Ağalızadənin penalti zərbəsini İsmayılov qaytarmaqla hesabın dəyişməsinə imkan vermədi. Ağalızadə 1 dəqiqə sonra “günah”ını yudu və İsmayılovu topu tordan çıxarmağa məcbur etdi. Ardıcıl hücumlar quran “milli”dən Nurlanın qolu isə status-kvonu bərpa etdi və komandalar fasiləyə bu hesabla yollandı. İkinci hissə qarşılıqlı qollarla başladı. Fuad Məmmədzadə ilk dəfə komandasını oyun ərzində hesabda önə keçirsə də, Tofiq dərhal bərabərlik qolunu vurdu. 36-cı dəqiqədə isə əyalət təmsilçisi İlham Allahverdiyevin zərbəsi sayəsində hesabda önə keçdi. Növbəti qol isə Tofiq Məlikovdan gəldi. Xəzərin dublu sayəsində 1 xal qazanmağa yaxın olan U-19 sona 10 saniyə qalmış Rüstəmlinin qələbə topunu vurmağına mane ola bilmədi. Nəticədə Yüksək Liqanın debütantı olan Lənkəran təmsilçisi mövsümdə ilk qələbəsini qazandı. Turun mərkəzi oyununa komandalar tam heyətlə çıxmışdılar. Legionersiz keçirilən matçda hesabı Samir Həmzəyev açdı. “10 nömrə” cinahdan keçidini uzaq küncə “sancmaq”la yekunlaşdırdı. Ələkbərov isə fərqi iki topa çatdırdı. Fasiləyə qədər daha 2 qol vuran lider ikinci hissədə fərqi artırmağı bacardı. Ələkbərov bu oyunun bombardiri oldu. Debütantla son çempionun qarşılaşması sürprizlə əlamətdar oldu. 7-ci dəqiqədə cərimə zərbəsini birbaşa qapıya yönləndirən Fərid Səmədzadə komandasını hesabda önə keçirdi. Yeri gəlmişkən, Rizvan Fərzəliyev və Ramiz Çovdarov zədəli olduğuna görə oyunda iştirak etmirdi. 12-ci dəqiqədə Alesionun yetirmələri meydanda azlıqda qaldı. Bu dəfə İsa Atayev perspektivli hücumun qarşısını kəsdiyinə görə ikinci sarı-qırmızı vərəqə alaraq meydanı erkən tərk etdi. Azlıqda qalan “Xilə”nin fərqi artıracağı gözlənilirdisə, hadisələr əksinə cərəyan etdi. Üç meydan oyunçusu ilə meydan sahiblərindən əvvəlcə David bərabərlik qolunu vurdu, sonra Felipinyo hesabı komandasının xeyrinə dəyişdi. Brailiyalılar fasiləyə qədər daha 2 top vurmaqla istirahətə 3 top fərqi ilə yollandı. Onu da qeyd edək ki, İsaq Surğalı birinci hissədə zədələndi və oyunu davam etdirə bilmədi. Beləliklə “Araz-Naxçıvan” Çempionlar Liqasına major notlarla yollanır.

Araz-Naxçıvan – Xilə (4:1) 9:1

22 oktyabr. Olimpik Star. Saat 18:15

Hakimlər: Hikmət Qafarlı, Xəlil Xəlilov, Hüseyn Əsgərov

Hakim-inspektor: Azad Hüseynov

Timekeeper: Rəmzi Hüseynov

Qollar: David Qustavo, 13:45, Felipinyo, 13:55, 18:25, 21:29,  Maneka, 16:03, 39:15, Xətai Bağırov, 28:23, Nurlan Mehdizadə, 34:31, 38:04 // Fərid Səmədzadə, 6:38

