Bu gün Yüksək Liqada III turun oyunları keçirilib. Turun ilk matçı həm də mərkəzi görüş idi. Lider “Araz-Naxçıvan” ən yaxın izləyicisini sınağa çəkirdi. Ölkə çempionu yeni qapçı Mikael Henrique Deonun adını protokola daxil etsə də, meydana Cavad Məmmədov çıxmışdı. Bu matç Alesionun yetirmələri üçün həm də UEFA Çempionlar Liqası öncəsi vacib sınaqlardan hesab edilirdi. Elə baş məşqçi də Mostarda keçiriləcək oyunlarda güvənəcəyi futzalçılara daha çox şans verirdi. Həmin matçlarda komandaya kömək etməyəcək Felipinyo əksər hallarda matçı kənardan izlədi. Gözlənildiyi kimi, nominal meydan sahibləri qarşılaşmaya üstün başladı. Qonaqlar cəmi 3 dəqiqə tab gətirdi. Əvvəlcə Katatau, ardınca isə Vitao rəqib qapısına yol tapdı. 5-ci dəqiqədə Heydari rəqib təhlükəli epizod yaratmaqla yadda qaldı. Tədricən gərginlik artsa da, növbəti 6 dəqiqə ərzində azarkeşlər qol görmədi. Sükutu görüşün ən fəallarından olan David pozdu. Növbəti qolun memarı isə Vitao oldu. Sol cinahda Nihadı keçən forvardın ötürməsini Andreu tora qovuşdurdu. Ardınca qonaqlardan Heydari qapı dirəyini nişan aldı. Bombardirlər yarışında yer alan Vitinyo da fasiləyə qədər adını tabloya yazdırmağı bacardı. Vitaonun növbəti dəfə assistentliyi sayəsində Andreu dubl etdi. Bu həm də birinci hissənin yekun nəticəsi oldu. İkinci hissədə ilk qolun memari Cavad oldu. Qolkiperin rəqib qapısı qarşısında nəzarətsiz dayanmış Andreuya hava ötürməsini braziliyalı başla qapıdan keçirdi. David də dubl etdi. Rəqib isə qapıçının irəli çıxmasından istifadə edib Muradla təsəlli qolunu vurdu. Sonrakı dəqiqələrdə “Araz-Naxçıvan”da yeni qolkiper meydana çıxdı. Onun oyuna qoşulması ilə meydan sahibləri daha çox “beş oyunçu” taktikasına üstünlük verdi ki, epizodların birində Deonun səhv ötürməsi Faiq Əliyev üçün qol vurmaq imkanı yaratdı. Sonuncu da fürsəti əldən vermədi. Beləliklə oyun “Araz-Naxçıvan”ın 10:2 hesablı qələbəsi ilə başa çatdı. İkinci oyun pley-offa vəsiqə qazanacaq iştirakçıların müəyyənləşməsi baxımından əhəmiyyət daşıyırdı. Düzdür, əsas mərhələnin cəmi 3 turu keçirilib. Amma indidən “səbətə” atılan hər xal və ya xalla yekunda həlledici rol oynayacaq. Hər iki komandanın heyətində dəyişikliklər var idi. Adil İsmayılov isə cəzalı olduğuna görə, bu dəfə “gəmi”ni Turala tapşırmışdı. Oyunda hesabı əyalət klubu açdı. 3-cü dəqiqədə Farroxi toru silkələdi. 10-cu dəqiqədə Matin 10 metrlik cərimə zərbəsindən fərqlənə bilmədi. Qapıçı inamlı oyunu ilə buna imkan vermədi. 5 cərimə limitini doldurduğuna görə, “Alyans”ın qapısına 12-ci dəqiqədə növbəti 10 metrlik cərimə təyin olundu. Bu dəfə qolkiper Mahyarın sevinməsinə mane oldu. Hissənin son 5 dəqiqəsində nominal qonaqlar ardıcıl 2 qol vurmaqla fasiləyə üstün yollandılar. Fasilədən sonra bu dəfə qapıya ilk yol tapan “Record club” oldu. Mahyar bununla həm dəc dublnu rəsmiləşdirdi. 37-ci dəqiqədə “Record club” azlıqda qaldı. Bu dəfə Mahyar ikinci sarı-qırmızı vərəqə alaraq komandasını azlıqda qoydu. Turun son matçı “Neftçi”nin qələbəsi ilə yadda qaldı. İddialılar sırasında yer alan bu komanda U-19-la gücünü sınadı. Emin Kürdov və İlkin Hacıyev komandasına kömək edə bilmirdi. Hasan Ali Jafari isə müəyyən fasilədən sonra köhnə-yeni komandasında meydana çıxdı, qol vurdu. Erkən qolla başlayan “Neftçi” aktivindəki xalların sayını artırmaqla xal ehtiyatını 7-yə çatdırdı və turnir cədvəlində ikinci pilləyə yüksəldi. Görüş həm də U-19-un cari mövsümdə qol hesabını açması ilə əlamətdar oldu. Qolu isə Fərid Abbasov vurdu.

