Bu gün Yüksək Liqada VI turun oyunları keçiriləcək. Bununla da liqada II dövrəyə start veriləcək. Turun ilk oyunu CBC Sport kanalı vasitəsilə canlı yayımlanacaq. “Neftçi” İK – “Baku Fire” arasında baş tutmuş mövsümün açılış matçı qolsuz heç-heçə ilə başa çatmışdı. Bu qarşılaşmadı qeydə alınacaq nəticə turnir cədvəlinin ikinci pilləsində dəyişikliyə səbəb ola bilər. Lider “Araz-Naxçıvan” “Alyans”la gücünü sınayacaq. Son çempionun Lənkəran təmsilçisi ilə dueldə büdrəyəcəyi inandırıcı görünmür. “Record club” isə yeni formalaşan və Avropa çempionatında ölkəmizi təmsil edəcək U-19-la üz-üzə gələcək.

Neftçi İK – Baku Fire

10 noyabr. Bakı İdman Sarayı. Saat 14:15

Hakimlər: Rza Məmmədov, Ceyhun Hüseynov, Nahid Xasıyev

Hakim-inspektor: Mehman Mahmudov

Alyans (Lənkəran) – Araz-Naxçıvan

10 noyabr. Bakı İdman Sarayı. Saat 16:15

Hakimlər: Hacıəli Ağayev, Şakir Quliyev, Elgün Hüseynov

Hakim-inspektor: Azad Hüseynov

Record club – U-19

10 noyabr. Bakı İdman Sarayı. Saat 18:15

Hakimlər: Ziya Nəsirov, Anar Fərəcov, Mahir Məmmədov

Hakim-inspektor: Əfqan Həmzəyev