Sarı vərəqələr: İsa Atayev, 3:29 (Qeyri-idman hərəkəti), Felipinyo, 15:13 (Qeyri-idman hərəkəti), Amir Şocaei, 26:35 (Qeyri-idman hərəkəti) // İmran Məhərrəmov, 13:42 (Qeyri-idman hərəkəti), Tofiq Əliyev 13:42 (Qeyri-idman hərəkəti), Elvin Adışirinli, 22:37 (Qeyri-idman hərəkəti), Rəsul İbrahimov, 39:29 (Qeyri-idman hərəkəti),

Qırmızı vərəqələr: İsa Atayev, 11:54 (ikinci sarı, qeyri-idman hərəkəti) // Sabir Hacıəliyev 39:29 (Rəqibi təhqir etdiyinə görə)

Araz-Naxçıvan

12. Rövşən Hüseynli (q, k), 13. Amir Şocaei, 15. Hadi Ahmadi, 17. İsa Atayev, 3. İsaq Surğalı, 5. Borges Souza Murilo, 6. David Qustavo, 9. Maneka, 10. Felipinyo, 11. Xətai Bağırov, 18. Nurlan Mehdizadə

Baş məşqçi: Joze Alesio Da Silva

Xilə

72. İmran Məhərrəmov (q), 8. Aqşin Muxtaroğlu Paşayev, 10. Fərid Səmədzadə, 17. Tural Lətifov (k), 7. Tofiq Əliyev, 1. Fərid Mikayılov (q), 94. Emin Abbasov, 15. Nahid Zülfüqarov, 6. Sabir Hacıəliyev, 98. Rəsul İbrahimov, 11. Kənan Bədəlov, 9. Elvin Adışirinli

Məşqçi: Tural Lətifov

Baku Fire – EKOL (0:4)  1:8

22 oktyabr. Olimpik Star. Saat 16:15

Hakimlər: Nail Nağıyev, Ziya Nəsirov, Əli Cəbrayılov

Hakim-inspektor: Mehman Mahmudov

Timekeeper: Rəmzi Hüseynov

Qollar: Renat Sultanov, 37:20 // Samir Həmzəyev, 8:05, Fərid Ələkbərov, 10:39, 19:59, 28:32, Fərid Atakişiyev, 18:31, Namiq Məmmədkərimov, 24:48, 35:26, Əsgər Abasov, 29:54

Sarı vərəqələr: Elşən İbrahimxəlilov, 6:21 (Qeyri-idman hərəkəti), Nihad İsmayılov, 13:33 (Qeyri-idman hərəkəti), Renat Sultanov, 34:25 (Qeyri-idman hərəkəti)  // Faiq Əliyev, 6:56 (Qeyri-idman hərəkəti) Tofiq Mikayılov, 37:18 (Qeyri-idman hərəkəti)

Baku Fire

12. Kamran Hacıyev (q), 4. Elvin Quliyev, 8. Renat Sultanov (k), 10. Nihad İsmayılov, 11. Rasif Səfiyarov, 1. Zaliş Səmədzadə (q), 5. İbrahim Zeynalov, 9. Murad Quluzadə, 14. Elşən İbrahimxəlilov, 18. Hüseyn Qarayev

Baş məşqçi: Teymur Eyvazov

EKOL

99. Emin Kürdov (q), 11. Namiq Məmmədkərimov (k), 44. Fərid Atakişiyev, 17. Fərid Ələkbərov, 20. Tofiq Mikayılov, 1. İntiqam Babayev (q), 2. Radik Əhmədov, 9. Əsgər Abasov, 10. Samir Həmzəyev, 7. Faiq Əliyev, 8. Mehdi Rəsulov, 33. Ələsgər Ələsgərli

Məşqçi: Radik Əhmədov

Alyans (Lənkəran) – U-19 (2:2) 6:5

22 oktyabr. Olimpik Star. Saat 14:15

Hakimlər: Etibar Həsənov, Mahir Məmmədov, Vüsal Balaşov

Hakim-inspektor: Füzuli Nəcəfov

Timekeeper: Rəmzi Hüseynov

Qollar: Saeid Azimi, 0:25, Oktay Rüstəmli, 7:08, 39:50, Tofiq Məlikov, 22:00, 38:14, İlham Allahverdiyev, 35:53  // Xəzər Ağalızadə, 10:26, 38:48, 39:44, Nurlan Məmmədov, 16:55, Fuad Məmmədzadə, 21:32