Araz Naxçıvan - Baku Fire (6:0) 10:2

15 oktyabr. Bakı İdman Sarayı. Saat 12:00

Hakimlər: Əli Cəbrayılov, Rza Məmmədov, Vüsal Balaşov

Hakim-inspektor: Murad Məmmədov

Qollar: “Katatau”, 2:18, Vitao, 3:27, 39:26, David Qustavo, 10:04, 28:12, Andreu Varqas, 11:27, 18:34, 22:43, Vitinyo, 15:16, Sinesio, 35:27 // Murad Quluzadə, 30:03, Faiq Əliyev, 36:28

Sarı vərəqələr: Vitinyo, 23:59 (qeyri-idman hərəkəti) // Murad Quluzadə, 38:15

Araz-Naxçıvan

19. Cavad Məmmədov (q), 8. David Qustavo, 10. Andreu Varqas, 13. Viktor Hüqo Oliveyra “Vitao”, 21. Mateus Lukas “Katatau”, 1. Azər Fərmanov (q), 12. Mikael Henrique Deon (q), 6. Viktor Ponce, 9. Oktay Rüstəmli, 14. Xəzər Ağalızadə, 15. Viktor Hüqo Pires “Vitinyo”, 17. Felipinyo, 18. Fərid Ələkbərov (k), 20. Sinesio

Baş məşqçi: Joze Alesio Da Silva

Baku Fire

12. Kamran Hacıyev (q), 4. Elvin Quliyev (k), 10. Nihad İsmayılov, 3. Oruc Baxşəlizadə, 21. Sorouş Heydari, 1. Elnur Zamanov (q), 5. Nurlan Məmmədov, 7. Faiq Əliyev, 8. Sahand Rezapour, 9. Murad Quluzadə, 11. İmaməli Hüseynov, 19. Tofiq Əliyev

Baş məşqçi: Teymur Eyvazov

Alyans (Lənkəran) - Record Club (1:2) 3:6

15 oktyabr. Bakı İdman Sarayı. Saat 14:00

Hakimlər: Ceyhun Hüseynov, Mahir Məmmədov, Şakir Quliyev

Hakim-inspektor: Azər Əsgərov

Qollar: Armin Farroxi, 2:28, Mojtaba Vali, 30:54 (ö/q), Nurlan Fərəcli, 37:54 // Mahyar Pourniyazi, 15:37, 22:26, Matin Qahramani, 16:21, 38:17, Seyidreza Hosseini Hotkani, 32:33, Rəsul İbrahimov, 33:46

Sarı vərəqələr: Armin Farroxi, 1:49 (qeyri-idman hərəkəti), Nurlan Fərəcli, 24:34 (qeyri-idman hərəkəti), İmran Məhərrəmov, 24:46 (qeyri-idman hərəkəti), Mojtaba Asadi, 32:50 (qeyri-idman hərəkəti) // Mahyar Pourniyazi, 10:38 (qeyri-idman hərəkəti), Mojtaba Vali, 18:44 (qeyri-idman hərəkəti)

