Bu gün Yüksək Liqada VI turun oyunları keçirilib. Turun açılış oyunu heç-heçə başa çatıb. Elçin Zeynalov cəzalı olduğuna görə meydana çıxmayıb. Təcrübəli futzalçılardan qurulmuş “Neftçi” hesabda iki dəfə önə keçsə də, U-19 status-kvonu bərpa etməyi bacarıb. Ötən matçda “Record club.az”la matçda ilk qələbəsini qazanan yeniyetmələr bu dəfə “sülh”ə nail olub. Mərkəzi oyunda “Araz-Naxçıvan”la “Baku Fire” münasibətlərinə aydınlıq gətirib. CBC Sport kanalı vasitəsilə canlı yayımlanan oyuna nominal qonaqlar üstün başlayıb. İsa Atayevin cəzalı olduğu görüşün 4-cü dəqiqəsində Manekanın zərbəsi dirəyə dəyib. Ancaq David 11-ci dəqiqədə hesabdakı tarazlığı pozub. Braziliyalı müdafiəçi növbəti dəfə 19-cu dəqiqədə toru silkələyib. Cəmi 20 saniyə sonra Maneka fərqi 3 topa çatdırıb. İkinci hissədə sükutu Hadi Ahmadi pozub. Onun sol cinahdan zərbəsi qapıçı üçün qarşısıalınmaz olub. “Baku Fire” bundan sonra ardıcıl iki epizoddan yararlana bilməyib. Əvvəlcə Renatın zərbəsini Rövşən geri qaytarıb. Daha sonra kapitanın ötürməsini Zeynalov dəqiq tamamlaya bilməyib. Zeynalov 29-cu dəqiqədə birbaşa qırmızı vərəqə alaraq meydanı erkən tərk edib. Rəqibin azlıqda qaldığı 2 dəqiqə ərzində “Araz-Naxıvan” qol vura bilməyib. 32-ci dəqiqədə isə Hüseynli Elvin Quliyevin penalti zərbəsini dəf edib. Oyunda son qolu Çovdarov vurub və “Araz-Naxçıvan” böyükhesablı qələbə qazanıb. EKOL-la əyalət təmsilçisinin duelində isə lider fərqli qələbə qazanıb. Fasiləyə qədər 6 cavabsız top vuran “ağ-yaşıllar” ikinci hissədə fərqi daha da artırıb. Bombardirlik yarışını davam etdirən Namiq Məmmədkərimov aktivindəki topların sayını 11-ə çatdırıb. Turun son oyunu “come-back”la yadda qaldı. “Xilə” ardıcıl iki qol vurmaqla hesabda öndə olsa da, tədricən toparlanan “Record club.az” fasiləyə qədər artıqlaması ilə fərqlənib. İkinci hissədə də qolları sıralayan nominal meydan sahibləri xal ehtiyatını zənginləşdirib.

Record club.az – Xilə (3:2) 8:7

5 noyabr. Bakı İdman Sarayı. Saat 18:15

Hakimlər: Ziya Nəsirov, Mahir Məmmədov, Knyaz Əmiraslanov

Hakim-inspektor: Azad Hüseynov

Qollar: Hasan Ali Jafari, 5:42, 28:15, 30:33, Matin Qahremani, 14:36, 24:35, 38:09, Xəyal Xələfli, 19:13, 25:01 // Tofiq Əliyev, 1:26, 23:28, 29:21, 38:48, Tural Lətifov, 3:17, Aqşin Muxtaroğlu Paşayev, 39:15, İmran Məhərrəmov 39:50

Sarı vərəqələr: Xəyal Xələfli, 19:51 (qeyri-idman hərəkəti) // Tural Lətifov, 26:59 (qeyri-idman hərəkəti)

Qırmızı vərəqə: Elvin Adışirinli, 28:37 (rəqibi bilərəkdən vurmaq)

Record club.az

1. Kamran Quliyev (q), 7. Matin Qahremani (k), 11. Hasan Ali Jafari, 6. Xəyal Xələfli, 5. Natiq Kərimov, 66. Cahangir Həsənov, 72. Reza İbrahimi, 22. Hamed Dagestani

Məşqçi: Elvin Ələsgərov

Xilə

72. İmran Məhərrəmov (q), 8. Aqşin Muxtaroğlu Paşayev, 10. Fərid Səmədzadə, 17. Tural Lətifov (k), 7. Tofiq Əliyev, 1. Fərid Mikayılov (q), 94. Emin Abbasov, 18. Ayxan Abbasquliyev, 15. Nahid Zülfüqarov, 98. Rəsul İbrahimov, 11. Kənan Bədəlov, 9. Elvin Adışirinli, 77. Səxavət Pirmuradov