Sarı vərəqələr: Nurlan Fərəcli, 16:50 (Qeyri-idman hərəkəti), Tofiq Məlikov, 39:48 (Qeyri-idman hərəkəti) // Əli Mahmudov, 1:51 (Qeyri-idman hərəkəti), Nazim Rəhimov, 5:18 (Qeyri-idman hərəkəti), Ridan Babayev, 16:15 (Qeyri-idman hərəkəti), Ağatahir Əzimov, 20:00 (Baş məşqçi, hakimin qərarına etiraz), Fuad Məmmədzadə, 28:35 (Qeyri-idman hərəkəti), Xəzər Ağalızadə, 37:46 (Hakimin qərarına etiraz), Nurlan Məmmədov, 37:46 (Hakimin qərarına etiraz)

Qırmızı vərəqə: Ağatahir Əzimov, 20:00 (ikinci sarı, Hakimin qərarına etiraz)

Alyans (Lənkəran)

1. Namaz İsmayılov (q), 9. Oktay Rüstəmli, 7. Nurlan Fərəcli, 6. Tofiq Məlikov, 18. Saeid Azimi, 12. Kənan Qasımzadə, 13. Anar İsayev (k), 4. Sajjad Amirteimour, 15. Salar Molazadeh, 16. Nihad Əhmədov, 77. Ümüd Hüseynov, 11. İlham Allahverdiyev

Baş məşqçi: Esmael Vakilighazijahani

U-19

1. Fuad Qədirov (q), 5. Nurlan Məmmədov, 14. Əli Mahmudov, 7. Xəzər Ağalızadə, 13. Fuad Məmmədzadə (k), 12. Zaur Sultanov (q), 11. Məhəmməd Abbasov, 8. Asiman Yusubov, 9. Şahmar Cəfərli, 10. Şaiq Vəlizadə, 2. Mirzə Əmirov, 4. Nazim Rəhimov, 3. Qadir Abdullazadə, 6. Ridan Babayev

Baş məşqçi: Ağatahir Əzimov

Record club.az – Neftçi İK İB (1:4)  3:5

22 oktyabr. Olimpik Star. Saat 12:00

Hakimlər: Əli Cəbrayılov, Hikmət Qafarlı, Nail Nağıyev

Hakim-inspektor: Azər Əsgərov

Timekeeper: Rəmzi Hüseynov

Qollar: Matin Qahremani, 19:31, Hasan Ali Jafari, 20:13, 35:22 (pen) // Oruc Baxşəlizadə, 09:03, Kənan Manafov, 12:42, 19:02, Adil İsmayılov, 19:51, 31:09

Sarı vərəqələr: Xəyal Xələfov, 19:50 (Qeyri-idman hərəkəti) // İlkin Hacıyev, 24:02 (Qeyri-idman hərəkəti)

Record club.az

1. Kamran Quliyev (q), 7. Matin Qahremani (k), 17. Azər Nəsirov, 11. Hasan Ali Jafari, 6. Xəyal Xələfov, 5. Natiq Kərimov, 66. Cahangir Həsənov

Komandanın rəsmisi: Elvin Ələsgərov

“Neftçi” İK

12. Cavad Məmmədov (q), 3. Kənan Manafov, 4. Oruc Baxşəlizadə, 7. İlkin Hacıyev, 13. Əjdər Əjdərov (k), 5. Elçin Zeynalov, 8. Vahib Xocayev, 9. Məhəmməd Bədəlbəyli, 11. Adil İsmayılov, 14. İlqar Nuruşov

Baş məşqçi: İlqar Aslanov