Qırmızı vərəqə: Mahyar Pourniyazi, 36:49 (ikinci sarı – qeyri idman hərəkəti)

Alyans (Lənkəran)

2. İmran Məhərrəmov (q, k), 6. Təhmiraz Abbasov, 7. Armin Farroxi, 14. Mojtaba Asadi, 18. Mohammad Alizadeh, 5. Nurlan Fərəcli, 8. Kamran Nəcəfzadə, 12. Cəlil Axundov, 15. Əlizamin Rzayev, 11. Tural Lətifov

Baş məşqçi: Akbar Xodaei

Record club

2. Emil İsrəfilov (q), 7. Mojtaba Vali, 9. Seyidreza Hosseini Hotkani, 10. Mahyar Pourniyazi, 27. Matin Qahramani (k), 1. Fərid Bədəlov (q), 3. Onur Əlizadə, 4. Elmir Xəlilov, 5. Emin Məhərrəmli, 11. Rəsul İbrahimov, 12. Ezatullah Razaye

Baş məşqçi: Ali Tajik Xaveh

U-19  -  Neftçi İK (1:5) 1:11

15 oktyabr. Bakı İdman Sarayı. Saat 16:00

Hakimlər: Knyaz Əmiraslanov, Xəlil Xəlilov, Elgün Hüseynov

Hakim-inspektor: Elçin Səmədli

Qollar: Fərid Abbasov, 15:44 // Əjdər Əjdərov, 1:59, Ülvi Əliyev, 3:51, 30:24, Rüstəm Bağırov, 10:49, Hasan Ali Jafari, 12:55, Anar Məmmədov, 18:01, Rüfət Balakişiyev, 30:45, 36:00, Məhəmməd Abbasov, 32:06, 39:44, Əjdər Əjdərov, 39:23

Sarı vərəqələr: Sunay Həsənov, 8:22 (qeyri-idman hərəkəti), Fərid Abbasov, 18:27 (qeyri-idman hərəkəti), Nihad Cəfərli, 39:54 (qeyri-idman hərəkəti), Taryel Xasıyev, 39:54 (qeyri-idman hərəkəti) // Hasan Ali Jafari, 12:21 (qeyri-idman hərəkəti), Rüfət Balakişiyev, 17:45 (qeyri-idman hərəkəti), Namiq Məmmədkərimov, 22:09 (qeyri-idman hərəkəti), Mirzə Əmirov, 23:33 (qeyri-idman hərəkəti),  Məhəmməd Abbasov, 31:58 (qeyri-idman hərəkəti), İbrahim Zeynalov, 39:54 (qeyri-idman hərəkəti)

U-19

12. Sadiq Əlizadə (q), 6. Rüfət Məmmədli, 9. Elşən Mahmudov, 10. Fərid Abbasov (k), 14. Kənan Rövşani, 1. Rəvan Hüseynov (q), 2. Sunay Həsənov, 3. Rasim Mikayılov, 11. Taryel Xasıyev, 5. Nihad Cəfərli, 7. İlham Alıyev, 8. Nüsrət Fərzəliyev, 13. Şahbaz Həndəmli, 4. Nihad İsmayılov

Baş məşqçi: Ağatahir Əzimov

Neftçi İK

12. Anar Məmmədov (q), 13. Əjdər Əjdərov, 6. Mirzə Əmirov, 9. Nurlan Mehdizadə, 11. Namiq Məmmədkərimov, 16. Zaur Sultanov (q), 3. Kənan Manafov, 4. Məhəmməd Abbasov,7. Hasan Ali Jafari, 8. Ülvi Əliyev, 10. Rüfət Balakişiyev (k), 17. Asif Zeynalov, 38. İbrahim Zeynalov, 94. Rüstəm Bağırov

Baş məşqçi: Hacıbala Abdullazadə