Məşqçi: Tural Lətifov

Alyans (Lənkəran) – EKOL (0:6) 2:14

5 noyabr. Bakı İdman Sarayı. Saat 16:15

Hakimlər: Etibar Həsənov, Əli Cəbrayılov, Hikmət Qafarlı

Hakim-inspektor: Mehman Mahmudov

Qollar: Oktay Rüstəmli, 23:31, 25:03 // Namiq Məmmədkərimov, 1:26, 1:44, 25:15, Fərid Atakişiyev, 3:16, Əsgər Abasov, 4:57, 39:19, Tofiq Mikayılov, 10:00, Fərid Ələkbərov, 17:34, Ələsgər Ələsgərli, 23:09, 38:20, Namaz İsmayılov, 30:21 (ö/q), Mehdi Rəsulov, 35:27, Samir Həmzəyev, 35:55, Əsgər Abasov, 36:08

Sarı vərəqələr: Rüstəm Bağırzadə, 19:02 (qeyri-idman hərəkəti) // Tofiq Mikayılov, 31:05 (qeyri-idman hərəkəti)

Alyans (Lənkəran)

1. Namaz İsmayılov (q), 9. Oktay Rüstəmli, 2. Anar İsayev (k), 15. İlham Allahverdiyev, 8. Tofiq Məlikov, 12. Kənan Qasımzadə (q), 11. Rüstəm Bağırzadə, 4. Salar Molazadeh, 13. Nihad Əhmədov, 18. Seyedhossein Hosseini, 17. Ümüd Hüseynov, 3. Sayyad Amirtemour, 14. Araz Fathi Yousefabad

Baş məşqçi: Esmael Vakilighazijahani

EKOL

99. Emin Kürdov (q), 11. Namiq Məmmədkərimov (k), 44. Fərid Atakişiyev, 17. Fərid Ələkbərov, 20. Tofiq Mikayılov, 1. İntiqam Babayev (q), 2. Radik Əhmədov, 9. Əsgər Abasov, 10. Samir Həmzəyev, 7. Faiq Əliyev, 8. Mehdi Rəsulov, 33. Ələsgər Ələsgərli

Məşqçi: Radik Əhmədov

Baku Fire – Araz-Naxçıvan (0:3) 0:8

5 noyabr. Bakı İdman Sarayı. Saat 14:15

Hakimlər: Knyaz Əmiraslanov, Rza Məmmədov, Hüseyn Əsgərov

Hakim-inspektor: Elçin Səmədli

Qollar: David Qustavo, 10:08, 18:24, 30:39, Maneka, 18:43, Hadi Ahmadi, 23:08, Ramiz Çovdarov, 23:51, 38:38, Nurlan Mehdizadə, 32:12

Sarı vərəqələr: Renat Sultanov, 26:09 (qeyri-idman hərəkəti) // Hadi Ahmadi, 14:41 (qeyri-idman hərəkəti)

Qırmızı vərəqə: İbrahim Zeynalov, 28:24 (rəqibi bilərəkdən vurduğuna görə)

Baku Fire

12. Kamran Hacıyev (q), 4. Elvin Quliyev, 8. Renat Sultanov (k), 10. Nihad İsmayılov, 11. Rasif Səfiyarov, 5. İbrahim Zeynalov, 9. Murad Quluzadə, 14. Elşən İbrahimxəlilov, 18. Hüseyn Qarayev, 22. Elgün Rzayev

Baş məşqçi: Teymur Eyvazov

Araz-Naxçıvan

12. Rövşən Hüseynli (q, k), 5. Borges Souza Murilo, 6. David Qustavo, 9. Maneka, 10. Felipinyo, 1. Azər Fərmanov (q), 13. Amir Şocaei, 15. Hadi Ahmadi, 11. Xətai Bağırov, 18. Nurlan Mehdizadə, 7. Ramiz Çovdarov

Baş məşqçi: Joze Alesio Da Silva

Neftçi İK – U-19 (0:0) 2:2

5 noyabr. Bakı İdman Sarayı. Saat 12:00

Hakimlər: Xəlil Xəlilov, Hikmət Qafarlı, Əli Cəbrayılov

Hakim-inspektor: Füzuli Nəcəfov

Qollar: Kənan Manafov, 21:31, İlkin Hacıyev, 25:24 // Şaiq Vəlizadə, 24:54, Xəzər Ağalızadə, 39:30

“Neftçi” İK

12. Cavad Məmmədov (q), 3. Kənan Manafov, 4. Oruc Baxşəlizadə, 7. İlkin Hacıyev, 10. Rüfət Balakişiyev (k), 1. Elnur Zamanov (q), 13. Əjdər Əjdərov, 8. Vahib Xocayev, 9. Məhəmməd Bədəlbəyli, 11. Adil İsmayılov, 14. İlqar Nuruşov

Baş məşqçi: İlqar Aslanov

U-19

12. Zaur Sultanov (q), 4. Nazim Rəhimov, 14. Əli Mahmudov, 7. Xəzər Ağalızadə, 13. Fuad Məmmədzadə (k), 12. Hüseyn Abtalıbov (q), 5. Nurlan Məmmədov, 11. Məhəmməd Abbasov, 8. Asiman Yusubov, 9. Şahmar Cəfərli, 10. Şaiq Vəlizadə, 2. Mirzə Əmirov, 3. Qadir Abdullazadə, 6. Ridan Babayev

Baş məşqçi: Ağatahir Əzimov