Bu gün Bakı İdman Sarayında Yüksək Liqanın pley-off mərhələsinin ilk oyunları keçirilib. Günün ilk matçında əzəli rəqiblər üz-üzə gəlib. Meydana optimal heyətlə çıxın komandaların duelində ilk təhlükəni nominal qonaqlar yaratdı. 30-cu saniyədə künc nöqtəsindən Omid Talebinin ötürməsini qapıya istiqamətləndirən Rüfətin sevinməsinə əla reaksiya göstərən Kürdov imkan vermədi. Hesabı Namiq Məmmədkərimov açdı. Sağ cinahla keçid edən təcrübəli forvard toru silkələdi. Növbəti qolun müəllifi isə Emin Kürdov oldu. Topu tutan qolkiper əks-cəbhədəki həmkarının yerində olmadığını görüb dəqiq zərbə ilə fərqi artırdı. Seymur Məmmədov iki, Baxşəlizadə isə bir epizodda qol vurmağa yaxın olsa da, Kürdov rəqibləri üçün keçilməz oldu. İkinci hissədə real qol vəziyyətini “Neftçi” İK yaratdı. İlkin Hacıyev rəqibindən sıyrılıb daha əlverişli mövqedə qərarlaşan kapitanı gördü. Amma keçilməz olan Kürdöv Balakişiyevə yenə şans vermədi. Son 3 dəqiqəni 5 meydan oyunçusu ilə keçirən “Neftçi”dən Atakişiyevin fərqi azaltmasına yenə Emin mane oldu. Beləliklə ilk oyunda qələbə qazanan EKOL seriyada önə keçdi. İkinci oyunda üz-üzə gələn komandalar meydana itkilərlə çıxmışdı. “Araz-Naxçıvan”dan Dmitri Bondarevlə Murilo, “Baku Fire”də isə Samir Mehdiyev cəzalı olduğuna görə matçı buraxırdı. “Araz-Naxçıvan” start fitindən cəmi 7 saniyə sonra hesabı açdı. Ümumiyyətlə braziliyalı trio3 dəqiqə ərzində 4 qol vurmaqla darmadağının əsasını qoydu. Kamran Hacıyev də həmin ərəfədə sonuncu ümid fouluna görə qırmızı vərəqə alaraq komandasını azlıqda qoydu. 12-ci dəqiqədə qonaqlar fərqi azalda bilərdi. Bunun üçün Sultanovun təyin olunan 10 metrlik zərbəni dəqiq vurması lazım idi. Ümumiyyətlə, qalan dəqiqələrdə əsasən 5 meydan oyunçusu ilə mübarizəni davam etdirən meydan sahiblərini azı 3 epizodda cəzalandırmaq mümkün idi. Yeri gəlmişkən, Kamrandan sonra oyuna qoşulan “Baku Fire”in 16 yaşlı qapıçısı Sadiq Əlizadə qurtarışları ilə alqış qazandı. Qonaqlar oyunda ilk qolunu 33-cü dəqiqədə vurdu. Elvin Quliyev 10 metrlik zərbəni dəqiq yerinə yetirməklə buna nail oldu. Quliyev 36-cı dəqiqədə eyni nöqtədən özünün və komandasının ikinci qolunu vurdu. Müdafiəçi 2 dəqiqə sonra het-trikini rəsmiləşdirdi.

Araz-Naxçıvan – Baku Fire (4:0)  9:3

1 may. Bakı İdman Sarayı. Saat 14:45

Hakimlər: Əli Cəbrayılov, Ceyhun Hüseynov, Anar Fərəcov

Hakim-inspektor: Elçin Səmədli

Qollar: Maneka, 0:07, 2:17, David Qustavo, 1:34, 37:44, Felipinyo, 2:32, Xətai Bağırov, 21:28, İsa Atayev, 28:57, Fərid Ələkbərov, 30:58, Ramiz Çovdarov, 33:51 // Elvin Quliyev, 32:42, 36:04, 38:31

Sarı vərəqə: Felipinyo, 36:03

Qırmızı vərəqə: Kamran Hacıyev, 2:35

Araz-Naxçıvan

1. Azər Fərmanov (q), 6. David Qustavo, 8. Rizvan Fərzəliyev (k), 9. Maneka, 10. Felipinyo, 7. Ramiz Çovdarov, 11. Xətai Bağırov, 17. İsa Atayev, 18. Fərid Ələkbərov

Baş məşqçi: Joze Alesio Da Silva

Baku Fire

12. Kamran Hacıyev (q), 4. Elvin Quliyev, 8. Renat Sultanov (k), 9. Murad Quluzadə, 10. Nihad İsmayılov, 2. Sadiq Əlizadə (q), 5. İbrahim Zeynalov, 7. Tofiq Əliyev, 11. Rasif Səfiyarov, 17. Reza Tolouie, 18. Novruz Ələkbərov, 22. Elgün Rzayev, 77. Elşən İbramxəlilov

Baş məşqçi: Teymur Eyvazov

EKOL – Neftçi İK (2:0) 2:0

1 may. Bakı İdman Sarayı. Saat 12:00

Hakimlər: Knyaz Əmiraslanov, Rza Məmmədov, Hacıəli Ağayev

Hakim-inspektor: Mehman Mahmudov

Qollar: Namiq Məmmədkərimov, 8:33, Emin Kürdov, 12:26

Sarı vərəqələr: Namiq Məmmədkərimov, 10:22, Faiq Əliyev, 19:31, Mehdi Rəsulov, 23:24, Samir Həmzəyev, 27:48 // Seymur Məmmədov, 23:36, Omid Talebi, 35:33

EKOL

99. Emin Kürdov (q), 2. Radik Əhmədov, 10. Samir Həmzəyev, 11. Namiq Məmmədkərimov (k), 20. Tofiq Mikayılov, 1. İntiqam Babayev (q), 7. Faiq Əliyev, 8. Mehdi Rəsulov, 9. Əsgər Abasov, 17. Rüstəm Bağırov, 33. Ələsgər Ələsgərli, 44. Orxan Həsənəliyev

Baş məşqçi: Radik Əhmədov

Neftçi İK

1. Anar Məmmədov (q), 3. Oruc Baxşəlizadə, 10. Rüfət Balakişiyev (k), 11. Hasan Ali Jafari, 77. Omid Talebi, 23. Elnur Zamanov (q), 4. Fərid Atakişiyev, 9. Oqtay Rüstəmli, 5. Nurlan Mehdizadə, 8. Vahid Xocayev, 13. Əjdər Əjdərov, 14. Seymur Məmmədov, 7. İlkin Hacıyev, 17. Hüseyn Mənəfli

Baş məşqçi: Elşad Quliyev