Birinci Liqada 2022-23-cü il mövsümünə start verildi.

Turun ilk matçı "Baku Fire-2 - "Şamaxı" arasında keçirildi. Oyundan əvvəl Azərbaycan Respublikasının dövlət himni səsləndirildi. Gərgin keçən qarşılaşma isə debütantın 3:2 hesablı qələbəsi ilə başa çatdı.  ADBTİA "Dəstə Ordubad"ı 6:2, "Alyans Qrup" isə STAR kargo"nu 7:3 hesabı ilə məğlub edib. Onu da qeyd edək ki, aşağı dəstədə vaxtilə millinin formasını geyinmiş Rizvan Fərzəliyev, Tofiq Mikayılov, Samir Həməzyev, Radik Əhmədov kimi tanış simalar çıxış edir.

Turun son 2 oyunu bu gün keçiriləcək. Saat 18:30-da U-17 - MUM, saat 19:30-da VİFLY - "Şuşa" matçı baş tutacaq.